Flipay 2:9 - Udél Dwata: Gna Kesfasad ne Lomi Kesfasad

⁹ Yó gónóm mon, tey kehegeta Dwata du bè yóm gónón hol geta bè kdéen. Ne tey kehtótólen boluyen, laen kô dù dumu boluy tótól sentahen.

Flipay 2:9 Referans Kwoze

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

1 Pitér 3:22

Ne ni kmoen ni deng nô bè longit ne Jisas, myón fi bè kwanan Dwata mò ilô yóm kehkamal Dwata du du yóm kdéen hógów Dwata gu bè longit, ne kdê yó kem dumu mtulus wen kwalis le ne wen kfasang le bè yó bè longit.

Hibru 2:9

Okóm deng ton tekuy Jisas. Bè yóm tehe knóen te tonok, hlun heglaan Dwata bè yó kem gel hógówen gu bè longit anì fen na a matay bè kdéen tau. Yó se mò lan Dwata tmóbóng kul. Okóm ni kmoen ni, deng ton tekuy yóm tey kehegeta Dwata du, ne yóm tey kadat le du lemwót bè yóm keglayamen bè yóm katayen bélê tekuy.

Isaya 52:13

Yó udél Dwata, monen, “Yóm tau tóbóng lówóhu, angat gdengen yóm hmou du ne tey kehegetahu du.

Deng Hegfan 5:12

Ya tey kesngal le, mon le, “Nim Ngà Ubiha ni, deng tehe hnatay le. Tey knóón du yóm kfasangen ne yóm kwen kendengenen, ne yóm ketngónen ne yóm kekgisen. Ne knóón du ke hol sensadat tekuy, ne ke hol hegeta tekuy, ne ke hol sendóyón tekuy.”

Danyél 7:14

Yó nmò yóm Tuha yó, benlayen kwalis ne tey kehegetahen du, mung du yóm kfasang mogot klamangen benwu anì tódô kdéen tau, balù kihu but ktau le, balù kihu benwu le, balù kihu udél le, gotu mimón du. Yóm kkamalen benwu, laen kô dù nan e són ne là kóen gbà yóm kogoten tau.

Hibru 1:4

Yóm Ngaen yó, deng tey kehegeta Dwata du senta yó kem gel hógówen gu bè longit. Ne bè yóm ktaba Dwata du hol kun Ngà, bud yó sotu gónón gfan yóm kehegetahen du senta yóm kul kegeta yó kem gel hógówen.

Kem Lingón 89:27

Ne yó angat nmou bè Dabid, angat blayu du yóm kun kwalis yóm ngà logi twogu. Nmou hol geta bè yóm kdéen tau hol geta talak tonok.

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Isaya 53:12

Duhen yó, mon Dwata, angat tey kehegetahu du lem blóng yó kem tau alì tótól ne alì mfasang. Là kô nalihen du klowilen, deng gnómen yóm kul kegtafak yó kem tau mò sidek. Yóm katayen yó mò leyu lówó yóm kdéen tau gemsalà, lelen mni béléu anì hnifótu bélê le yó kem salà le.”

Kem Lingón 110:1

Yó udél Dwata bè yóm gónóhu mogot, monen, “Myóni bè ni bè kwananu efet gotu heglaanu lu bè soluhem yó kem hohonem, lómón ke nmou lu mò gónóm hmótól tihem.”

Kun Snulat Jan 17:5

Ne ni, Mà, bud hegetahem o bè soluhem, lómón yóm tehe kegetahu dyó ekni gu laanen là deng wen benwu he.

Kem Lingón 110:5

Mdà bè kwananem Dwata mò mofin kóm. Bè yóm kdaw angat kebuten, tey dê kem tau hol geta hnatayen.

Deng Hegfan 3:21

Yó kem tau gel matù bè yó kem sidek gel sut, angat wen kwalis blayu kul anì gemyón le klohoku bè yóm gónóhu myón kmamal yóm klamangen. Yóm katù le yó, hol lómón se yóm deng dou katù, ne kyónu klohok Mà bè yóm gónóhen myón kmamal se kun.

Kun Snulat Luk 10:22

Bud mon Jisas mò kul, “Deng gotu tódô hkem Mà dou kdéen. Là kô wen tau temngón du yóm Ngà Dwata, tek són Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.”

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Kem Lingón 91:14

Yó udél Dwata, monen, “Gel lenwau yó kem tau kembong nawa dou, ne gel nofinu yó kem tau mogot béléu.

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Deng Hegfan 1:5

Ne yóm Jisas Krays, tey gsalig yóm gel tulónen. Du se yóm hol geta bè yó kem deng hlowil Dwata gu lem hatay. Bud du se kmamal yóm kentihen tau hol geta mogot benwu talak tonok. Tey kbong nawahen tekuy, gloken hamà yóm kun litô bélê tekuy mò lanen lemwà tekuy gu lem salà

2 Pitér 1:17

Tehe me nô béléen bè yó bè yóm tehe kdóyón Dwata du, yóm Maen, ne yóm tey kehegetahen du. Tódô gungol me udél Dwata, yóm hol geta bè kdéen. Yó monen, “Ni se Ngau hol gónóhen nô nawahu. Bong hyu nawahu du.”

Kulasi 1:18

Bud du se hol kulu yó kem tau hemtahu béléen, ne lu henged lówóhen. Bud du se hlowil kul, abay se du yóm hol tekang mowil là buden matay. Yó gónóm mon, du se yóm hol geta bè kdéen.

Kul Nmò 5:31

Okóm ke Dwata kun, tey kehegetahen du, hyónen fi bè kwananen. Ne du deng nmò Dwata mò gónó tekuy galak, ne mò gónó tekuy gewà gu lem hatay. Ne hlan Dwata béléen snéen yóm kehlifóten salà tekuy kem tau Israél ke hegsel te.

Kun Snulat Jan 13:3

Okóm ke Jisas kun, deng eles tngónen yóm kfasang deng blay Maen du mò mogot du yóm kdéen. Tngónen snéen yóm kewóten gu bè Dwata ne yóm bud kuléken etu béléen.

Matyu 11:27

Omin Jisas bud mudél ebè yó kem gel lemolò du, monen, “Deng gotu hkem Mà do yóm kdéen. Laen kô tau temngón du yóm Ngà Dwata, tek són yóm Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.

Tekang Kbuten 3:15

Hlós senfohonu yu yóm libun. Yóm kun lugod ne yóm kóm lugod sónmò le tendo sfohon. Ne wen bè kun lugod yóm libun angat lemuna kuluhem. Ne yóm kóm lugod, fen mékét bè tekeden.”

Kun Snulat Jan 17:11

Ne ni, bude mulék ebéléem. Móyón tnagaku ne dou nim benwu ni, okóm yó kem tau deng blayem do yó, tolo le tebel bè ni lem benwu. Uu se, Mà, yóm laen dù belenen. Mnihe béléem anì hol kenlungem lu hlanem bè yóm kóm boluy alì mfasang, yóm boluy tehe blayem do. Tnóbóngem lu anì baling ssotu nawa le lómón yóm kut kessotu nawa.

Kun Snulat Jan 17:12

Yóm klawihu nô lem blóng le, tey tendo keklungu kul lemwót bè yóm kóm boluy alì mfasang, yóm boluy tehe blayem do. Deng gel nofinu lu, ne laen kô dù lana bélê le, tek sotu hebkas bélê le, són yóm tau deng tehe eles golu elem tafak. Yó se deng gónón dohò yóm tehe hsulatem ekni.

Ifisus 1:10

Yó atulen, duhen yóm gotu kessotuhen gónó le kmulu yó kem kentihen nô bè longit ne kentihen nô te tonok. Ne yó gónó le mogot, duhen Krays. Gotu nmoen nim atulen ni sok deng hto yóm butengen mò du.

2 Tisalunika 1:12

Ni se gónón hol megdóyón yóm kun boluy yóm gónó tekuy mogot Jisas, ne dalang se kuy, bud ye megdóyón béléen snéen lemwót bè yóm któbóngen kuy Dwata ne yóm gónó tekuy mogot Jisas Krays.

Hibru 1:9

Tey hyu nawahem du yóm nmò tedeng, ne kenbéem yóm nmò sidek. Yó gónóhu mélék kóm mò hegetahu ne mò hnigalu senta yó kem dumuhem.”

3 Jan 1:7

Abay se bè yóm kógów le yó, nwit le yóm kun tulón Krays, ne là kô le na a hetdof bè yó kem tau là hemtahuhen.