Flipay 3:19 - Udél Dwata: Gna Kesfasad ne Lomi Kesfasad

¹⁹ Yó kem tau yó, angat le gógów elem lanaw ofi, abay se yóm kul knóyô lówó, hol lómón ke yó se dwata lolò le. Deng le mom hegmón du yóm nmò gónó myak. Són yó nô bè nawa le, són yóm nmò tau talak tonok.

Flipay 3:19 Referans Kwoze

Sulat Pol Ebè Yó Kem Tau Hemtahu Bè Rom 16:18

Abay se là kô lolò le ke Krays yóm gónó tekuy mogot yó kem tau yó. Són kul knóyô lolò le. Lemwót bè yóm alì khulung le mudél, gel gsukat bélê le yó kem tau là deng tngón le du yóm ktahuhen.

2 Pitér 2:3

Lemwót bè yóm kebel le filak, tey dê gel tulón le kuy hono kem tulón lemambù. Deng legen ne eles kbuteng Dwata du ne yóm angat ktafaken kul. Són féten, là dengen hto he yóm butengen mò du.

Kulasi 3:2

Yake bè yó dé hol gónóhen nô nawa tekuy, là bè yó du kem kdéen ton te tonok.

2 Pitér 2:1

Yóm tehe yu ekni, gel wen se kem tau gel sut tódô tô lembù tmugod ke Dwata. Senged se ni kmoen ni, wen tau sut na a tmolok sekban lem blóng ye. Hono kéng yóm gel tolok le. Ke lolò ye, hensideken ktau ye. Sal henkéng le yóm gónó tekuy mogot igoen du yóm tehe msok kul gu lem hatay. Yó gónóm mon, angat tódô kento genlà Dwata lu yó kem tau yó.

2 Kurin 11:15

Yó gónóm mon, là hentaw tekuy du bè yó kem tau Seitan ke hlingu le bè yó kem tau Dwata deng tedeng kmò le. Kaem bè yóm hol són kdaw, angat guta le balaen yóm nmò le yó.

2 Kurin 11:12

Yó gónóhu là hlowil bélê ye, wen yó kem tau tódô lembù mógów nô bélê ye bè yó anì là wen gónó le hsenged yóm kul nmò bè yóm kum mò gónó le hton salù.

Husiya 4:7

Ke henwenen temnù kwen yó kem tau gel semblóng tau ebéléu, henwenen se temnù yóm tendo kegsalà le béléu. Yóm tehe kegdóyón ye bè yóm klolò ye do, deng mom tles ye du yóm kyak ye lan ye lemolò yó kem dwata kéng.

2 Pitér 2:13

Angat gotu hulék Dwata eta le yóm sidek deng gel nmò le bè dumu tau. Ni kem tau ni, balù kemdaw sana kbeyen le mò du yóm kul knóyô lówó. Tey mungu ke segbót le mken bélê ye bè yóm gel kestifun ye, yó se gónó ye myak bè dumu tau. Lel le mken bélê ye he, lel le smukat kuy.

Glasya 6:13

Yó kem tau yó, tey klolò le du yóm htulì, okóm là kô na le e gotu glolò du kdê yó kem dumu hlau. Yó gónó le alì mgoy kuy anì wen gónó le megsalù bè kem dumu le Ju ke deng glolò ye yóm kul tolok.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

1 Kurin 3:3

Abay se monem sana tolo klolò ye du yóm kul kmò yó kem tau là hemtahuhen. Yó gónóhu mon du yóm yó, abay se tolo wen bélê ye gel sélés nawa, ne gel skaf mon. Yó se gónón gfan yóm tolo klolò ye du yóm kul kmò yó kem tau là hemtahuhen.

Kem Lingón 17:14

Hol lenwaem ou, Dwata, mlan bè yóm alì kegbek sigelem. Lenwaem ou bè yó kem tau són hendeen le ke wen gel guta le yóm igò le mowil. Hol tnafakem lu, Dwata. Ne yóm ktafakem kul yó, yake hol gefet bè yó kem ngà le efet bud kól bè yó kem lugod le.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

2 Timuti 3:4

Gel natul le kem dumu le, tódô fà le knawa le, tey le alì hegmón. Són nô bè nawa le yóm kenbeyen le, là buden nô bè nawa le Dwata.

1 Timuti 6:5

Tendo mit skaf stulón bè yó kem tau là buden btol kehedem le, là bud lolò le du ne kul yóm ktahuhen. Bè kul kehlan du, yóm kul kehtahu mò lan baling kwasa.

2 Tisalunika 2:12

Yó nefeten, angat gotu megtuled yóm kdéen tau là dog hemtahu du yóm ktahuhen, mom hnigal le yóm ksidek nmò le.

Flipay 2:21

Tódô kdê yó kem dumu tau, sal gel hegna le yóm kul knóyô nmò, fen hfuli le yóm kun nmò Jisas Krays.

1 Kurin 5:6

Tey là kóen na a hyu yóm kehegmón ye yó. Igò ye se temngón du yóm gel mon le, “Baluen ke tek udì yóm ken bali, ke suem bè yóm ken là balihen, gbót bali snéen yóm ken lomi.”

1 Kurin 5:2

Moen de ke deng ye mom hegmón? Mò ye là kemblat du nawa du yóm salà yó? Hol bê ye abay bud hmung bè yóm gel kestifun ye yóm tau mò du yóm yó.

Malakay 1:12

“Okóm kuy, kem tau Israél, tey tólóng. Gfan bè yóm dsù ye yóm là kadat ye do. Yóm kwit ye yóm dsù là knóónen béléu, yó se gónón gfan yóm là kebtesen bélê ye yóm dou gónó demsù.

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

Sulat Jim 4:16

Okóm kuy, mo ye mom hegmón ne hton salù. Tey sidek se yóm nmò ye yó.

2 Tisalunika 2:8

Ne yó he kehegfanen yóm tau alì hulung mò sidek yó. Okóm bè yóm kkól yóm gónó tekuy mogot Jisas, angat tódô hnatayen mlan bè kyufen du. Tódô mekto meglà yóm tau yó lemwót bè yóm tey keslinang yóm gónó tekuy mogot.

Kun Snulat Luk 18:4

Tey kegenen là géhél kemmón du yóm tau hemdeng knukum yó. Okóm tikóng deng tmakas, yó hendemen, monen, ‘Balù nim là klikou ke Dwata, ne là se nadatu yó kem dumuhu tau,

Kun Snulat Luk 16:19

Bud wen tulón Jisas kul, monen, “Wen sotu tau alì wen kendengenen. Són gel leseken yó kem nes alì mebtes, ne tey mdengen klowilen ket kdaw.

Kun Snulat Luk 12:19

Ne yó angat monu, Tey hyu bagiu nim ou, wen nim tey henyuhu ni balù mom hilu halay. Naw olò na hdatù dé ni, na hendengen mken ne minum, naw hol hligal.’

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Matyu 16:23

Beklil se Jisas ebè Pitér, monen, “Hlayuki béléu, Seitan. Béem tô henseng yóm nógówu. Là kóen lemwót bè Dwata yóm kehedemem yó, kaem kehedem tau te tonok.”

Mika 3:11

Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

Mika 3:5

Yó udél Dwata ebè yó kem tugod dwata kéng, monen, “Yu se deng mit kul tlas yó kem dou tau. Ke wen ken blay le kuy, fnasad ye lu kenek kbenwu, okóm bè yó kem tau laen dù blay le kuy, deng mom sidek kesbeweg ye kul.

Isikél 34:3

Mom yu fen gel minum gatas le ne yóm nes ye nmò ye gu bè bul le. Gel nétê ye yóm ubiha alì mabù bè kdéen, okóm mom fen hbitil ye lu yó kem ubiha nalak ye.

Kem Lingón 52:1

Ó tau kemgis, moen de ke tendo hen-gmónem yóm kmoem sidek bè yó kem tau mimón ke Dwata?

Deng Hegfan 18:7

Tey gedlug kehegetahen knóen, ne tey gedlug kehdengenen snéen. Yó hol tles ye du, hegedlug ye keglayamen ne hegedlug ye klangagen. Yakà gel monen du, ‘Ni ou ni, libune boi. Là kóe libun bolu, laen kô dou knangag.’

Sulat Jud 1:4

Yó gónóhu mon du nim ni, abay se deng wen ne kem tau hegbool lem blóng tekuy, kem tau laen dù klikò le ke Dwata, ne là dengen gdilô bélê ye yóm kesekban le. Deng tô tenles le yóm tahu tolok gbak ebè yóm któbóng Dwata tau. Yó tolok le, là sideken kun ke mò tekuy samuk, abay se gbek Dwata hmifót du. Ne sotuhen, kenbê le Jisas Krays ke du yóm gónó tekuy mogot. Deng tehe eles hsulat Dwata ekni yóm ktafaken kul.

Sulat Pol Ebè Yó Kem Tau Hemtahu Bè Rom 6:21

Tulón ye do kun, wen kô ofol ye du yó kem sidek tehe nmò ye gónó ye myak? Yó nefeten yóm nmò ye yó, duhen hatay.

1 Samwél 2:29

Na, moen se ni du ke deng mom sen-glom ye yó kem dsù le ebéléu yó kem tau, dalang se yó kem tódô gel blay le ebéléu, yóm deng hmou kul? Moen du, Ili, ke bong nadatem yó kem ngaem mkay sentahu? Lel ye deng mabù bè yó kem utón mgélék deng nwa le bè ket dsù le ebéléu yó kem dou tau.

2 Tisalunika 1:9

Angat gnóm le yóm tafak laen tul sónen. Gotu hdóhen lu bè solu yóm gónó tekuy mogot, tódô hlós ne yóm keskó le béléen ne là se bud ton le du yóm tey alì kfasangen

Sulat Jud 1:10

Okóm kul yó kem tau sekban ktolok le yó, balù yóm là deng tngón le du, senged alì kehnê le du. Lómón tô le ógóf, ket ksuten bè nawa le yóm knóyô lówó le, ket kmò le du. Duhen yó se angat mit kul lem hatay laen sónen.