Flipay 2:19 - Udél Dwata: Gna Kesfasad ne Lomi Kesfasad

¹⁹ Ke kun kóyô yóm gónó tekuy mogot, tô hógówu Timuti edyó ebélê ye anì yó, wen bud gungolu gu bélê ye mò gónón gduf nawahu.

Flipay 2:19 Referans Kwoze

1 Kurin 4:17

Yó se gónóhu hógów ke Timuti edyó bélê ye anì hegtulónen bè nawa ye yóm kmò kekdolu bè nim lomi klowilu lemwót bè yóm deng kessotu nawahu bè Krays Jisas. Duhen ni se yóm alì gel toloku bè yó kem tau hemtahu bè ket benwu gel lanu. Nim Timuti monu ni, lómón ke du yóm hol ngau dumuhu sogot nawa lemwót bè kehtahu me, ne tey teneb nawahen.

1 Tisalunika 3:2

ne Timuti fen hógów me edyó. Nim Timuti ni, sotu dumu tekuy setwoli, gel tmóbóng kum mit du yóm Tulón Hyu gbak ebè Krays. Yó gónó me hógów du edyó mò temgel kuy ne tmóbóng kuy bè kehtahu ye

Flipay 1:1

Ou se Pol gónóhen lemwót nim sulat ni, lewu me Timuti, tau me gel tóbóng lówó Krays Jisas. Smulat me ebélê ye yu kem kun tau Dwata bè yó bè syudad Flipay, yóm kdê ye deng baling ssotu bè Krays Jisas. Homong me lemen snéen yó kem tau fen gel malak kuy bè sembahan ye kkólen bè yó kem tau fen tmóbóng kul.

Flipay 2:28

Duhen yó, hol lemwót bè nawahu yóm khuléku du ebélê ye anì wen kligal ye se kuy sok ye bud ston du, ne bud bè yó se gónóhen lana yóm klóngónu.

Sulat Jim 4:15

Yake mon tekuy dé, “Ke kun kóyô yóm gónó tekuy mogot, nan hol hlowil tekuy anì wen gmò tekuy.”

2 Timuti 1:12

duhen nim gónóhu fen glayam ni. Okóm là kóen mili nawahu, abay se deng tngónu Dwata, yóm dou gentud nawa, ne deng tngónu se yóm kegbeken semgifà du yóm kdê deng sigangen tahu efet kól bè yóm kdaw angat kdau bè soluhen.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

Ifisus 1:13

Senged se kuy, deng ye baling kem kun tau Dwata lemwót bè yóm kungol ye du yóm tahu tulón, duhen yóm Tulón Hyu gónó ye temngón du yóm lan ye gewà gu lem hatay. Deng ye hemtahu bè Krays, ne yó gónó Dwata hemsù du bélê ye yóm kun Tulus tehe fasaden tekuy mò ilô yóm deng kfunen tekuy.

Sulat Pol Ebè Yó Kem Tau Hemtahu Bè Rom 16:21

Timuti se sotu dumuhu mò nmò bè ni. Tey kólómen kuy se kun. Dalang se kul le Lusyus ne Jasun ne Susipatér, hono kem dumuhu Ju.

Sulat Pol Ebè Yó Kem Tau Hemtahu Bè Rom 15:12

Ne bud wen se kun mon yóm sotu tehe tugod Dwata ekni boluyen Isaya, yó monen, “Angat wen semfu gu bè yóm tehe Jisi. Du se yóm angat sut mò mogot yó kem tau là Ju le. Béléen hol gónón mefet nawa le.”

Matyu 12:21

Béléen gónón mgel nawa yóm kdéen tau.”

Jirimaya 17:5

Yó udél Dwata, monen, “Megtafak yóm tau ke knogolen ou ne ke smalig bè kgis tau te tonok.

1 Pitér 1:21

Mlan bè Krays yóm gónó tekuy hemtahu bè Dwata, yóm Dwata tehe hlowil du gu lem hatay, ne tey kehegetahen du. Yó gónón alì mbegel yóm kehtahu tekuy bè Dwata ne yóm hendón tekuy béléen.

Kul Nmò 16:1

Bè yóm kul kógów le Pol lewu le Silas, mlan le bè syudad Dérbi ne Listra. Ne bè yó bè Listra, wen sotu tau hemtahu bè Jisas bè yó boluyen Timuti. Hemtahu snéen yóm yéen. Libun Ju se kun, ne tau Grik yóm maen.

Flipay 2:18

Senged se kuy, hol ye hligal dé, gbót ye hligal béléu bè yóm gel blayu se dou.

1 Tisalunika 3:5

Yó gónóm mon, bè yóm là hol bud kegbalahu du yóm alì ksidek kónó nawahu kuy, yó se gónóhu hógów ke Timuti edyó mò gónów temngón du yóm mò kmò yóm kuy kehtahu. Mónó nawahu du yóm ksindil Seitan kuy, kô gmung ye du, ne kô mom baling kafa yóm tehe gel nmò me lem blóng ye.