Flipay 2:26 - Udél Dwata: Gna Kesfasad ne Lomi Kesfasad

²⁶ Yó gónóhu tô hulék du edyó, abay se tey hahù kuy, Ne mónó nawahen kuy bè yóm kungol ye du yóm le kwen desen.

Flipay 2:26 Referans Kwoze

Flipay 1:8

Tódô tngón Dwata yóm hol ktahuhen yóm nawahu ebélê ye, yóm nawa hol lemwót bè Krays Jisas.

Ifisus 3:13

Duhen yó, hol bê ye mom kenblat nawa nim fen keglayamu bélê ye ni. Hono bè kuy kehyu se ni kem ni.

Sulat Pol Ebè Yó Kem Tau Hemtahu Bè Rom 12:15

Ke hligal kem dumu ye, gbót ye hligal bélê le. Ke wen knangag le, gbót ye langag bélê le snéen.

Isaya 61:3

Yó kem tau alì wen kenangag le bè benwu Sayun, tles benlayu lu kligal ne kehyu nawa. Yó kem tau wen kenblat nawa le, tles blayu kul yóm sngal mò dmóyón ke Dwata. Hol lómón angat kmò le, lómón yó kem koyu kun hulu Dwata. Tódô kdê le gotu mò du yóm tedeng. Ne tey megdóyón Dwata bè yóm deng nmoen bélê le.

Kem Udél Hlalak Tehe Selumun 12:25

Gel blat nawa tau du yóm gel klóngón nawa, okóm yóm udél hyu lemwót bè kem dumun, fen gel hemyu nawahen.

Flipay 4:1

Duhen yó, kem dumuhu setwoli, tey kogot nawahu ebélê ye, ne tey khahuu kuy. Lelen tey wen gónó ye hefligal do, ne tey kehyu nawahu du yóm gel kmò ye. Ke lolò ye ni kem tulónu kuy ni koni, kem dumuhu sogot nawa, ni se gónón mbegel yóm klolò ye du yóm gónó tekuy mogot.

Sulat Pol Ebè Yó Kem Tau Hemtahu Bè Rom 9:2

Yó tulónu kuy ni, yóm là keskóhen yóm alì ksidek kegnómu du

Matyu 26:37

Niten Pitér ne yó kem lewu ngà Sibidi. Ne tódô gleket béléen yóm tey ksidek kegnómen du.

Matyu 11:28

Mógów ye ebéléu dé, yu kem tau miteg lemwót bè yóm keblat yóm gel nbô ye. Fen henwósu bélê ye yóm blat yó.

Kem Lingón 69:20

Deng tey sidek kebà nawahu lemwót bè yóm tey kehnê le dou. Tey deng sidek ne kegnómu du. Ofol dou ke wen tau kmodu dou mò hemyu nawahu, okóm là, balù sotu.

2 Samwél 13:39

Tikóng deng mkó klangag Dabid ke Amnon, yó mò du tey khahuen ke Absalum.

1 Pitér 1:6

Yó gónóm mon, hol ye hligal baluen ke dê gónó ye glayam nim kmoen ni. Tek olo likóten yóm keglayam ye yó mò gónó Dwata tmilów kuy.

Flipay 1:3

Tey gel kdóyónu ke Dwata bè ket gel kehedemu kuy.

Glasya 6:2

Hol tnóbóng ye kem dumu ye ke wen alì blat bélê le se kul. Ke yó se nmò ye, deng glolò ye ne yóm kun hlau Krays.

2 Kurin 9:14

Angat tey gel kni le bélê ye bè Dwata, ne baling mogot nawa le ebélê ye lemwót bè yóm tey któbóng Dwata kul hlanen bélê ye.

1 Kurin 12:26

Ke wen des gnómen yóm sotu nô bè lówó tekuy, tódô kdê le gemnóm du snéen. Senged nóm ke dóyón le yóm sotuhen, tódô kdê le se gemnóm du yóm kligalen.

Sulat Pol Ebè Yó Kem Tau Hemtahu Bè Rom 1:11

Tey kóyóu tô hol ston kuy anì wen lanu temgel kuy anì lemnok ye bè kehtahu ye.

Kul Nmò 21:13

Okóm mom mon Pol, “Moen de ke mkik ye? Ten-geed ye hemblat nawahu nim nmò ye ni. Balù kihu nmò le béléu ditu bè Jirusalim, kihu ke nfét le ou duhen ke hnatay le ou, syan ke lolou yóm kun kóyô Jisas.”

2 Samwél 24:17

Timbow ton Dabid yóm hógów Dwata mit hatay, yó monen mò ke Dwata, “Ou se yóm deng gemsalà béléem, ne bud ou se mò du yóm sidek. Okóm kul ni kem tau ni, hol lómón ke ubiha le, laen dù sidek nmò le. Ou ne tnafakem homongem yó kem fes lówóhu.”

Flipay 2:25

Ne sotuhen, là gbeku du ke là bud huléku ke Ipafruditus edyó, yóm dumu tekuy setwoli tehe dók ye mò tmóbóng dou bè ni. Tey bong któbóngen do, ne ketgelen do bè yóm kmou du yóm hmò Dwata dou bè ni.

Flipay 2:27

Tahu se, tehe wen desen, udì duen gónón là matay. Okóm Dwata kmodu du, ne ou snéen knoduhen bè yóm kehlowilen du anì laen dù alì lenangagu.