Flipay 1:9 - Udél Dwata: Gna Kesfasad ne Lomi Kesfasad

⁹ Gel hnihu bè Dwata anì hol temnù yóm kesbong nawa ye, mung du yóm khulung ye hedem ne yóm khulung ye milô.

Flipay 1:9 Referans Kwoze

1 Tisalunika 3:12

Yó hem gónó tekuy mogot hol temnù du bélê ye yóm kuy kesbong nawa ne yóm nawa ye ebè yó kem dumu tau snéen, lómón se yóm kum kbong nawa kuy.

Kulasi 1:9

Yó gónóm mon, lemwót bè yóm kungol me du yóm kehtahu ye, là kóen skó yóm tendo gel kni me bélê ye bè Dwata. Yó gel hni me béléen anì hol hetngónen kuy yóm kun kóyô, hlanen bè yóm khulung hedem ne yóm khulung milô gel blayen tekuy yóm kun Tulus.

Filimun 1:6

Yó hol hnihu béléem bè Dwata anì lemwót bè yóm deng kesetngón tekuy kem tau hemtahu gónón temnù yóm ketngón tekuy du yóm tey kehyuhen yóm klowil tekuy lemwót bè yóm deng kessotu tekuy bè Krays.

Kulasi 3:10

Deng wen ne yóm lomi klowil tekuy lemwót bè Dwata. Ne yó nmò Dwata, tódô senflósen hembaling du nim lomi klowil tekuy ni efet te baling hol skél bè kun kmò, anì hol tilob kesetngón tekuy ebéléen.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

2 Kurin 8:7

Deng tey któtól ye se kuy bè yóm kehtahu ye bè Dwata, ne bè yóm khulung ye tmolok, ne bè yóm ketngón ye du yóm ktahuhen, ne bè yóm kegduf ye tmóbóng, ne bè yóm kbong nawa ye kum. Tey bong hyu snéen ke hol ye tótól du bè yóm kuy keblay yó.

1 Kurin 14:20

Bè ni kem tulónu kuy ni koni, kem dumuhu setwoli, bê ye abay heskél yóm kuy kehedem bè knawa ngà. Yó dé dnalang ye bélê le yóm là khulung le matul mò du yóm sidek. Okóm bè yóm kmò kehedem ye du nim toloku kuy ni, yake kehedem tau tmuha dé kehedem ye du.

2 Tisalunika 1:3

Ó kem dumu me setwoli, là kô gbek me du ke là tendo dóyón me ke Dwata lemwót bélê ye. Bong knóón du se ke yó gel nmò me, abay se sónmoen temnù yóm kehtahu ye, ne temnù snéen yóm kesbong ye nawa.

2 Pitér 3:18

Yó dé hyu bélê ye ke hol tendo temnù yóm ketngón ye yóm gónó tekuy mogot Jisas Krays, yóm deng lemwà tekuy gu lem hatay, ne ke hol temnù yóm keskél ye béléen. Hol bê tekuy abay nmò sónen yóm kdóyón tekuy du.

Hibru 5:14

Okóm ke deng nimónen Dwata yóm tau, lómón ke deng gbeken mken yóm ken mgel. Abay se deng tendo gel dnalangen se kun milô du yóm hyu ne yóm sidek.

Ifisus 5:17

Bê ye hungel dé. Hol hnebel ye yóm kóyóen bélê ye yóm gónó ye mogot.

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

1 Tisalunika 4:1

Ne ni mò sónu du bélê ye, kem dumuhu setwoli, deng tehe wen dnalang ye lemwót bélê me bè yóm kmò kekdol ye anì hyu nawa Dwata ebélê ye, ne bè ktahuhen deng duhen yó se yóm gel nmò ye. Ne ni wen bud hol sen-galu me bélê ye, hlan me bè kun boluy Jisas yóm gónó tekuy mogot anì hol temnù yóm hyu gel nmò ye.

Kem Lingón 119:66

Deng hentahuhu yó kem hlauhem. Ne ni, benlayem o khulung temnef ne ketngón.