Flipay 3:18 - Udél Dwata: Gna Kesfasad ne Lomi Kesfasad

¹⁸ Abay se tey dê tau tódô dilóem bè kekdol le yóm khohon le yóm katay Krays bè kros. Deng dê duléku ne tmulón du kuy nim ni, botong mosok lewoku nim bud ktulónu du kuy ni.

Flipay 3:18 Referans Kwoze

Ifisus 4:17

Ni eles hetgamahu kuy hlanu bè boluy yóm gónó tekuy mogot. Bê ye abay bud nmò yóm kul gel nmò yó kem tau là tngón le ke Dwata. Yóm kul kehedem yó, laen kô gónón e kól.

Isaya 8:11

Wen eles hetgama Dwata dou mlan bè yóm tey kfasangen. Là kóyóen du ke lolou yóm lan lolò yó kem dumuhu tau. Yó udélen ebéléu, monen,

Glasya 6:12

Yó kem tau tendo mubug kuy lemolò du yóm hlau bè logi, yó se yó kem tau olo le beyen heklabak ne hton salù bè yó kem dumu le. Abay se ke són yó tô tolok le yóm katay Krays bè kros, ke là hmung le du yóm hlau bè logi yó, angat wen gónó le hemsidek kul yó kem dumu le Ju.

Glasya 2:14

Timbow tonu yóm là bud klolò le du yóm ktahuhen lemwót bè yóm Tulón Hyu, yó gónóhu tódô mon du mò ke Wè Pitér lem blóng yó kem tau, monu, “Tauhi Ju se kóm, Wè, okóm bè yóm knóem bè ni, kéng tô là Juhi, deng nmungem yóm kul adat yó kem tau là Juhen. Ke yó se nmoem, tô kmò kehloloem du kul du yó kem tau là Juhen yóm hlau tekuy kem Ju?”

Glasya 1:7

Bè ktahuhen, là kô wen dumu “tulón hyu.” Yó gónóhu mon du mò kuy nim ni, abay se tngónu wen tau tendo gel sembeweg kuy bè yó. Tô tenles le yóm Tulón Hyu gbak ebè Krays.

2 Pitér 2:10

Hol néen yó kem tau tódô lolò le yóm sidek knóyô lówó le, ne gel natù le Dwata. Ni kem tau tmolok sekban ni, laen kô dù nadat le, ne tey kehegmón le. Balù yó kem alì mfasang gel nô bè longit, sana kehnê le kul.

1 Tisalunika 4:6

Kóyô Dwata ke là nulé ye du ni kem monu ni koni, anì laen dù gónó ye sgulé bè kem dumu ye. Deng tehe tulón me kuy se nim ni, ne deng tehe eles hetgama me kuy yóm ktafak yóm gónó tekuy mogot yó kem tau mò du.

Flipay 1:4

Ne tey gel klaan nawahu bè yóm gel knihu bélê ye bè Dwata

Glasya 5:21

Yó mò kul, gel le mófô. Ne tey gel kehlengel le, segdófón honohen lu. Bong dê he dumuhen gel nmò le lómón ni kem ni. Bud nulitu bélê ye yóm deng tehe eles tulónu kuy. Yó kem tau gel mò du ni kem ni, là kô le na a gmung bè yóm tau nogot Dwata.

Glasya 2:21

Bede ke deng tedeng se kton Dwata du yóm tau bè kloloen yó kem hlau gnan, laen kô dù muhen yóm katay Krays. Okóm béléu dou, tey bong któbóng Dwata dou hlanen bè yóm katay Krays.

2 Kurin 11:29

Ke wen bélê le lunog kehtahuhen, kéng tô ou se gemnóm du. Ke wen tau hebtang le elem salà, ya tey sidek kegnómu du se dou.

2 Kurin 11:13

Là kô le tau tahu hógów Krays, kaem tau le tódô lembù mógów. Yóm kul nmò yó, mò gónó le smukat kuy, hlingu le tau hógów Krays.

2 Kurin 2:4

Botonge mkik bè yóm ksulatu du yóm gna sulatu ebélê ye, bà mon se yóm tey alì sidek kegbeng lemu. Là kô yó du gónóhu hemwit edyó yóm sulatu ke mò udélu tô hemblat nawa ye. Okóm yó dé gónóhu hemwit du ebélê ye anì hol dilô ye yóm tey kbong nawahu kuy.

1 Kurin 6:9

Deng hónô tngón ye, là kóen gmung bè yóm tau nogot Dwata yóm tau là tedeng nmoen. Béen tólóng kehedem ye du nim ni. Là kô le gmung yó kem tau gel mò samuk, ne yó kem tau hemtahu bè yóm dwata kéng, ne yó kem tau mdà yehen, ne yó kem tau deng mom senwì le yóm kmò kesyehen, syehen hono logi, ne syehen hono libun.

1 Kurin 1:18

Bè yóm gel ktulón me yóm katay Jisas bè kros, ofo kul mon du yó kem tau tolo golu elem hatay ke tulón laen dù muhen. Okóm bélê tekuy kem tau deng gewà gu lem hatay, tódô tngón tekuy bè yó gónón gfan yóm tey kfasang Dwata.

Sulat Pol Ebè Yó Kem Tau Hemtahu Bè Rom 9:2

Yó tulónu kuy ni, yóm là keskóhen yóm alì ksidek kegnómu du

Kun Snulat Luk 19:41

Ngang le Jisas mógów efet le móyón gdofì bè Jirusalim. Bè yóm ktonen yóm syudad bong yó, botong mosok lewoken,

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Sulat Jud 1:13

Ne bud le mkél bè lewók mohin ke lemnos. Sal gel wen bulok gedway ebè kililen. Hol lómón se yó ne kmò yó kem tau yó, sal gel gfan yóm ksidek gel nmò le, yóm gónó le hemyak knô le. Mkél le snéen bè yó kem blotik tabag, laen mdengen lan lolò le. Deng eles wen yóm tey benwu kmifu deng hentifes Dwata bélê le, ne laen kô dù sónen yóm knô le du.

2 Tisalunika 3:11

Yó gónó me bud mon du nim ni, abay se gungol me wen bélê ye mduk mò nmò kun. Laen kô mdengen nmò le, són tendo snolò le nmò kem dumu tau.

Kul Nmò 20:19

Deng tódô hotuhu nawahu mimón yóm hmò Dwata dou. Bè yóm kmou du, tey keheglaanu ne deng hilu duléken ne tendo btang lewoku. Tódô henlelu mò du balù yóm kwen gel gfau lemwót bè yóm gel kessatul le dou yó kem dumuhu Ju.

Jirimaya 9:1

Hyu dé ke kokol él yóm kuluhu ne yóm matahu, hyu dé ke tbul lewok anì senflósu mkik ket kdaw ne kifu. Nkiku yóm kdê yó kem dou tau deng hnatay le.

Kem Lingón 119:136

Ke gel hendemu yó kem tau là mimón du yó kem hlauhem, tey sidek kkiku.

Glasya 6:14

Okóm béléu dou, tek sotu yóm saluu, són yóm katay Jisas Krays bè kros yóm gónó tekuy mogot. Lemwót bè yóm katayen yó, là kô bud gwiten dou ne yóm dê kenbeyen talak tonok ne là kóe bud gfét du snéen.