Flipay 2:12 - Udél Dwata: Gna Kesfasad ne Lomi Kesfasad

¹² Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,

Flipay 2:12 Referans Kwoze

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

Hibru 4:11

Duhen yó, hol hotu tekuy són gel tekuy anì guta tekuy yóm kehegnô yó koni. Hol ten-gama kuy anì là mo tekuy mom mkél bè yó kem tau gnan ekni, là kô dog guta le du lemwót bè yóm là kehtahu le.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

Matyu 11:29

Tles nbô ye dé yóm dou nbô, ne hol ye dmalang béléu, abay se ganag nawahu, ne là kóe hegeta knô. Ke yó se kuy nmò, là kô ye na e bud miteg.

Flipay 1:27

Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.

Isaya 66:2

Ou se deng mò du yóm longit ne tonok ne kdéen ton. Okóm tey kehyu nawahu bélê le yó kem tau heglaan béléu ne hegsel bè salà le, yó kem tau wen klikò le do ne mimón do.” Là gomongen bè nili yóm bérs 3 efet kól bè 24. Htulón Dwata ke Isaya yóm tey kehyuhen bè yó kem tau mimón yó kem udélen. Okóm bè yó kem tau là mimón du, yó udél Dwata gbak ebélê le bè bérs 4, monen, “Angat wen tey hlayam hwitu ebélê le, duhen kdê yó kem gel knikò le. Abay se bè yóm ktabahu, là tnimul le do. Soke mudél, là hnungol le do. Tey kmò le salà igou temngel kul. Deng mom nmò le yó kem deng tngón le alì kenbéu.” Duhen yó, bè yóm kdaw kehgulék Dwata klowil yó kem tauhen ne yóm tonoken, tódô segeng bè yóm kdaw khéét kkukumen yó kem tau là hemtahuhen ne yó kem tau là mimón du bè klamang benwu. Kesok kól yóm kdaw bud kehgulék Dwata yóm benwu Jirusalim ne yóm nan e bud kwit kul mulék yó kem tauhen mò nô bè yó, tódô mekto yóm kmoen du ne wen tilob ofol blayen kul. Gotu hógów Dwata yó kem kun tau ebè yó kem benwu là deng gmungol du yóm kun boluy, yó kem là deng mton yóm kun keklóón. Mon Dwata bè bérs 19, “Gotu hetngón le yóm dou keklóón ebè kdê but tau.” Bè són nim tsapter ni tulónen yóm fasad Dwata bè yó kem kun tau. Monen bè bérs 22, “Yóm klaen tul sónen yóm lomi longit ne tonok, lómón yó se klaen dù sónen yóm ktauhu kuy, ne là se kóen lana yóm kuy boluy.”

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

2 Timuti 2:10

Kem kunen ne, kihu kem kmò le dou, syan ke gtóbóngu yó kem tau deng nélék Dwata anì gewà le gu lem hatay se kul lan le hemtahu bè Krays Jisas, ne anì guta le yóm klowil laen dù sónen.

Kem Udél Hlalak Tehe Selumun 13:4

Laen kô tul kgutahen du yóm nóyóen yóm tau lemfu, okóm yóm tau mefesek gotu gutahen yóm gónón gsengel nawahen.

Hibru 4:1

Ne tekuy snéen nim kmoen ni yóm gónó Dwata e fmasad du yóm benwu angat gónó tekuy hlós henek nô yó. Duhen yó, hol tekuy eles temgama, kô là guta tekuy du yóm benwu fasaden yó.

Hibru 12:1

Yóm bélê tekuy, lómón tô deng gotu senibut le tekuy yó kem tau gnan yó ekni. Yó gónóm mon, hol kó tekuy yó kem gel hemseng yóm klolò te ke Dwata. Kó tekuy snéen yóm salà gónó tekuy gel gfét. Hol lómón yóm tau skuya mlóy, hotuhen són gelen anì gefet bè hol sónen.

Flipay 4:1

Duhen yó, kem dumuhu setwoli, tey kogot nawahu ebélê ye, ne tey khahuu kuy. Lelen tey wen gónó ye hefligal do, ne tey kehyu nawahu du yóm gel kmò ye. Ke lolò ye ni kem tulónu kuy ni koni, kem dumuhu sogot nawa, ni se gónón mbegel yóm klolò ye du yóm gónó tekuy mogot.

Sulat Pol Ebè Yó Kem Tau Hemtahu Bè Rom 2:7

Klowil laen dù sónen angat blayen bè yó kem tau tódô henlel le mò du yóm hyu lemwót bè hol kesgalu le yóm kdóyón Dwata kul ne yóm kadaten kul, ne yóm keblayen kul yóm klowil laen dù tul katay le du.

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.

Flipay 1:29

Bélê ye kuy, deng nélék Dwata yu mò tau mò nmò bè Krays. Yóm deng kéléken kuy yó, là olon du bè yóm kehtahu ye bè Krays gónón hyu, okóm hyu snéen yóm keglayam ye lemwót bè yóm klolò ye du.

Kem Lingón 119:120

Botong setbol kkelu lemwót bè klikou kóm, knikou yóm angat kkukumem do.

Kem Lingón 2:11

Hol nmò ye yóm kóyô Dwata bélê ye, mung du yóm klikò ye du. Mo ye mom kenkel dé

2 Kurin 7:15

Tey tendo ketnù yóm kbong nawahen kuy bè yóm kegbelen bè nawahen yóm tey kimón ye du yóm hloloen kuy, ne yóm tey khódó ye du, igoen tolo wen yóm tnafa nawa ye.

1 Kurin 2:3

Duhen yó, bè yóm tehe ktoloku lem blóng ye lemwót bè yóm alì klikou hol lómón ke laen dù kgisu, botonge kenkel.

Ifisus 6:5

Ne yu kem tau klifen, hol gel nimón ye yó kem tau mfun kuy lemwót bè yóm kadat ye kul. Hewót ye lem but blutut ye yóm kimón ye kul, hol lómón se ke Krays yóm nimón ye.

Kem Udél Hlalak Tehe Selumun 10:16

Mowil le du yóm kul ofol miteg yó kem tau tedeng kmò le, okóm yó kem tau gel mò sidek, yóm kul ofol miteg tendo niten lu gemsalà.

Matyu 11:12

Lemwót bè yóm kbut Jan tmolok efet kól nim kmoen ni, tey sidek tô kseng le du yóm kogot Dwata tau. Yó kem tau alì lóbô tô mò du.

Flipay 1:5

lemwót bè yóm tey któbóng ye dou bè yóm kwitu du yóm Tulón Hyu. Tódô lemwót bè kbut yóm kehtahu ye yóm tendo któbóng ye dou efet nim kmoen ni.

Kul Nmò 9:6

Mdai ne, ne hlósi elem yóm syudad. Wen he tmulón du kóm ditu yóm angat nmoem.”

Flipay 2:19

Ke kun kóyô yóm gónó tekuy mogot, tô hógówu Timuti edyó ebélê ye anì yó, wen bud gungolu gu bélê ye mò gónón gduf nawahu.

1 Kurin 4:14

Sundu yó gónóhu smulat du ebélê ye nim ni ke mò gónóhu hemyak kuy. Là kô yó du. Okóm yó gónóhu smulat ebélê ye ni mò gónó ye dmalang abay se deng ngau yu ne, ne tey bong nawahu kuy.

Flipay 4:15

Deng hónô tngón ye se kuy, yu kem tau bè Flipay, yóm le kuléku gu dyó bè kuy prubinsya Masdunya bè yóm tehe kbutu tmolok lem blóng ye yóm Tulón Hyu, sónen yu se yó kem hemtahu bè yó gel tmóbóng dou. Laen kô dù dumu tau fen tmóbóng do bè filak, són sem yu.

Kul Nmò 16:29

Ominen kendel tmaba mni solok yóm tau mentey blanggù, tódô kendel mógów ebè le Pol lewu le Silas, tódô hegluduk bè solu le, lelen tódô setbol kkelen.

Flipay 1:6

Ne tódô eles tngónu yóm hyu deng nbut Dwata bélê ye, là kô tebelen du efet bè yóm kehdengen du bè yóm kdaw bud kkól Krays Jisas edini.