Flipay 2:10 - Udél Dwata: Gna Kesfasad ne Lomi Kesfasad

¹⁰ Duhen yó, lemwót bè yóm kadat le du yóm boluy Jisas, angat le gotu mtud bukol bè soluhen yóm kdéen nô bè longit, ne kdéen nô talak tonok, ne kdéen nô laan tonok, gotu le angat mtud bukol béléen.

Flipay 2:10 Referans Kwoze

Matyu 28:18

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.

Hibru 1:6

Ne bè yóm tehe khógów Dwata yóm Ngaen elem benwu, yó udélen, monen, “Yake hol gel dóyón yó kem gel hógówu gu bè longit.”

Ifisus 3:14

Duhen yó, botonge mtud bukol bè solu yóm Mà tekuy.

Deng Hegfan 4:10

lemwót yó kem lewu folò fat tau tuha, tódô le hegluduk bè soluhen, hasà le bè soluhen yóm kuruna blówón le, ne gbót dóyón le se kul yóm Dwata laen dù tul katayen yó, mon le,

Ifisus 1:10

Yó atulen, duhen yóm gotu kessotuhen gónó le kmulu yó kem kentihen nô bè longit ne kentihen nô te tonok. Ne yó gónó le mogot, duhen Krays. Gotu nmoen nim atulen ni sok deng hto yóm butengen mò du.

Matyu 27:29

Ne lenikin le yóm sotu kay tinu semnual mò kuruna suub le bè kuluhen, ne wen fes hogot le du bè sigel kwananen. Gotu le mtud bukol bè soluhen, hningón tô nmò le béléen yóm gel kadat le yóm tau hol geta. Ya tey kehlowon le du, mon le, “Ni sii yóm tau hol geta bè kem Ju. Yake hol tahà klowilen.”

Deng Hegfan 20:13

Tódô kdéen tau tehe matay lem mohin, gotu le mdà bè yó. Ne yóm kdéen tau tehe nô bè yóm benwu gónó le nô yó kem tau deng matay, gotu le mdà bè yó snéen kul. Gotu knukum Dwata lu yóm kdê le lemwót bè yó kem tehe gel nmò le.

Ifisus 4:9

Na, tedu se koni hol lanen yóm monen “haway etta” yó? Yó lanen, deng tehe lemwót gu tta ne mógów edini talak tonok.

Sulat Pol Ebè Yó Kem Tau Hemtahu Bè Rom 11:4

Bnalà Dwata se, monen, “Deng wen hitu libu tau deng hetfingu mò dou tau. Là kô le tmaba ebè yóm dwata kéng boluyen Baal.”

Matyu 12:40

Bè yóm tlu buteng Juna nô lem blutut yóm tey utón bong lem mohin, yó hnigaden yóm tlu butengen angat nô lem lebeng yóm Ngà Tau.

Tekang Kbuten 41:43

Ominen hsakay du bè yóm klisa gónón gel smakay yóm tau hol smugung béléen ne hyu wen kem sendalù genlal tukô gna du, bede mensag le, mon le, “Gnawang ye lanen dé. Gnawang ye lanen dé.” Yó se kmoen yóm kehbaling Faro ke Jusif gubérnor bè klamangen Idyip.

Kem Lingón 95:6

Géhél ye ne, mtud kuy bukol bè soluhen, ne tmaba kuy ebéléen. Du se yóm hol gónó tekuy mogot, yóm tehe mifil tekuy.

Deng Hegfan 5:3

Okóm laen dù bang ton le bè longit duhen te tonok, duhen ke bè yóm benwu laan tonok ke wen knóón bang mból du duhen ke temngel elemen yóm sulat lenulun yó.