Flipay 2:5 - Udél Dwata: Gna Kesfasad ne Lomi Kesfasad

⁵ Yake lómón yóm tehe kun kehedem Krays Jisas yóm kuy kehedem:

Flipay 2:5 Referans Kwoze

1 Jan 2:6

Ke mon yóm sotu tau, “Deng me ssotu ne Dwata,” yake hol nulit nmoen sen yóm kun kmò Jisas Krays.

Matyu 11:29

Tles nbô ye dé yóm dou nbô, ne hol ye dmalang béléu, abay se ganag nawahu, ne là kóe hegeta knô. Ke yó se kuy nmò, là kô ye na e bud miteg.

1 Pitér 2:21

Ni se hol kun kóyô Dwata bélê ye ke gbek ye hembala yó kem gónó ye gel glayam hkawang. Ngem ke Krays kun, tey kehbalahen yóm tehe keglayamen bélê ye. Du se mò gónó ye dmalang anì mkél ye du.

1 Pitér 4:1

Deng tehe glayam Krays ekni bè yóm tehe knóen te tonok. Ke yó se kmoen béléen, bê ye tnga du ke wen gónó ye gel glayam se kuy ni kmoen ni. Abay se ke wen gónóhen glayam yóm tau, là kô wen bud nawahen mò du yóm sidek.

1 Kurin 10:33

Hol dnalang ye dé yóm dou nmò. Yó gel sen-galuhu ke gel hegnahu yó kem dumuhu tau, là kô hegnahu du yóm dou kóyô. Yó gónóhu mò du yóm yó anì wen lanu tmóbóng kul anì gewà le gu lem hatay se kul.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

Sulat Pol Ebè Yó Kem Tau Hemtahu Bè Rom 15:5

Yó hem Dwata hol gónón lemwót yóm là kili nawa tekuy ne yóm gel kegduf nawa tekuy lemolò du. Hol benlayen yu he kessotu nawa bè kem dumu ye hemtahu, hol lómón yóm deng dnalang ye bè Krays Jisas,

Kul Nmò 20:35

Deng hdalangu kuy se bè yóm kmò tekuy nmò, sal gel wen gónó tekuy ma mò tóbóng yó kem dumu tekuy wen gónó le élél. Hol hentulón ye nawa dé yóm sotu tehe mon Jisas, yóm monen, ‘Bong kligalen he kun yóm tau bemlay senta yóm tau benlay.’ ”

Sulat Pol Ebè Yó Kem Tau Hemtahu Bè Rom 15:3

Balù se ke Krays là kô hegnahen du kun knóyô. Lumun yóm deng monen bè udél Dwata, monen, “Ebéléu gónón gotu tódô yóm sidek kehnê le kóm yó kem tau.”Ket yóm udél deng tehe hsulat Dwata, sal gel wen hdalangen tekuy lemen. Lemwót bè yóm udél Dwata gónón là mili nawa tekuy baluen ke wen mgel sut bélê tekuy. Ne bè yó gónón lemwót yóm kegduf nawa tekuy igò tekuy mangat du yóm hendón nefet nawa tekuy.

Kun Snulat Luk 22:27

Bè kuy kehedem du,” mon Jisas, “tau du se yóm geta? Yóm tau tódô gel hetnù myón ne olohen tódô mken, duhen ke yóm tau fen gel hemken du? Tódô tngón ye,” monen, “yóm tau hol geta, tódô gel hetnù myón ne olohen tódô mken se kun. Olo nim dou knô lem blóng ye,” monen, “lómón ke ou yóm fen gel hemken.”

Sulat Pol Ebè Yó Kem Tau Hemtahu Bè Rom 14:15

Okóm ke senbewegem kehedem kem dumuhem lemwót bè yóm gel kenem, yó gónón gfan yóm là kbong nawahem du. Hol béem abay nmò gónón lana kehtahu kem dumuhem ke mlan bè kkenem, igò Krays deng matay béléen se kun yóm dumum yó.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Flipay 1:1

Ou se Pol gónóhen lemwót nim sulat ni, lewu me Timuti, tau me gel tóbóng lówó Krays Jisas. Smulat me ebélê ye yu kem kun tau Dwata bè yó bè syudad Flipay, yóm kdê ye deng baling ssotu bè Krays Jisas. Homong me lemen snéen yó kem tau fen gel malak kuy bè sembahan ye kkólen bè yó kem tau fen tmóbóng kul.