Flipay 1:8 - Udél Dwata: Gna Kesfasad ne Lomi Kesfasad

⁸ Tódô tngón Dwata yóm hol ktahuhen yóm nawahu ebélê ye, yóm nawa hol lemwót bè Krays Jisas.

Flipay 1:8 Referans Kwoze

Flipay 4:1

Duhen yó, kem dumuhu setwoli, tey kogot nawahu ebélê ye, ne tey khahuu kuy. Lelen tey wen gónó ye hefligal do, ne tey kehyu nawahu du yóm gel kmò ye. Ke lolò ye ni kem tulónu kuy ni koni, kem dumuhu sogot nawa, ni se gónón mbegel yóm klolò ye du yóm gónó tekuy mogot.

Sulat Pol Ebè Yó Kem Tau Hemtahu Bè Rom 1:9

Tódô tngón Dwata là kóen skó yóm tendo gel knihu bélê ye. Nim Dwata monu ni, du se yóm Dwata hol gónóhu hmotu nawahu mit yóm Tulón Hyu gbak ebè yóm Ngaen.

2 Timuti 1:4

Là kóen mkó bè nawahu yóm ktonu kosok lewokem bè yóm tehe ktagaku kóm. Hol kóyóu ke yó dum géhél bud tonu uu anì hol wen kligalu.

1 Tisalunika 2:8

Lemwót bè yóm kbong nawa me kuy gónó me alì gduf tmulón du bélê ye yóm Tulón Hyu lemwót bè Dwata. Botong là dog bud gólóm me du yóm kum klowil, bà mon se yóm tey nawa me kuy.

Sulat Pol Ebè Yó Kem Tau Hemtahu Bè Rom 9:1

Wen sotu tulónu kuy, là moe kéng bélê ye abay se ou sotu tau nfun Krays tendo galak kehedemu bè yóm Tulus Dwata.

Filimun 1:12

Ne ni bud huléku edyó ebéléem, ne tey gmung nawahu du.

Jirimaya 31:20

Yó bud udél Dwata, monen, “Ó Israél, uu se yóm ngà kenbong nawahu yóm hol gónón nô nawahu. Là gbeku du ke là tehe tnafaku kóm, okóm là kô kó nawahu kóm. Són uu yóm tendo nô bè nawahu ne tey kkoduhu kóm.

Kulasi 2:1

Kóyóu ke hol tngón ye yóm tey khotuhu gelu bélê ye, dalang se bè yó kem tau bè Ludisya, ne yó kem dumu tau là deng tngón le do he.

Glasya 4:19

Ó kem ngà gónón mogot nawahu, gu laan ye là deng gmulit yóm kun kmò Krays, tey sidek kegnómu du. Lómón kegnómu du, lómón yóm libun kmuleng blututen.

Glasya 1:20

Ni kem snulatu ebélê ye ni, hono tahu. Ton Dwata yóm klaen dù kéngu.

2 Kurin 7:15

Tey tendo ketnù yóm kbong nawahen kuy bè yóm kegbelen bè nawahen yóm tey kimón ye du yóm hloloen kuy, ne yóm tey khódó ye du, igoen tolo wen yóm tnafa nawa ye.

2 Kurin 6:12

Là kô knogol nawa me kuy, mom yu ne kmogol nawa kum.

Kun Snulat Luk 1:78

Tey kkoduhen tekuy Dwata. Angat heknasen yóm kifu anì ton tekuy yóm lan tekuy gewà gu lem hatay.

Isaya 63:15

Ó Dwata, hol knudungem mi gu dyó bè yóm gónóhem nô bè longit. Tngón me yóm klaen dù belenem ne yóm tey kegetahem. Gónón nô se yóm alì kehedemem kum du? Ne yóm kfasangem, gónón nô de? Gónóhen nô se yóm kbong nawahem kum ne yóm kkoduhem kum? Hol béem tódô bayà mi sen.

1 Jan 3:17

Ke wen tau bong kun kendengen, ne ke tonen yóm dumun setwoli wen gónón élél, okóm ke là kô dog tnóbóngen du, là bong nawahen ke Dwata.

Filimun 1:20

Duhen yó, Wè, lemwót bè yóm klolò te yóm gónó te mogot, hol nmoem kut yóm tinoku ebéléem ni. Lemwót bè yóm kesetwoli te bè Krays, hol hlaanem nawahu.

1 Tisalunika 2:5

Deng hónô tngón ye yóm kmò kwit me du yóm tehe gel tulón me kuy, là kô na me e nmò du bélê ye yóm udél hegbóy, duhen ke wen udél mò lemimun yóm gel sen-glom me. Dwata gemtanud du ktahuhen nim monu ni.

Kulasi 3:12

Yu se yó kem tau Dwata, kem tau kenbong nawahen, kem tau deng néléken mò kun nfun. Duhen yó, hol dnalang ye yóm nawa skodu ne yóm nawa sbasa, ne yóm keheglaan ye bè kem dumu ye. Ne hol dnalang ye snéen yóm kganag nawa ne yóm khanay nawa.

Flipay 2:26

Yó gónóhu tô hulék du edyó, abay se tey hahù kuy, Ne mónó nawahen kuy bè yóm kungol ye du yóm le kwen desen.

Flipay 2:1

Lemwót bè yóm deng kessotu ye bè Krays, deng setgel ne nawa ye. Gel henyuhen nawa ye lemwót bè yóm kbong nawahen kuy. Ne deng tey tilob kesetngón ye du ne yóm Tulus Dwata. Deng tey tilob ne yóm kmò kestóbóng ye ne yóm gel keskodu ye.

2 Kurin 13:9

Mom hyu nawa me gemnóm du ke wen gónó me lunog, syan ke kemgis ye yó dum kuy. Duhen yó, yó gel hni me bélê ye bè Dwata anì baling ye gulit.

Glasya 3:26

Lemwót bè yóm kehtahu ye, deng ye gotu baling ngà Dwata ne, ne deng ye ssotu bè Krays Jisas.