Flipay 2:8 - Udél Dwata: Gna Kesfasad ne Lomi Kesfasad

⁸ Bè yóm kbalingen tau, tey keheglaanen knóen, ne laen kô gónón là mimón ke Dwata efet kól bè katayen, balù yóm le tehe khatay le du bè kros.

Flipay 2:8 Referans Kwoze

Kun Snulat Jan 10:18

Laen kô dù tau gembek ma du yóm dou klowil. Tódô lemwót bè dou kóyô hamà du. Wen kwalisu hamà du ne wen se kwalisu bud ma du snéen. Ni se yóm deng hmò Mà dou.”

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

Sulat Pol Ebè Yó Kem Tau Hemtahu Bè Rom 5:19

Lemwót bè yóm là kimón Adam gónón baling gemsalà kdéen tau. Ne lemwót bè kimón Jisas, yó gónón tedeng kton Dwata kul.

1 Pitér 2:24

Bè yóm tehe ktutuk le ke Krays bè yóm kros, deng nwiten ne yó kem salà tekuy, ne deng mom du tnafak bè salà tekuy. Yó gónón mò du yóm yó anì tnagak tekuy yó kem sidek gel nmò tekuy, ne anì hol nô bè nawa tekuy mò du yóm hyu. Du se yóm tehe alì glayam, ne yu se yóm fen hyu bè kililen.

1 Pitér 3:18

Yakà dengen tehe matay Krays lanen fen mayad salà, ne là kô bud sneefen du ne yóm yó. Deng mom fen matay yóm tau hol hyu kmoen mò leyu lówó tekuy kem tau gemsalà anì wen lanen mit tekuy ebè Dwata. Ghatay le lówóhen, okóm là yó dum lóyófen, tódô hlós mowil.

2 Kurin 8:9

Deng tngón ye se yóm alì nawahen tekuy yóm gónó tekuy mogot Jisas Krays. Gloken gemtagak yóm tey kun kendengen bè longit na a baling tau élél te tonok. Yó gónón mò du yóm yó anì baling wen kendengen tekuy mlan béléen.

Matyu 26:39

Ominen mógów hlayuk udì, ne tódô hegluduk lemfen bè tonok, ne mni bè Dwata, monen, “Ó Mà, ke yó dum gmò, kóhem tahu dé yóm angat tey hlayamu ni. Okóm balù wen se yóm dou kóyô, tódô hendengem yóm kóm kóyô béléu.”

Kul Nmò 8:33

Tódô kem henyak le, là kô dog hlan le du bè yóm kukum tedeng. Laen se kô dù tau semtulón du ke wen semfu gu béléen, abay se kendel mom lensón le klowilen.”

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Glasya 3:13

Okóm laen kô dù tau gembek lemolò du nim ni. Yó gónóm mon, deng tekuy mom megtafak du. Okóm ke Krays, du fen megtafak lanen msok tekuy bè yóm deng kegtafak tekuy yó. Abay se deng monen bè Sulat Dwata, yó monen, “Ke wen tau matay bè kros, yó se ilô yóm ktafak Dwata du.”

Kun Snulat Jan 14:31

Okóm nim nmou ni, tódô nmou yóm kóyô Mà béléu anì tngón kdéen tau lem benwu yóm kbong nawahu du. Yó ne,” monen, “lemwót tekuy ne.”

Kem Udél Hlalak Tehe Selumun 15:33

Lemwót bè yóm klikò tau ke Dwata gónón megtolok bè yóm khulung hedem ne là kô guta tau du yóm kegdóyón ke là nan na gna heglaan du knóen.

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

Matyu 26:42

Bud kewót Jisas bè yó bè gewuhen dulék, ne bud mni bè Dwata. Yó utóm yóm knihen, monen, “Ó Mà, ke là se hyu mkó du béléu yóm angat tey hlayamu ni, tódô henlósem sen yóm kóm kóyô.”

Kem Lingón 22:16

Gotu senibut le ou yó kem tau mò sidek. Lómón ke slomong tey dê ohu lóbô, gotu le hloni ebéléu. Gotu nsék le sigelu ne tihu.

Matyu 17:2

Bè yóm knô le bè yó, tódô sfili kton le ke Jisas. Yóm lem uyóhen hol lómón nóng mata kdaw, ne yóm nesen tódô gotu sminang bukay.

Kun Snulat Jan 4:34

Mon Jisas se mò kul, “Yó se henged dou ken, duhen yóm kimónu yóm kun kóyô yóm hógów dou, ne bè yóm kegdengu du yóm hmoen dou.

Kun Snulat Luk 9:29

Yóm igò Jisas tolo mni, tódô sfili kton le lem uyóhen, dalang se yóm nesen, gotu tódô sminang bukay.

Hibru 12:4

Bè yóm kekbê ye du yóm sidek, là kô deng wen bélê ye he ke fen matay.