Flipay 1:4 - Udél Dwata: Gna Kesfasad ne Lomi Kesfasad

⁴ Ne tey gel klaan nawahu bè yóm gel knihu bélê ye bè Dwata

Flipay 1:4 Referans Kwoze

1 Tisalunika 1:2

Tey tendo gel kdóyón me ke Dwata lemwót bè yóm kehtahu ye, ne tendo gel utóm me yu bè yóm gel kni me.

2 Jan 1:4

Tey kligalu bè yóm kungolu du deng wen bè yó kem ngaem deng gel mimón du yóm ktahuhen. Ni se deng hloloen tekuy yóm Mà tekuy.

Sulat Pol Ebè Yó Kem Tau Hemtahu Bè Rom 1:9

Tódô tngón Dwata là kóen skó yóm tendo gel knihu bélê ye. Nim Dwata monu ni, du se yóm Dwata hol gónóhu hmotu nawahu mit yóm Tulón Hyu gbak ebè yóm Ngaen.

Flipay 2:2

Duhen yó, wen hlolou kuy anì hol gsengel kegnómu du. Yake hol sensotu ye yóm kuy kehedem, ne hol ye tendo sbong nawa, ne hol sensotu ye atul mò du yóm gel nmò ye.

Filimun 1:7

Tey kligalu, Wè, ne tey klaan nawahu lemwót bè yóm kbong nawahem kem dumuhem hemtahu. Ne tey lingas nawa le se kul yó kem kun tau Dwata lemwót bè yóm gel któbóngem kul.

Kulasi 2:5

Balù nim keslayuk tekuy ni, kaem tey tendo kehedemu kuy. Tey kehligalu yóm kungolu du yóm kesetgel ye mfi du yóm kehtahu ye bè Krays.

Flipay 4:1

Duhen yó, kem dumuhu setwoli, tey kogot nawahu ebélê ye, ne tey khahuu kuy. Lelen tey wen gónó ye hefligal do, ne tey kehyu nawahu du yóm gel kmò ye. Ke lolò ye ni kem tulónu kuy ni koni, kem dumuhu sogot nawa, ni se gónón mbegel yóm klolò ye du yóm gónó tekuy mogot.

Flipay 3:18

Abay se tey dê tau tódô dilóem bè kekdol le yóm khohon le yóm katay Krays bè kros. Deng dê duléku ne tmulón du kuy nim ni, botong mosok lewoku nim bud ktulónu du kuy ni.

Kun Snulat Luk 15:10

Tódô tulónu kuy,” mon Jisas, “hol lómón yó se kehligal yó kem hógów Dwata nô bè longit ke hegsel yóm sotu tau gemsalà.”

Kun Snulat Luk 15:7

Tódô tulónu kuy,” mon Jisas, “hol lómón yó se yóm kehligal le bè longit ke ton le kehegsel yóm sotu tau gemsalà. Bong kligal le béléen senta yó kem syóm folò syóm tau là tabag le, deng tedeng kmò le.”

Mark 5:5

Tódô senflósen kdaw ne kifu tendo mógów sembeweg gu lem blóng yó kem lebeng ne gu lem bulul. Tódô gel hendlaen lemangat, lelen gel migad du bè knóen yó kem botu telem efet hnalì.