Flipay 3:1 - Udél Dwata: Gna Kesfasad ne Lomi Kesfasad

¹ Ni hol són yóm tulónu kuy, kem dumuhu setwoli. Hol ye gel hligal dé lemwót bè yóm deng kessotu ye bè yóm gónó tekuy mogot. Wen bud sensulitu bélê ye yóm tehe snulatu bélê ye anì là tlas ye.

Flipay 3:1 Referans Kwoze

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

Sulat Pol Ebè Yó Kem Tau Hemtahu Bè Rom 5:11

Okóm là sónen du yó gónó tekuy hligal. Hligal tekuy bè yóm deng nmò Dwata hlanen bè yóm gónó tekuy mogot Jisas Krays, duhen yóm deng kesefyuhen tekuy ne Dwata.

Sulat Jim 1:2

Ó kem dumuhu setwoli, ke sok sut yó kem mgel bè klowil ye, tódô ye kem hligal du ne.

1 Pitér 4:13

Yake hligal ye dé ke wen gónó ye glayam, abay se deng ye gbót ne bè yóm tehe keglayam Krays. Ke gbek ye hembala du, bong kehligal ye bè yóm kdaw kehegfan Dwata du bè kdéen tau yóm tey kegeta Krays.

1 Tisalunika 5:16

Hol tendo gel hlaan ye nawa ye.

Flipay 4:8

Ni mò sónu du bélê ye, kem dumuhu setwoli. Yake hol sù ye lem hendem ye dé yóm hyu, ne yóm knóón bang dóyón. Tey hyu ke són gel hendem ye yóm tahu ne yóm tedeng ne yóm mólós, ne yóm minggel ne yóm knóón nadat.

1 Pitér 3:8

Duhen ni, hol sensotu ye nawa ye ne hol ye skodu, ne hol ye sbong nawa ne hen-ganag ye nawa ye. Hol heglaan ye knô ye bè kem dumu ye.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

2 Pitér 3:1

Ni se gewuhu dulék smulat ebélê ye, yu kem weu dumuhu sogot nawa. Bè nim gewu sulat ni, olohu bud hegtulón du bè nawa ye yóm deng eles tngón ye anì gulit kehedem ye du yóm deng lolò ye.

Ifisus 6:10

Ni se mò sónen yóm udélu ebélê ye. Hol hgel ye nawa ye lemwót bè yóm deng kessotu ye bè yóm gónó tekuy mogot, ne lemwót bè yóm tey kegbeken bélê ye.

Kun Snulat Luk 1:47

ne tey kehyu nawahu ebè Dwata, yóm deng lemwà do gu lem hatay.

Sikaraya 10:7

Yó kem tau Israél, angat le baling kemgis, lómón kgis yó kem sendalù alì hulung sfatay. Tey kehligal le, lómón kehligal yó kem tau minum tifas grép. Angat ton yó kem ngà le yóm nmou bélê le ni, ne tey kehligal le se kul.

Sifanaya 3:17

Yakà dengen nô bélê ye yóm sana kuy Dwata hol gónó mogot. Tey wen kfasangen lemwà kuy bè yó kem hohon ye. Tey angat kehligalen bélê ye. Lemwót bè kbong nawahen kuy, gotu kóhen bélê ye yóm dê knikò ye. Lemwót bè yóm tey kligalen bélê ye gónón tódô hewót semngal.

Sifanaya 3:14

Yó udél Sifanaya, monen, “Ó kem tau bè Sayun, hol ye semngal dé. Hol ye hligal mensag, kem tau Israél. Yó kem tau bè Jirusalim, hol ye hligal se kuy. Hol hewót ye lem but blutut ye yóm kehligal ye.

Juwél 2:23

Ó kem tau bè Jirusalim, hol ye hligal se kuy. Hnigal ye yóm sana kuy Dwata hol gónó mogot. Yóm kulón hwiten ebélê ye mò gónón hegfan du yóm nawahen kuy. Angat bud hwiten ebélê ye yóm kulón geblà bè yóm kdaw ye mulu ne yóm kulón geblà bè yóm kdaw ye muta, lómón yóm gnan.

Kem Lingón 37:4

Ke hnebelem yóm kligalem, bè Dwata dé gónóm e mebel du, ne blayen kóm yóm hendeen nawam.

Kem Lingón 32:11

Yu kem tau gulit, hol ye hligal lemwót bè yóm deng nmò Dwata bélê ye. Ne yu kem tau mimón ke Dwata, hol ye hligal mensag.

1 Tutul Israél 29:22

Tey kehligal le mken ne minum bè yó bè solu Dwata bè yóm kdaw yó. Ne bud suub le bè kulu Selumun yóm ngà Dabid yóm kuruna ilô yóm kbalingen tau hol geta bélê le, tenwél le hnolo ta kuluhen bè yó bè solu Dwata mò malak kul. Dalang se ke Sadok, tenwél le hnolo ta kuluhen mò blóng le ebè Dwata.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Matyu 5:12

Hol hnigal ye dé ke lómón yó kmò le kuy, abay se deng wen tey ofol deng eles fan Dwata kuy bè longit. Yóm keglayam ye yó, hol lómón sem yó ne yóm tehe kul keglayam yó kem tehe gna tugod Dwata ekni.”

Isaya 61:10

Tey kligalen kun yóm Jirusalim lemwót bè yóm deng nmò Dwata béléen. Hol lómó kligalen lómón yóm libun myehen deng hen-get le. Yó henged nes hesek Dwata du yóm syudaden yó, yóm kegewaen bè yó kem hohonen ne yóm kegmoen bélê le.

Isaya 41:16

Sotun, lómón ke tmeef halay kmò ye kul. Gotu sohul ye lu eta ne mung le holis bè lenos. Angat wen lenos bong gotu semkla kul. Angat ye hligal bè yóm kdaw yó abay se ou se kuy Dwata. Angat tey kdóyón ye dou, yóm kuy Dwata yó kem tau Israél, yóm Dwata laen kô dù belenen.

Kem Lingón 149:2

Ó kem tau Israél, hol hnigal ye yóm deng mifil kuy. Dalang se kuy, kem tau bè Jirusalim, hol hnigal ye yóm Hol Geta bélê ye.

Kem Lingón 97:1

Dwata se yóm Hol Geta. Hol hligal he yóm klamangen benwu. Hol hligal he yó kem benwu kilil mohin.

Kem Lingón 42:4

Tey sidek kebà nawahu du sok gbel bè nawahu yóm gnan kdaw bè yóm kmungu bè yó kem tey tau wen mógów ebè Gónô Dwata. Ou se tehe tukô gna kul yó kem tey tau wen yó. Tey kligal le, gotu le semngal ne mensag bè yóm kdóyón le ke Dwata.

Kem Lingón 5:11

Okóm yó kem tau mlo ebéléem, hligal le se kul. Lemwót bè yóm tey kligal le, tendo sngal le yó kem sngal dmóyón kóm. Nofinem lu anì yó hol le hligal kdê yó kem tau kembong nawa kóm.

Nihimaya 8:10

Ne ni, mulék ye ebè gónô ye ne hol ye hligal ne mò ye ken. Benlay ye yó kem tau là kóyówen yóm kul. Nim kdaw ni, kdaw hetfing tekuy ebè Dwata. Yó gónóm mon, hol bê ye abay heblat nawa abay se yóm kligal lemwót bè Dwata, yó se hol gónón lemwót yóm kgis tekuy.”

1 Tutul Israél 16:10

Hligal tekuy abay se tey mólós yóm kun boluy. Yóm kdê tekuy gel tmaba ebéléen, hol tekuy hligal.

1 Tutul Israél 15:28

Duhen yó, nwit Dabid ne yóm kdéen tau Israél yóm Slungan Dwata ebè Jirusalim, mung du yóm tey kehligal le mensag, lel le myuf yó kem tey féw wen, ne sendofì le yó kem simbal, ne lel yóm tey uni yó kem gel kenbit le.

1 Samwél 2:1

Omin Hana mni bè Dwata, monen, “Tey kehefligalen do Dwata. Ya tey któbóngen dou. Laen dù bud gónóhu myak ne bè yó kem hohonu, tey kligalu ne ni lemwót bè yóm tey któbóng Dwata do.

Dwata 12:18

Ken ye ni kem monu ni koni bè yó bè solu Dwata bè yóm sotu benwu angat néléken mò gónó ye tmaba ebéléen, mung kuy kem ngà ye ne kem tóbóng lówó ye ne yó kem sfu Libay menwu lem blóng ye. Gotu ye hligal bè yó, hnigal ye yóm kdê deng gendeng ye.

1 Tisalunika 4:1

Ne ni mò sónu du bélê ye, kem dumuhu setwoli, deng tehe wen dnalang ye lemwót bélê me bè yóm kmò kekdol ye anì hyu nawa Dwata ebélê ye, ne bè ktahuhen deng duhen yó se yóm gel nmò ye. Ne ni wen bud hol sen-galu me bélê ye, hlan me bè kun boluy Jisas yóm gónó tekuy mogot anì hol temnù yóm hyu gel nmò ye.

Kem Lingón 33:1

Yó kem tau tedeng kmò ye, hol ye hligal mensag bè Dwata, yakà teyen knóón bélê ye dmóyón du. Yu kem tau gel mimón ke Dwata, hol dóyón ye se kuy.