Flipay 2:14 - Udél Dwata: Gna Kesfasad ne Lomi Kesfasad

¹⁴ Ke wen nmò ye, tódô hentedeng ye mò du. Béen abay dê udél ye, ne bê ye abay gel skaf mon,

Flipay 2:14 Referans Kwoze

1 Pitér 4:9

Hol gel hnódó ye dumu ye ne bê ye abay gel tmalaw.

1 Kurin 10:10

Ne hol bê tekuy abay gel semlón. Wen se bélê le gel mò du nim ni. Botong wen hógów Dwata gu bè longit mit hatay elem blóng le, ne gotu le matay yó kem tau semlón yó.

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

Sulat Jim 5:9

Sotuhen, kem dumuhu setwoli, bê ye abay gel sduón anì là angat tnafak Dwata kuy. Ngem deng mdà snolu aut ne yóm angat kmukum tekuy, són kotunen duen.

Sulat Pol Ebè Yó Kem Tau Hemtahu Bè Rom 12:18

Hol tilów ye són gel ye anì laen dù gónó ye mit sfatay bè kem dumu ye tau.

1 Tisalunika 5:15

Hol ten-gama ye anì laen dù malà du sidek ke wen sidek nmò le bélê ye. Yó dé hol nmò ye, henyu ye kmò ye ebè yó kem dumu ye deng hemtahu dalang se ebè kdéen tau.

Sulat Jim 1:20

Abay se ke deng ye lembut, là kô ne ye e gmò du ne yóm tedeng kun knóyô Dwata.

Glasya 5:26

Hol béen tlek wen hton salù, ne bê tekuy abay gel heklit kem dumu tekuy, ne hol bê tekuy abay sélés nawa.

Glasya 5:15

Okóm ke lómón knawa ógóf lem bnes yóm tendo nô bélê ye, ke sónmò ye sfatay ne sefdes, hol ten-gama ye, déke gotu ye seglà.

Sulat Jim 3:14

Okóm yóm tau tendo wen élés nawa lem hendemen lelen seglom, béen abay hton salù bè yóm kwen ketngónen yóm tau yó.

Sulat Pol Ebè Yó Kem Tau Hemtahu Bè Rom 14:1

Wen sotu tulónu kuy bè kmò ye ebè yóm tau là dengen nelem kehtahuhen. Hol gel hmung ye bélê ye, okóm bê ye gel nit skuya bè yóm gónó ye stólóng bè kehtahu ye.

Kem Lingón 106:25

Deng le mom tmalaw lem yó kem tolda le, ne là kô dog nimón le ke Dwata.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

1 Pitér 3:11

Yake hol knogolen yóm sidek, ne tles nmoen yóm hyu. Ne hotuhen gelen mò du bè kem dumuhen tau yóm gónón menek nawa le.

Hibru 12:14

Hol tilów ye són gel ye mit kenek nawa bè kem dumu ye. Hotu ye nawa ye mò du yóm hyu anì laen dù belenen yóm gel nmò ye. Ke tlek wen belenen yóm gel kmò tekuy, sélét mom tô angat ton tekuy ne yóm gónó tekuy mogot.

Sulat Pol Ebè Yó Kem Tau Hemtahu Bè Rom 16:17

Ni hol monu mò kuy, kem dumuhu setwoli, hol ten-gama ye yó kem tau tô senkla le yóm kessotu nawa ye, ne gel senbeweg le yóm kehtahu ye, lel le gel semkuya yóm tahu tolok deng gel gungol ye. Yó kmò ye kul, tódô ye hlayuk bélê le.

Kul Nmò 15:2

Bè yóm kungol le Pol ne Barnabas du yóm kul tolok yó, ya tey kekbê le du. Tey keskuya le mon le Pol ne yó kem tau tmolok yó. Bè yóm alì keskuya le mon yó, yó atul nmò yó kem tau hemtahu bè Antyok, hógów le Pol lewu le Barnabas ebè Jirusalim, ne wen se kem dumu tau hemtahu lemwót bè yó mung kul anì snólók le nim tolok senkuya le ni bè yó kem tau tehe hógów Jisas dalang se bè yó kem tuha gónó le gel galak yó kem tau hemtahu bè yó.

Kul Nmò 6:1

Bè yóm kdaw yó, sónmoen temnù yó kem tau hemtahu bè Jisas. Okóm wen kenbê yó kem tau mudél udél Grik bè yó kem tau mudél udél Hibru, abay se là kóen mdengen yóm gel blay le ket kdaw bè yó kem libun bolu bélê le.

1 Tisalunika 5:13

Hol nadat ye lu dé, ne hol hotu ye nawa ye kul lemwót bè yóm kmò le nmò lem blóng ye. Hol nmò ye yóm gónón menek nawa ye yóm kdê ye.

Lista 14:27

“Deng tódô senflós le tendo msel do ni kem tau gel mò sidek ni. Denge tmakas hmungol du yóm tendo ksel le do yó.

2 Kurin 12:20

Wen tey tnafa nawahu bélê ye. Tnafa nawahu ke kóle dyó, déke wen tonu bélê ye yóm là nóyóu du. Ke tahu se yóm yó, déke angat wen se ton ye béléu yóm là nóyô ye du se kuy. Yó tnafa nawahu, kô tonu bélê ye yóm skuya mon, ne yóm sélés nawa, ne yóm sefebut, ne yóm seglom, ne yóm sefnê, ne yóm kenek ksumóng ye, ne yóm kehegmón ye, ne yóm kesbeweg ye.

Kul Nmò 15:39

Botong le seglius Pol Barnabas, hlós là bud le slomong. Lemwót Barnabas, niten Mark, smakay le kafal ebè Siprus.

Kul Nmò 15:7

Timbow deng legen yóm alì kestulón le du, omin Pitér hebkó mdà lem blóng le, monen, “Ó kem dumuhu setwoli, deng tngón ye se yóm tehe kélék Dwata do lem blóng ye mò heglalag du bè yó kem tau là Juhen yóm Tulón hyu anì gungol le, ne hentahu le se kul.

Mark 14:5

Mom hyu he ke tódô hbaluen, ominen bemlay du bè yó kem tau élél yóm blihen. Kóyów sukéy sotu tau mò nmò sfalay btesen yóm hboo namaen yó.” Tey kbólów le du yóm libun yó.

Matyu 20:11

Bè yóm kton le du, tey kestulón le du yóm tau fun hulu yó,

Kem Udél Hlalak Tehe Selumun 13:10

Yóm kehegmón tau gónón gel mbut yóm kesbólów, okóm yóm tau hulung hedem gel móyô htolok.

Mark 9:14

Tikóng le deng bud gefet bè yó, yó kem dumu gel lemolò ke Jisas, tódô glo le yó kem tey tau wen smibut kul. Wen se kem tau tmolok hlau nô bè yó, nit le skuya mon yó kem tau lemolò ke Jisas.

Kun Snulat Luk 5:30

Timbow ton le lu yó kem Farisi ne yó kem dumu le gel tmolok hlau, tódô le mógów ebè yó kem tau lemolò ke Jisas, ne mon le mò kul, “Moen de ke deng ye mom segbót mken bè tu kem tau gel mtuk bwis ne yó kem dumu tau gemsalà yóó?”