Flipay 2:21 - Udél Dwata: Gna Kesfasad ne Lomi Kesfasad

²¹ Tódô kdê yó kem dumu tau, sal gel hegna le yóm kul knóyô nmò, fen hfuli le yóm kun nmò Jisas Krays.

Flipay 2:21 Referans Kwoze

1 Kurin 10:24

Là kóen hyu ke són ktes tekuy, són yóm hyu bélê tekuy. Okóm yó dé yóm hyu, ke hol ktes tekuy yóm gónón hyu bè kem dumu tekuy.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Flipay 2:4

Ne hol gel hendem ye yóm hyu bè kem dumu ye. Bê ye són hendem yóm hyu bélê ye.

2 Timuti 3:2

Yó kmò kem tau, sbì le, ne seglom le, lel le hton salù, ne heklabak le. Yó mò kul, sidek kebkó le, ne là kô nimón le kem tuha le. Hono kem tau laen dù ledem le, là kô nadat le ke Dwata.

1 Kurin 10:33

Hol dnalang ye dé yóm dou nmò. Yó gel sen-galuhu ke gel hegnahu yó kem dumuhu tau, là kô hegnahu du yóm dou kóyô. Yó gónóhu mò du yóm yó anì wen lanu tmóbóng kul anì gewà le gu lem hatay se kul.

1 Kurin 13:5

Laen kô dù nmò tekuy mò gónó le myak kem dumu tekuy, ne là kô duil tekuy du yóm knóyô tekuy, ne là mahil tekuy meklit. Mlan bè yóm kesbong tekuy nawa, là kô snolò tekuy du ke wen mò sidek bélê tekuy.

Kun Snulat Luk 14:26

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

2 Timuti 4:10

Ke Dimas kun, deng mom tódô tnagaken ou lanen dê kenbeyen nawan lem nim benwu ni. Ne ni deng mom kól bè syudad Tisalunika. Lemwót ke Krésén, deng kól bè prubinsya Glasya, ne fen kól bè Dalmasya ke Taytus.

2 Kurin 1:5

Deng me gbót se kum bè yóm tey keglayam Krays, ne deng me bud gomong béléen snéen bè yóm tey któbóng Dwata du.

2 Timuti 4:16

Bè yóm tanay kbalau yó kem tau kmukum dou, balù sotu ke wen mfi do, deng mom gotu sentagak le ou. Deng hnihu bè Dwata anì là snoloen du bélê le.

Kul Nmò 15:38

Okóm là móyóen Pol, abay se lemwót bè yóm tehe le ktagak Mark kul bè Pamfilya igoen là deng deng yóm nmò le.

Kul Nmò 13:13

Kewót le Pol bè yó bè Pafus, smakay le kafal mógów ebè Pérga, yóm sotu syudad sendifal mohin, gsakuf prubinsya Pamfilya. Yóm kkól le bè yó, deng mom beklil mulék ebè Jirusalim Jan Mark.

Malakay 1:10

Yó bud udélen, “Hyu béléu ke wen sotu bélê ye mlos tmikeb du yóm bak dól yóm dou Gónô anì laen dù tau bud hbong ofi bè yó mò hkekeb yóm dsù laen dù muhen. Balù udì ke wen gónóhu hligal bélê ye. Là kô naw e henmóyô du yó kem gel blay ye ebéléu,” udél yóm Dwata laen dù là gbeken du.

2 Timuti 1:15

Deng tngónem dyó ne kóó yóm deng gotu kestagak le dou yó kem tehe dumuhu lemwót gu bè Asya, balù sem le Fidyilus ne Hérmadyinis.