Flipay 1:6 - Udél Dwata: Gna Kesfasad ne Lomi Kesfasad

⁶ Ne tódô eles tngónu yóm hyu deng nbut Dwata bélê ye, là kô tebelen du efet bè yóm kehdengen du bè yóm kdaw bud kkól Krays Jisas edini.

Flipay 1:6 Referans Kwoze

Flipay 2:13

abay se ke Dwata kun, wen tendo nmoen bélê ye anì wen óyô ye mò du yóm kun kóyô, ne anì wen kegbek ye mò du snéen.

Ifisus 4:12

Yó gónó Krays mò du nim ni anì kdê tekuy kem tau Dwata, gbek tekuy mò du yóm hmoen kut, ne anì sónmoen temnù yóm kehtahu tekuy yóm kdê tekuy deng baling kun lówó Krays.

1 Pitér 5:10

Okóm ke deng legen udì yóm keglayam ye, tey któbóng Dwata kuy. Du se hol hbegel kuy ne tendo ten-gelen yu efet là buden sliwo yóm kehtahu ye. Yó gónón tehe tmaba kuy anì gbót ye bè yóm tey kegetahen ditu bè longit hlanen bè yóm deng kessotu ye bè Krays. Ne yóm kegetahen yó, laen kô dù nan e són.

Kem Lingón 138:8

Angat hendohò Dwata yóm atulen bè klowilu. Yóm kbong nawahem là monolen, Dwata, laen kô dù tul sónen. Béem tódô baya o, abay se uu yóm mò dou.

1 Kurin 1:8

Tódô henlelen hembegel du yóm kehtahu ye efet kól bè yóm hol són kdaw anì laen dù bang bud gónó ye megduón ne ke mdà ye bè solu yóm gónó tekuy mogot Jisas Krays.

2 Tisalunika 1:11

Yó gónóm mon, tey gel kni me bélê ye bè Dwata. Yó hni me anì baling hol segtón yóm kuy kmò ebè yóm tehe kun kóyô Dwata bélê ye bè yóm tehe ktabahen kuy. Dwata he hol tmóbóng kuy lemwót bè kfasangen anì gmò ye yóm kehyu kmò gel nalu nawa ye, ne yóm hyu tô nmò ye lemwót bè yóm kehtahu ye.

Hibru 10:35

Duhen yó, bê ye lensón yóm là klikò ye yó. Ke là gkó ye du, angat wen tey ofol ye.

Kun Snulat Jan 6:29

Ne bnalà Jisas se lu, monen, “Ni hol kóyô Dwata bélê ye ke hentahu ye yóm deng hógówen elem blóng ye.”

Flipay 1:10

Yó hnihu anì hulung ye mélék du yóm hol hyu bélê ye, ne laen dù belenen yóm kuy kmò, ne laen kô dù gónó ye megduón bè yóm efet kkól Krays.

Hibru 12:2

Bê tekuy kó mata dé yóm Jisas. Du se hol lewóten yóm kehtahu tekuy, ne bud du se hol nefeten. Tódô henbalahen yóm tehe ktutuk le du bè kros. Bè ktahuhen, lemwót bè yóm kligal hendón nangaten, là dog suen du bè nawahen yóm tey kyaken bè yóm katayen yó. Ne nim kmoen ni, fen myón fi bè kwanan Dwata ditu bè longit.

1 Tisalunika 1:3

Bè yóm gel kni me bè Dwata yóm Mà tekuy, là kô na me e klifót du se yóm hyu gel nmò ye lemwót bè yóm kehtahu ye, ne yóm tey kmò ye nmò lemwót bè yóm kbong nawa ye kem dumu ye, ne yóm tey kbegelen yóm hendón nefet nawa ye bè yóm gónó tekuy mogot Jisas Krays.

Filimun 1:21

Bè yóm kehwitu du ebéléem nim sulat ni, là kóen megewu nawahu du yóm kimónem do. Tódô tngónu msud senta yó hem hnihu yóm kóm kmò du dyó.

Flipay 1:29

Bélê ye kuy, deng nélék Dwata yu mò tau mò nmò bè Krays. Yóm deng kéléken kuy yó, là olon du bè yóm kehtahu ye bè Krays gónón hyu, okóm hyu snéen yóm keglayam ye lemwót bè yóm klolò ye du.

2 Tisalunika 3:4

Lemwót bè yóm gel któbóngen kuy, yó gónón mgel nawa me kuy. Tngón me deng nimón ye yó kem tehe hlolò me kuy, ne tngón me se tódô hlós yóm kimón ye yó.

Kulasi 2:12

Abay se bè tum tehe kehbabtays ye, lómón ke deng ye mung ke Krays bè yóm tehe kebeng le du. Ne bud bè tum tehe kehbabtays ye, lómón ke deng ye mung béléen snéen bè yóm tehe bud klowilen lemwót bè yóm kehtahu ye du yóm tey kegbek Dwata bè yóm tehe kehlowilen ke Krays gu lem hatay.

2 Kurin 7:16

Béléu do, tey kligalu nim kmoen ni, abay se deng baling bud mgel nawahu kuy ne bè yóm kehtahu ye.

Kul Nmò 11:18

Timbow deng gotu gungol le yóm tulón Pitér yó koni, tódô laen kô dù bud sfuhen yóm kudél le du. Deng mom baling dóyón le Dwata, mon le, “Tahu se, deng homong Dwata lu se kul yó kem tau là Ju le anì hegsel le, ne anì guta le yóm klowil laen dù sónen.”

Kul Nmò 16:14

Yó boluy yóm sotu libun hmungol kum Lidya, lemwót bè syudad Tyatira. Yó nmoen, gel hembalù nes ginggung alì mebtes. Hemtahu bè Dwata se kun. Bè yóm igoen hmungol ke Pol, Dwata fen heglileb du béléen yóm hnungolen, ne hentahuhen.

Glasya 5:10

Okóm bélê ye kuy, tolo mgel nawahu kuy. Lemwót bè yóm deng kessotu tekuy bè yóm gónó tekuy mogot, tódô tngónu là kô glolò ye du yóm tolok sekban yó. Nô kihu ne yóm tau sembeweg kuy bè yó, Dwata he tmafak du.

2 Pitér 3:10

Okóm bè yóm kdaw kesfulék yóm gónó tekuy mogot, tódô kdéen tau gotu ktut, lómón kektut le ke wen mnagaw bélê le. Bè yóm kdaw yó, tódô gungol le yóm tey muni bong, ne tódô kmanas bè ofi yóm longit, ne gotu mkekeb yóm kdéen nô du. Dalang se yóm tonok ne kdéen ton tahen, tódô gotu kmanas.

2 Kurin 9:4

Okóm ke wen tau mung dou gu dini bè prubinsya Masdunya bè yóm kógówu edyó, ne ke là deng wen hentifes ye, tey sidek kyak me bè yóm kegna kdóyónu kuy. Sotuhen, sidek kyak ye bélê le se kuy.

2 Kurin 2:3

Yó se gónóhu tehe smulat du yóm gna sulatu ebélê ye, abay se kóyóu ke eles kó ye yóm sidek nmò ye anì là sidek kegnómu du sok bud nauyu yu. Abay se bélê ye gónón wen kligalu. Deng eles tódô tngónu ke hligale lem blóng ye, hligal ye snéen kuy.

2 Kurin 1:15

Bè kegnómu du, tolo wen kligal ye béléu. Yó gónóhu na gna tô slob bélê ye bè yóm kógówu ebè prubinsya Masdunya, ne bude tô slob bélê ye bè yóm kkólu gu ditu anì lewu duléku tmóbóng kuy. Ne sotuhen, anì yu fen hewót dou bè yóm kógówu ebè prubinsya Judiya.

Flipay 2:12

Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,

Flipay 2:16

abay se yu fen gel hetngón du kul yóm udél hlowil kul. Ke ni se nmò ye, tey bong kehyu nawahu bè yóm kdaw angat kkól Krays, abay se gfan bè yóm kdaw yó yóm là kkafahen yóm tehe tey lenitegu lem blóng ye.