Flipay 3:11 - Udél Dwata: Gna Kesfasad ne Lomi Kesfasad

¹¹ abay se wen hendón nefet nawahu, duhen yóm angat klowilen dou gu lem hatay.

Flipay 3:11 Referans Kwoze

Deng Hegfan 20:5

Ni se yóm hol tanay kehlowil Dwata yó kem tau tehe matay. (Bong yó kem dumu tau deng tehe matay, là tagad hlowil Dwata kul he efet kdeng yóm lemibu halay.)

Kul Nmò 26:7

Bud ni snéen gentud nawa tekuy kem Ju nim kmoen ni. Yó gónó tekuy tendo tmaba ebè Dwata, kemdaw ne kifu. Ni se, Datù, alì duón le dou yó kem dumuhu Ju.

Kul Nmò 23:6

Timbow dilô Pol wen se Sadyusi ne wen se kem Farisi bè yó kem tau mogot kukum, ominen hgel udélen, monen, “Kem dou dumu tau Israél, ou snéen sotu Farisi. Dalang se yó kem tehe fuu, Farisi le snéen kul. Ni se duón yóm kkukum ye dou ni abay se hentahuhu yóm angat klowil tau.”

Hibru 11:35

Ne lemwót bè kul kehtahu yó kem libun, botong bud hlowil Dwata yó kem ngà le deng matay. Wen se kem dumu tau hemtahu deng kenfô le. Balù yóm tey kehsidek le kul efet hatay le, ewenem, là kô tebel le du yóm kehtahu le bè Dwata. Deng eles tngón le tey hyu yóm klowil le ke deng bud hlowil Dwata lu.

2 Tisalunika 2:3

Hol ye temgama anì laen dù gemsukat kuy. Abay se là kóen tagad sut he yóm kdaw bud kkól yóm gónó tekuy mogot ke là nan gegna yóm alì kekbê le ke Dwata yó kem tau, ne nan na hegfan he yóm tau alì hulung mò sidek. Yó se yóm tau deng eles golu etahen yóm kógówen elem lanaw ofi.

1 Tisalunika 3:5

Yó gónóm mon, bè yóm là hol bud kegbalahu du yóm alì ksidek kónó nawahu kuy, yó se gónóhu hógów ke Timuti edyó mò gónów temngón du yóm mò kmò yóm kuy kehtahu. Mónó nawahu du yóm ksindil Seitan kuy, kô gmung ye du, ne kô mom baling kafa yóm tehe gel nmò me lem blóng ye.

2 Kurin 11:3

Okóm tey gel ktafa nawahu kuy. Tnafa nawahu kô gsukat ye bè yóm tolok sekban, ne baling knogol nawa ye Krays, kô là nóen béléen nawa ye. Déke mkél ye ke Ib, gsukat bè alì khulungen mangkal yóm Seitan bè yóm tehe kehlinguhen bè ulal.

1 Kurin 9:27

Duhen yó, anien ke wen sidek knóyô lówóhu, tódô hotuhu gelu kembê du anì là gmunge. Ke là hulunge mafas nawahu, là kô gutahu du se yóm ofol angat blay Dwata dou, igoen ou se sotu tau gel tmolok kem dumu tau.

1 Kurin 9:22

Ke nóe lem blóng yó kem tau tolo lufi kehtahu le, tódóe hmung bè yóm kul kmò anì wen lanu mit kul bè kehtahu le. Ket tau gel tnulónu, sal gel hnebelu yóm lanu gemwit kul ebè Krays.

Sulat Pol Ebè Yó Kem Tau Hemtahu Bè Rom 11:14

Ke ton yó kem dou dumu Ju yóm nmò Dwata bélê ye, déke angat le mófô bélê ye, ne bè yó gónón wen bélê le gewà gu lem hatay.

Kun Snulat Jan 11:24

“Tngónu se,” mon Marta, “angat bud mowil he bè yóm hol són kdaw.”

Kun Snulat Luk 14:14

Ke ni se nmoem, tey angat któbóng Dwata kóm, abay se là gbek le bud malà kóm. Dwata he fen malà du béléem ke sok hto yóm kdaw gotu klowil yó kem tau hyu kmò le.”

Kem Lingón 49:7

Bede laen kô dù tau ke gbeken msok knóen. Là kô gbeken mayad du bè Dwata yóm btes klowilen,

Kul Nmò 27:12

Yóm lusuk gónó me dmuung yó, là hyuhen ke geslà bè yó yóm bulónen alì sidek kdaw. Alì mlom óyô le hlós ebè Finik mò gónó le nô bè yóm bulónen sidek kdaw, abay se yóm Finik, sotu lusuk bè Krit malù geklung bè lenos, abay se smolu e desdef.

1 Kurin 15:23

Okóm deng mdengen ne butengen yóm angat klowil Dwata kul. Yó hol tanay hlowilen, duhen Krays. Ne bè yóm kdaw kesfulék Krays edini, yó he klowil Dwata yó kem tau deng nfun Krays.

2 Timuti 4:8

Ne ni, wen deng eles henyu yóm gónó tekuy mogot mò ofolu, yóm ofol blayen bè yó kem tau deng tedeng kmò le. Angat suen béléu bè yóm kdaw kekukumen tau, ne tey tedeng yóm kkukumen. Là kô són du ou se yóm wen ofolen, senged nóm se yóm kdéen tau deng eles tendo hemdón du yóm ksuten.