Flipay 2:17 - Udél Dwata: Gna Kesfasad ne Lomi Kesfasad

¹⁷ Yóm kehtahu ye bè Dwata, lómón ke yó yóm dsù gel blay ye ke Dwata. Bè yóm dsù ye yó, déke kóyô Dwata ke dou litô mung du mò twél ye tahen. Ke yó se kmoen, teye hligal du, gbóte hligal bélê ye bè yóm dsù gel blay ye.

Flipay 2:17 Referans Kwoze

2 Timuti 4:6

Béléu dou, là holen bud té ne nim dou knô te tonok. Móyónen hto yóm dou buteng.

Sulat Pol Ebè Yó Kem Tau Hemtahu Bè Rom 15:16

Yó hmoen do, henbalingen ou tau mò hógów Jisas Krays ebè kem tau là Ju le. Bè yóm kwitu du ebélê le yóm Tulón Hyu lemwót gu bè Dwata, lómón ke ou yóm tau gel demsù ebè Dwata. Yó henged dsù blayu du, duhen yó kem tau là Ju le deng hemtahu bè Jisas. Ne henmóyô Dwata snéen yóm dsuu yó, abay se deng nfunen lu yóm Tulus Dwata.

2 Kurin 12:15

Baluen ke gotu blayu kuy kdéen gónóhu wen, tey bong he kligalu du. Ne baluen ke hotuhu són gelu tmóbóng kuy, mom hyu he nawahu du. Tey bong se yóm dou nawa kuy. Fen yó kô balà ye du yóm tey kudì nawa ye do?

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

Flipay 1:20

Yó hol nô lem nawahu, ne hol sen-galuhu ke senflósu mò du yóm deng sigang Dwata tahu. Kóyóu ke laen dù tul klikou tmulón ke Krays, sélét ne nim kmoen ni, anì hol megdóyón béléu Krays, kihu ke mlan bè dou klowil duhen ke mlan bè katayu.

2 Kurin 7:4

Tey deng mgel nawahu du yóm kehtahu ye, botong gel dóyónu yu bè kem dumu tau. Baluen he ke wen gónó me gel glayam, sana tey kgel nawahu. Là kô gbeku hmingón du yóm tey kligalu.

1 Jan 3:16

Ni se gónó ye temngón du yóm tahu kbong nawa: Ngem yóm botong kun nawa Krays bè yóm tehe khamaen klowilen bélê tekuy. Yó gónóm mon, bè yóm gel któbóng ye yó kem dumu ye, hyu snéen ke glef ye matay bélê le.

Sulat Pol Ebè Yó Kem Tau Hemtahu Bè Rom 12:1

Duhen yó, kem dumuhu setwoli, ni alì nalu nawahu bélê ye lemwót bè yóm tey kkodu Dwata tekuy. Hol blay ye ke Dwata dé lówó ye mò henged dsù ye ebéléen, yóm dsù tolo mowil ne tendo gel nmò ye yóm hyu. Ne tey kehyu nawa Dwata du yóm keblay ye du yó. Ke hendem ye yóm kdê deng nmoen bélê ye, tey knóón ke ni se yóm kut nmò.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

1 Tisalunika 2:8

Lemwót bè yóm kbong nawa me kuy gónó me alì gduf tmulón du bélê ye yóm Tulón Hyu lemwót bè Dwata. Botong là dog bud gólóm me du yóm kum klowil, bà mon se yóm tey nawa me kuy.

Flipay 4:18

Duhen yó, ni sii mò lesibuhen yóm kdê deng blay ye do, botong wen lukasen béléu lemwót bè yóm blay ye do yó. Laen kô dù hendeenu ni kmoen ni lemwót bè yóm blay ye dou hlan ye bè Ipafruditus. Ni kem blay ye dou ni, hol lómón yóm gel dsù le alì minggel boohen gel blay le ebè Dwata, yóm dsù gel henmóyóen, ne yóm gónón gel hyu nawahen.

Flipay 2:30

Abay se tek udì duen gónón tô matay lanen mò nmò bè Krays. Là kô dog nalihen du klowilen lanen mò yóm hmò ye du mò lan ye gemtóbóng dou.

Kul Nmò 21:13

Okóm mom mon Pol, “Moen de ke mkik ye? Ten-geed ye hemblat nawahu nim nmò ye ni. Balù kihu nmò le béléu ditu bè Jirusalim, kihu ke nfét le ou duhen ke hnatay le ou, syan ke lolou yóm kun kóyô Jisas.”

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

2 Kurin 6:10

Baluen ke wen gónón gel blat nawa me, sal gel wen gónó me hligal snéen. Tey me élél se kum, okóm lemwót bè yóm ktolok me tey dê tau gemwa du yóm kendengen laen dù tul sónen. Laen dù kwa me se kum, okóm tódô gotu gfun me kdéen.

Flipay 2:18

Senged se kuy, hol ye hligal dé, gbót ye hligal béléu bè yóm gel blayu se dou.

2 Kurin 4:12

Kunen ne ke matay me, syan ke guta ye se kuy yóm klowil laen dù sónen.