Flipay 2:27 - Udél Dwata: Gna Kesfasad ne Lomi Kesfasad

²⁷ Tahu se, tehe wen desen, udì duen gónón là matay. Okóm Dwata kmodu du, ne ou snéen knoduhen bè yóm kehlowilen du anì laen dù alì lenangagu.

Flipay 2:27 Referans Kwoze

Kem Lingón 34:19

Sal gel wen gónón glayam yóm tau hyu kmoen, okóm sal gel lenwà Dwata gu lemen.

Flipay 2:30

Abay se tek udì duen gónón tô matay lanen mò nmò bè Krays. Là kô dog nalihen du klowilen lanen mò yóm hmò ye du mò lan ye gemtóbóng dou.

2 Kurin 2:7

Tódô hnifót ye ne, ne ten-gel ye nawahen se kun anì là gehlós sidek kegnómen du, kô mom lana kehtahuhen.

1 Kurin 10:13

Laen kô dù tilów sut ke là deng gnóm kem dumu tau du. Okóm tey gsalig yóm Dwata, là kô bayaen du tekuy yóm là gbek tekuy du. Bè yóm ksuten bélê tekuy yóm tilów yó, angat hgel Dwata nawa tekuy anì gbek tekuy hembala du, ne sal gel wen lan nmoen mò lan tekuy gewà gu lemen.

Kul Nmò 9:37

Bè yóm tolo knô Pitér bè Lida, semlaw Durkas, ne hlós hatayen. Omin le demyo lówóhen, ne sù le bè yóm sotu dfél tofi ta bè kun gónô.

Job 5:19

Tendo gel lenwaen uu bè yóm gónón wen gfaem.

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Hbakuk 3:2

Ó Dwata yóm sana Dwata hol gónó mogot, deng gungolu yó kem tey tennga deng tehe nmoem ne botonge likò. Ne ni, hol bud nmoem bélê me bè nim kum kdaw yó kem deng tehe nmoem yó. Balù yóm tey sidek kebutem kum hol knodum mi.

Jirimaya 10:24

Hol sentódóem ou, Dwata, bede hen-ganagem. Béem alì tnafak ou ke lemwót bè yóm kebutem do. Ke yó nmoem béléu, mataye.

Jirimaya 8:18

Yóm tey klangagu ni là kóen mkó. Lómón ke deng gbà lem kfuhu.

2 Bok Kem Tau Hol Geta 20:1

Bè yóm kdaw yó, gemnóm des Hisikaya, ne tey leed yóm desen, ne yó gónón tô matay. Nauy Isaya yóm tugod Dwata ngà Amus, ne yó monen mò du, “Ni se udél Dwata ebéléem, Elesi tmebel udél lem gónóem, yakà angati matay, là buden mkó desem.”

Jirimaya 45:3

Yó deng udélem, ‘Denge tmakas ne. Tendo tennù Dwata yóm blat nô tahu. Laen kô dù bud gelu ne tódô sónmou dmolong, là kóe gehegnô.’

Flipay 2:26

Yó gónóhu tô hulék du edyó, abay se tey hahù kuy, Ne mónó nawahen kuy bè yóm kungol ye du yóm le kwen desen.

Flipay 2:28

Duhen yó, hol lemwót bè nawahu yóm khuléku du ebélê ye anì wen kligal ye se kuy sok ye bud ston du, ne bud bè yó se gónóhen lana yóm klóngónu.