Flipay 2:2 - Udél Dwata: Gna Kesfasad ne Lomi Kesfasad

² Duhen yó, wen hlolou kuy anì hol gsengel kegnómu du. Yake hol sensotu ye yóm kuy kehedem, ne hol ye tendo sbong nawa, ne hol sensotu ye atul mò du yóm gel nmò ye.

Flipay 2:2 Referans Kwoze

Sulat Pol Ebè Yó Kem Tau Hemtahu Bè Rom 12:16

Béen mtukul henlom nawa ye. Bê tekuy abay hton salù. Bê ye abay kenyak mò du yóm nmò kem tau glaan. Bê ye abay salig yóm kuy ketngón.

1 Kurin 1:10

Ó kem dumuhu setwoli, lemwót bè yóm kwalis deng blayen dou yóm gónó tekuy mogot Jisas Krays, wen hol hesgaluhu kuy, duhen yóm hol kessotu nawa ye anì là mesgólólen yóm kessotu kehedem ye anì segmung ke wen gel sensatul ye.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

3 Jan 1:4

Laen selen yóm gel kligalu sok gel gungolu yó kem ngau alì tilob klolò le yóm ktahuhen.

Flipay 2:16

abay se yu fen gel hetngón du kul yóm udél hlowil kul. Ke ni se nmò ye, tey bong kehyu nawahu bè yóm kdaw angat kkól Krays, abay se gfan bè yóm kdaw yó yóm là kkafahen yóm tehe tey lenitegu lem blóng ye.

Kul Nmò 2:46

Ket kdaw le gel stifun ebè Gónô Dwata yó kem tau hemtahu bè Jisas ni. Gel le slawa, ne lel le gel segbót mken. Tey tendo gel kehyu nawa le ne tilob kessadat le.

2 Jan 1:4

Tey kligalu bè yóm kungolu du deng wen bè yó kem ngaem deng gel mimón du yóm ktahuhen. Ni se deng hloloen tekuy yóm Mà tekuy.

2 Tisalunika 2:13

Okóm kuy, kem dumu me setwoli, kem tau kenbong nawa yóm gónó tekuy mogot, là gbek me du ke là gel dóyón me ke Dwata lemwót bélê ye. Abay se tehe yu ekni bè hol kbut yóm benwu, deng eles nélék Dwata yu ne anì lenwaen yu gu lem hatay. Yó kmò kehewaen kuy, hlanen bè kun kfasang yóm Tulusen mò hembaling kuy kun tau hol mólós, ne bud hlanen snéen bè yóm deng kehtahu ye yóm ktahuhen.

Kulasi 2:5

Balù nim keslayuk tekuy ni, kaem tey tendo kehedemu kuy. Tey kehligalu yóm kungolu du yóm kesetgel ye mfi du yóm kehtahu ye bè Krays.

Flipay 4:2

Ni wen udélu ebè yó kem lewu libun Iyudiya ne Sintika. Yó hol kóyóu bélê ye ke géhél ye sotun lemwót bè yóm kesetwoli ye bè yóm gónó tekuy mogot.

Flipay 2:20

Nim Timuti ni, laen dù dumu tau semnged du. Tahu gotu nawahen kuy.

2 Kurin 7:7

Là són du bè yóm kkólen yó gónón hyu nawa me, okóm bè yóm dê tulónen kum mò gónón hyu nawan ebélê ye se kun. Tulónen kum yóm tey khahù ye do, ne yóm deng kehegsel ye, ne yóm tey kfi ye do. Ne bè yó se gónón alì temnù yóm kligalu.

2 Kurin 2:3

Yó se gónóhu tehe smulat du yóm gna sulatu ebélê ye, abay se kóyóu ke eles kó ye yóm sidek nmò ye anì là sidek kegnómu du sok bud nauyu yu. Abay se bélê ye gónón wen kligalu. Deng eles tódô tngónu ke hligale lem blóng ye, hligal ye snéen kuy.

Kul Nmò 5:12

Tey dê hentaw ton gel nmò yó kem hógów Jisas lem blóng yó kem tau. Ne kdê yó kem hemtahu bè Jisas, gotu le gel stifun bè yóm gónô hgolung tehe hefdà Selumun bè Gónô Dwata.

Kul Nmò 1:14

Ket kiwól le gel sbung bè yó na a mni bè Dwata. Wen se kem libun gel mung bélê le, dalang se ke Midi, Yê Jisas. Ne yó kem twoli Jisas, gel le mung snéen kul.

Flipay 1:4

Ne tey gel klaan nawahu bè yóm gel knihu bélê ye bè Dwata

Kun Snulat Jan 3:29

Duhen yó,” mon Jan, “hol lómón ke yóm logi myehen, deng du funen yóm libun yehenen. Okóm yóm wè yóm logi myehen yó, tódô mdà bè yó, ne tey kehyu nawahen kungolen udél yóm ween myehen. Hol lómón yó se kligalu ni kmoen ni.

2 Timuti 1:4

Là kóen mkó bè nawahu yóm ktonu kosok lewokem bè yóm tehe ktagaku kóm. Hol kóyóu ke yó dum géhél bud tonu uu anì hol wen kligalu.

Kul Nmò 2:1

Timbow deng kól yóm kdaw boluy le du Pintikus, deng le gotu stifun ne yó kem tau hemtahu bè Jisas bè yóm sotu gónô.

Filimun 1:20

Duhen yó, Wè, lemwót bè yóm klolò te yóm gónó te mogot, hol nmoem kut yóm tinoku ebéléem ni. Lemwót bè yóm kesetwoli te bè Krays, hol hlaanem nawahu.

Kem Lingón 122:8

Yó gónóhu mni du yóm kenek Jirusalim, yakà wen yó kem dumuhu setwoli ne yó kem weu nô lemen.