Flipay 1:27 - Udél Dwata: Gna Kesfasad ne Lomi Kesfasad

²⁷ Ne ni se yóm hol bong muhen bélê ye ke hol seklóón ebè yóm Tulón Hyu gbak ebè Krays yóm gel kmò ye anì yó, ke sute lem blóng ye duhen ke là, laen dù dumu gungolu gu bélê ye són yóm hol kbegel yóm kehtahu ye, ne yóm hol kessotu nawa ye hol mfi du yóm deng kehtahu ye lemwót bè yóm Tulón Hyu.

Flipay 1:27 Referans Kwoze

Ifisus 4:1

Duhen ni, wen hlolou kuy, ou se yóm tau deng geblanggù lanu mò du yóm hmoen dou yóm gónó tekuy mogot. Bê kwit ye ktau ye, hol nmò ye sen yóm nmò seklóón ebè yó kem tau deng tnaba Dwata.

1 Kurin 1:10

Ó kem dumuhu setwoli, lemwót bè yóm kwalis deng blayen dou yóm gónó tekuy mogot Jisas Krays, wen hol hesgaluhu kuy, duhen yóm hol kessotu nawa ye anì là mesgólólen yóm kessotu kehedem ye anì segmung ke wen gel sensatul ye.

2 Pitér 3:14

Ke ni se yóm sensangat tekuy yu kem weu, hol tilów ye són gel ye mkó du ke wen belenen yóm gel nmò ye anì laen dù duón Dwata kuy sok kól, ne anì wen kenek nawa ye.

Kulasi 1:10

Ni bud hni me béléen anì hol gmò ye yóm kun kóyô yóm gónó tekuy mogot, ne anì hol gmò ye yóm gónón hligal bélê ye. Ke ni se kmò ye, wen tey bunguhen yóm klowil ye, ne senflósen temnù yóm ketngón ye ke Dwata.

Sulat Jud 1:3

Ó kem weu do dumu sogot nawa, deng tey kehedemu du ne yóm tô ksulatu ebélê ye gbak bè yóm deng kegewà tekuy gu lem hatay. Okóm là. Tódô gnómu yóm bong muhen bélê ye ke géhél gendufu yu hol mfi du yóm tahu tolok deng tehe blay Dwata bè yó kem tauhen, yóm tolok là hyu temles du.

1 Tisalunika 4:1

Ne ni mò sónu du bélê ye, kem dumuhu setwoli, deng tehe wen dnalang ye lemwót bélê me bè yóm kmò kekdol ye anì hyu nawa Dwata ebélê ye, ne bè ktahuhen deng duhen yó se yóm gel nmò ye. Ne ni wen bud hol sen-galu me bélê ye, hlan me bè kun boluy Jisas yóm gónó tekuy mogot anì hol temnù yóm hyu gel nmò ye.

Flipay 2:12

Duhen yó, kem dumuhu sogot nawa, deng hónô tonu yóm kimón ye do yóm tehe knóu lem blóng ye. Yake milud he kimón ye do ni kmoen ni yóm là bud knóu bélê ye. Lemwót bè yóm klikò ye ke Dwata, tódô hol henlel ye mò du yóm nmò tehe nbut Dwata bélê ye bè yóm kehewaen kuy,

Flipay 3:18

Abay se tey dê tau tódô dilóem bè kekdol le yóm khohon le yóm katay Krays bè kros. Deng dê duléku ne tmulón du kuy nim ni, botong mosok lewoku nim bud ktulónu du kuy ni.

2 Kurin 13:11

Duhen yó, kem dumuhu setwoli, hol ye gel hgulit. Hol hnungol ye ni kem hlauhu kuy ni. Hol sensotu ye kut nawa ye. Bê ye bud hesgólól kehedem ye. Ke ni se nmò ye, beyen bélê ye Dwata. Du se gónón lemwót yóm kesbong nawa ne yóm kenek nawa.

Kul Nmò 4:32

Tey tilob kessotu nawa le yó kem tau hemtahu bè Jisas. Balù yó kem kimu le, laen kô mtukul mfun du bélê le. Ke wen bélê le wen gónón élél, tódô sentóbóng le.

Kem Lingón 133:1

Tey minggel gemnóm du yóm kessotu nawa yó kem tau Dwata.

Jirimaya 32:39

Ne laen kô dù tul sónen yóm keblayu kul yóm kessotu nawa le anì sónmoen wen klikò le dou mò kul kehyu dalang se yó kem angat lugod le.

2 Pitér 3:11

Ke lómón ni se yóm angat keglà Dwata du yóm kdéen, eles ye hol temgama sen ni kmoen ni anì là gomong ye lemen. Ke wen belenen yóm gel kmò ye, eles kó ye. Eles ye hol hgulit lemolò ke Dwata

1 Kurin 15:58

Yó gónóm mon, kem dumuhu sogot nawa, hol hbegel ye dé kehtahu ye, bê ye abay hili nawa ye. Bê ye abay senkó mò du yóm hmoen kuy yóm gónó tekuy mogot, abay se deng hónô tngón ye, kdéen nmò tekuy bè yóm gónó tekuy mogot tey wen uléken.

Sulat Pol Ebè Yó Kem Tau Hemtahu Bè Rom 1:16

Nim Tulón Hyu gel nwitu ni, laen kô bang gónóhu myak heglalag du. Kaem bè yó se gónón gfan yóm kfasang Dwata lemwà kdéen tau gu lem hatay ke hemtahu le bè Jisas, lemwót bè yó kem tau Ju kkólen bè yó kem tau là Ju le.

Sulat Jim 3:18

Yóm tau ke hulung mit sefyu lem blóng kem dumuhen tau, hol lómón ke wen bnék huluhen. Ne yó nutahen du yóm huluhen yó, duhen yóm kehyu kmò.

Filimun 1:5

abay se deng gefet béléu yóm kbong nawahem kdê yó kem kun tau Dwata, ne yóm tey kehtahuhem bè yóm gónó tekuy mogot Jisas.

Taytus 2:10

ne bê le se abay tódô temsob. Yake lu dé yóm tau hol mfesek anì seklóón ebè yóm gel nmò le yóm dnalang le gbak ebè Dwata, yóm deng lemwà tekuy gu lem hatay.

2 Timuti 4:7

Deng hotuhu són gelu mò du yóm deng hmò Dwata dou, lómón ke skuyahe mlóy, ne ni ne yóm deng kdengen, là kóe na a kemsil.

1 Timuti 1:19

Hol hgemelem kehtahuhem, ne béem abay nmò blóngem ebè Dwata. Nim monu ni, deng wen se kem tau gmafang du, ne yó gónón hlós lana kehtahu le.

1 Timuti 1:11

Yóm monu tahu tolok ni, yó sem Tulón Hyu deng sigang Dwata tahu mò hetngónu ebè yó kem tau. Nim Tulón Hyu ni, lemwót bè Dwata, yóm hol hyu bè kdéen, yóm knóón dmóyón du.

Kul Nmò 2:46

Ket kdaw le gel stifun ebè Gónô Dwata yó kem tau hemtahu bè Jisas ni. Gel le slawa, ne lel le gel segbót mken. Tey tendo gel kehyu nawa le ne tilob kessadat le.

Matyu 12:25

Tódô tngón Jisas yóm nô lem hendem le, ne yó gónón mon du mò kul, “Yóm benwu tendo mesgólól nawa tauhen, ne ke sónmò le sfatay, angat meglà. Balù yóm sotu gmónô, ke là ssotu nawa le, ne ke sónmò le sfatay, angat le tódô seglef.

Kem Udél Hlalak Tehe Selumun 22:23

Yakà Dwata du mdà du béléen yóm kun sentulón ne hensideken klowil yóm tau hemsidek yóm tau élél.

1 Tisalunika 3:6

Okóm ni, deng bud kól gu dyó Timuti, ne tey hyu yóm tulónen kum lemwót bè yóm kuy kehtahu ne yóm kesbong ye nawa. Tulónen kum snéen yóm gel kehedem ye kum dyó, ne tey gel khahù ye kum kun, lómón se yóm kum khahù kuy.

Kulasi 1:4

Yakà deng gungol me yóm kehtahu ye bè Krays Jisas ne yóm kbong nawa ye yó kem kun tau Dwata.

Flipay 2:24

Ne lemwót bè yóm ksaligu yóm gónó tekuy mogot, tódô tngónu là legenen bude mógów edyó lem blóng ye se dou.

Ifisus 1:15

Duhen yó, lemwót bè yóm deng kungolu du yóm kbegel yóm kehtahu ye bè Jisas, yóm gónó tekuy mogot ne yóm alì kbong nawa ye yóm kdê kun tau Dwata,

Ifisus 1:13

Senged se kuy, deng ye baling kem kun tau Dwata lemwót bè yóm kungol ye du yóm tahu tulón, duhen yóm Tulón Hyu gónó ye temngón du yóm lan ye gewà gu lem hatay. Deng ye hemtahu bè Krays, ne yó gónó Dwata hemsù du bélê ye yóm kun Tulus tehe fasaden tekuy mò ilô yóm deng kfunen tekuy.

Glasya 1:7

Bè ktahuhen, là kô wen dumu “tulón hyu.” Yó gónóhu mon du mò kuy nim ni, abay se tngónu wen tau tendo gel sembeweg kuy bè yó. Tô tenles le yóm Tulón Hyu gbak ebè Krays.

2 Kurin 9:13

Bè yóm keblay ye, yó se gónón gfan yóm kehtahu ye ke Krays. Angat tey dê tau dmóyón ke Dwata lemwót bè yóm kimón ye du yóm Tulón Hyu lemwót bè Krays. Dóyón le Dwata snéen bè yóm tey któbóng ye kul, dalang se yó kem dumu tau tnóbóng ye.

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Sulat Pol Ebè Yó Kem Tau Hemtahu Bè Rom 15:29

Tódô tngónu soke sut lem blóng ye, angat tey kehyuhen yóm nmò Krays bélê tekuy bè yó.

Sulat Pol Ebè Yó Kem Tau Hemtahu Bè Rom 15:16

Yó hmoen do, henbalingen ou tau mò hógów Jisas Krays ebè kem tau là Ju le. Bè yóm kwitu du ebélê le yóm Tulón Hyu lemwót gu bè Dwata, lómón ke ou yóm tau gel demsù ebè Dwata. Yó henged dsù blayu du, duhen yó kem tau là Ju le deng hemtahu bè Jisas. Ne henmóyô Dwata snéen yóm dsuu yó, abay se deng nfunen lu yóm Tulus Dwata.

Sulat Pol Ebè Yó Kem Tau Hemtahu Bè Rom 10:8

Okóm ni se yóm hol tulónen, yóm monen, “Deng nô bélê ye ne nim tulón Dwata ni, yó sem tendo gel sentulón ye, lel ye tendo gel hemdem du snéen.” Yóm tulón Dwata monen yó, yó se gel tulón me kuy, duhen yóm kehtahu tekuy bè Krays.

Sulat Pol Ebè Yó Kem Tau Hemtahu Bè Rom 1:9

Tódô tngón Dwata là kóen skó yóm tendo gel knihu bélê ye. Nim Dwata monu ni, du se yóm Dwata hol gónóhu hmotu nawahu mit yóm Tulón Hyu gbak ebè yóm Ngaen.

Sulat Pol Ebè Yó Kem Tau Hemtahu Bè Rom 1:5

Mlan bè yóm Ngaen yó, wen tey hyu hmò Dwata dou, duhen yóm gel khógówen dou elem blóng yó kem tau là Ju le anì hol megdóyón Krays. Nitu yóm Tulón Hyu lem blóng le anì gbót nimón le Jisas se kul lemwót bè yóm kehtahu le béléen.

Kul Nmò 24:24

Sotu kdaw bè yó, bud mógów ebè yó Gubérnor Filik, mung du tuha libunen boluyen Jusila. Libun Ju se kun nim Jusila ni. Omin Filik hangay ke Pol anì hnungol le yóm tulónen bè yóm kehtahu bè Krays Jisas.

Kem Lingón 122:3

Deng tey tilob kehefdà le du nim Jirusalim mlan bè yóm tey tilob kessatul le du.

Flipay 1:5

lemwót bè yóm tey któbóng ye dou bè yóm kwitu du yóm Tulón Hyu. Tódô lemwót bè kbut yóm kehtahu ye yóm tendo któbóng ye dou efet nim kmoen ni.

Flipay 3:20

Okóm tólóng yóm bélê tekuy. Longit se benwu tekuy. Ne wen tey tendo hendón nangat tekuy ni kmoen ni, duhen yóm fen lemwà tekuy gu lem hatay, yóm gónó tekuy mogot Jisas Krays lemwót gu bè longit.

Flipay 4:1

Duhen yó, kem dumuhu setwoli, tey kogot nawahu ebélê ye, ne tey khahuu kuy. Lelen tey wen gónó ye hefligal do, ne tey kehyu nawahu du yóm gel kmò ye. Ke lolò ye ni kem tulónu kuy ni koni, kem dumuhu sogot nawa, ni se gónón mbegel yóm klolò ye du yóm gónó tekuy mogot.