Flipay 2:13 - Udél Dwata: Gna Kesfasad ne Lomi Kesfasad

¹³ abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

Flipay 2:13 Referans Kwoze

2 Kurin 3:5

Bè ni kem deng nmò me lem blóng ye ni, là kô gbek me mon du lemwót bè kum kegbek, abay se là kô gbek me mò du se kum yóm yó. Kaem tódô lemwót bè yóm kenhulung blay Dwata kum.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

Sulat Pol Ebè Yó Kem Tau Hemtahu Bè Rom 9:16

Yó gónóm mon, là kóen lemwót bè kun kóyô yóm tau duhen ke bè kun nmò gónón lemwót yóm kkodu Dwata du. Okóm tódô lemwót bè yóm kun kóyô Dwata kmodu du.

1 Kurin 15:10

Okóm yó gónóhu baling tau hógówen, tódô lemwót bè yóm tey nawa Dwata dou. Ne yóm nawahen dou yó, tey wen uléken. Bè ktahuhen, bè kdê yó kem dumu tau gel hógówen, là kô gesenged le du se yóm dou kteneb mò nmò bè Jisas. Okóm là kóen na a lemwót bè dou kgis yóm kmou du, tódô lemwót bè yóm któbóng Dwata dou.

Kun Snulat Jan 3:27

Bnalà Jan lu, monen, “Là kô wen tódô nmò yóm tau ke là lemwóten bè Dwata.

Ifisus 1:11

Bè kdéen nmò Dwata, sal lemwót bè kun kmò kehedem du ne bè kun katul du. Deng néléken tekuy mò kun tau hlanen bè yóm deng kessotu tekuy bè Krays, yakà yó du hol kóyóen bélê tekuy. Tódô lemwót bè hol kbuten kehedemen mò du ni kem ni.

1 Kurin 12:6

Tey dê se yóm kenhulung nmò tekuy, okóm tek sotu se yóm Dwata bemlay tekuy kegbek mò du, ket tekuy ne sotu.

2 Tisalunika 1:11

Yó gónóm mon, tey gel kni me bélê ye bè Dwata. Yó hni me anì baling hol segtón yóm kuy kmò ebè yóm tehe kun kóyô Dwata bélê ye bè yóm tehe ktabahen kuy. Dwata he hol tmóbóng kuy lemwót bè kfasangen anì gmò ye yóm kehyu kmò gel nalu nawa ye, ne yóm hyu tô nmò ye lemwót bè yóm kehtahu ye.

Ifisus 1:5

Lemwót bè yóm kbong nawahen tekuy Dwata, deng kem tehe eles gegna ne kehedemen du yóm kngaen tekuy hlanen bè Jisas Krays. Tey kligalen bè yóm kngaen tekuy yó, hol lemwót bè kun kóyô yóm kmoen du.

Ifisus 2:8

Yakà lemwóten bè kun tóbóng Dwata yóm gónó tekuy gewà gu lem hatay lan tekuy hemtahu bè Krays. Là kóen lemwót bè nmò tekuy gónó tekuy gewà, kaem tódô lemwót bè yóm kun tóbóng Dwata. Laen kô bang gónó tekuy hegmón du nim ni.

1 Bok Kem Tau Hol Geta 8:58

ne anì hol henbalingen tekuy mò kem tau hol mimón du bè kdéen, anì tendo nimón tekuy yóm kdê hlauhen tehe blayen bè yó kem tehe fù tekuy dalang se yóm kdê hloloen kul.

Kem Lingón 119:36

Benlayem ou óyô mimón du yó kem hlauhem anì là kendengenu du yóm hnebelu.

Kun Snulat Luk 12:32

“Yu kem tau lemolò do,” mon Jisas, “balù yóm là kwen ye, bê ye abay hlikò. Abay se yóm Mà tekuy bè longit yó, tey kehyu nawahen bè yóm khomongen kuy bè yó kem tau nogoten.

Ifisus 1:9

Lemwót bè kun kóyô deng heglileben tekuy ne yóm tehe atul bunihen. Yóm atulen yó, deng eles hendemen yóm kehlanen du bè Krays.

Kun Snulat Jan 6:65

Bud mon Jisas, “Yó se gónóhu deng mon du mò kuy, laen dù tau tódô mógów ebéléu ke là lemwóten bè Mà.”

Jirimaya 32:38

Lu se mò dou tau ne ou se mò kul Dwata.

Sulat Pol Ebè Yó Kem Tau Hemtahu Bè Rom 9:11

Okóm tek sotu nélék Dwata bélê le mò gónóhen hlan du yóm fasaden. Gu laan le là deng sut yó kem ngà Ribika yó, là deng wen kem tngónem nmò le hyu he duhen ke sidek, yó mon Dwata mò ke Ribika, monen, “Yóm twogu angat glaan bè yóm twoli.” Bè yóm nmò Dwata yó, yó se gónó tekuy temngón du là kóen lemwót bè yóm kehyu nmò yóm tau gónó Dwata mélék du, okóm tódô néléken yóm kun kóyô.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Isra 1:1

Bè yóm hol tanay halay kogot Sirus yóm tau hol geta bè Pérsya, hdohò Dwata yóm tehe eles htulónen yóm sotu tehe tugoden ekni boluyen Jirimaya. Yó nmò Dwata, wen hefedemen ke Sirus anì wen snulaten mò hwiten ebè klamang yóm benwu snakufen. Yó kóyô Sirus bè nim sulaten ni ke hgel le semfala du bè gónón wen bè klamang yóm benwu nogoten. Yó snulaten, monen,

Isra 7:27

Yó mon Isra, “Hol dóyón tekuy Dwata yóm sana Dwata hol gónó le mogot yó kem tehe fù tekuy. Tódô lemwót béléen nim nmò nim tau hol geta ni, yóm tey kadaten yóm Gónô Dwata bè Jirusalim.

Isra 1:5

Tahu se, gotu le htifes yó kem tau fen malak bè ket tbong yó kem tau semfu gu bè Juda ne bè Bindyamin kkólen bè yó kem tau blóng ebè Dwata ne yó kem sfu Libay ne kdê yó kem dumu tau tendól Dwata lem hendem le. Tódô kdê le gotu htifes anì bud le mulék ebè Jirusalim na le e bud hdà yóm Gónô Dwata.

2 Tutul Israél 30:12

Bè yóm kdaw yó, wen nmò Dwata bè yó kem tau bè Juda, benlayen lu kessotu nawa mimón du yóm udél yóm tau hol geta ne yó kem genlalen kem tau deng lemolò yó kem hlolò Dwata.

Kun Snulat Jan 6:45

Wen snulat yó kem tehe gna tugod Dwata ekni, yó mon le, ‘Angat tolok Dwata kdéen tau.’ Yó se tau hmungol ke Mà ne wen dnalangen béléen,” mon Jisas, “yó se yóm tau mógów ebéléu.

Isaya 26:12

Ó Dwata, benlayem mi kehyu klowil. Tódô kdê yó kem deng gendeng me hono lemwót bè yóm któbóngem kum.

Kem Lingón 141:4

Hol kóhem yóm óyóu mò sidek, béem hlus o mung bè yó kem tau gel mò sidek, ne béem hlus o mung mken bélê le.

Nihimaya 2:4

Snólóken o yóm tau hol geta yó, “Tedu se tô kmò te du du?” Ominu tódô kendel mni bè yóm Dwata nô bè longit

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

Kul Nmò 11:21

Ne nô bélê le yóm kun kfasang yóm gónó le mogot, ne tey dê bè yó kem tau bè yó hemtahu du yóm tulón le, ne baling le tau lemolò ke Jisas.

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

Job 33:29

Ne ni se, yóm tendo gel nmò Dwata bè tau.

Kun Snulat Luk 2:14

“Hol dóyón tekuy yóm Dwata nô bè yóm hol són longit geta. Ne hol wen kenek nawa kem tau te tonok, yó kem tau gel hefligal ke Dwata.”

Sulat Pol Ebè Yó Kem Tau Hemtahu Bè Rom 12:3

Yóm deng kélék Dwata do gónón wen kwalisu mon du mò kuy yóm kdê ye, bê ye abay nmò uléhen yóm kwit ye du yóm kenhulung ye abay se Dwata yóm bemlay du kuy.