Flipay 1:23 - Udél Dwata: Gna Kesfasad ne Lomi Kesfasad

²³ Tey mgel béléu hemdem du. Móyóe ke mataye anì géhéle nô bè Krays, abay se tey bong hyu béléu yó.

Flipay 1:23 Referans Kwoze

2 Kurin 5:8

Tey tendo gel kgel nawa me. Mom hyu dé ke géhél tebel me nim lówó me ni anì géhél me nô ditu bè kun gónô yóm gónó tekuy mogot.

Kem Lingón 17:15

Lemwót bè kmou du yóm tedeng, yó gónów angat mton kóm. Soke bud mowil gsengel nawaw, abay se deng te tódô suyó.

Deng Hegfan 14:13

Ne bud gungolu se yóm mudél gu bè longit, monen, “Ni snulatem. Hligal yó kem tau ke matay le bè yóm igò le lemolò yóm gónó le mogot.” Ne ominen mudél se yóm Tulus Dwata, monen, “Tahu se yó. Tey kehligal le kul, abay se deng le gehegnô bè yó kem blat tehe gel nmò le. Yakà dengen eles nô bélê le yóm ulék yóm hyu tehe gel nmò le yó.”

Kul Nmò 7:59

Yóm igò le semtudà ke Stéfén botu, tmaba ebè Jisas, monen, “Ó Jisas yóm dou gónó mogot, hogotu kóm ne klowilu.”

Kun Snulat Luk 23:43

Bnalà Jisas se, monen, “Ni fasadu kóm, ditu béléu bè dou benwu bè longit gónóm e mefet nim kemdaw ni.”

2 Timuti 4:6

Béléu dou, là holen bud té ne nim dou knô te tonok. Móyónen hto yóm dou buteng.

Kun Snulat Jan 17:24

Ni kem tau deng blayem dou ni, Mà, yó hol kóyóu ke nô le béléu bè yóm dou gónó angat nô. Kóyóu ke hol ton le yóm kegeta deng tehe blayem do lemwót bè yóm tey kbong nawahem do gu laanen là deng wen benwu he.

Kun Snulat Jan 12:26

Yóm tau móyô mimón do,” mon Jisas, “là kô gbeken du ke là loloen do. Balù kihu gónóhu nô, yó se bud kun gónó nô. Angat tey kadat Mà du yóm tau ke nimónen o.”

Kem Lingón 49:15

Okóm béléu dou, angat lenwà Dwata ou, angat lenwaen ou lem hatay.

1 Tisalunika 4:17

Omin tekuy yó he kem tau tolo mowil bè yóm kdaw yó, gotu tekuy slomong bélê le megkay etta bè lobun anì gotu senlong tekuy yóm gónó tekuy mogot ditu te kmawang. Ne nbuten bè yó ne laen kô dù sónen yóm knô tekuy bè yóm gónó te mogot.

Kun Snulat Jan 14:3

Ke sok deng kehetifesu bélê ye gónô nô,” monen, “bude semfulék edini naw e nangay yu. Yó se dou gónô nô, yó se kuy gónô nô.

Kun Snulat Luk 12:50

Okóm naw na hol glayam gu laanen he, ne hatan mkó béléu nim keblat nawahu ni ke deng mkó tahu yóm keglayamu yó.

1 Tisalunika 2:13

Bud sotu gónó me tendo gel dmóyón ke Dwata snéen. Bè yóm tehe kwit me ebélê ye yóm tulón lemwót bè Dwata, bè yóm kungol ye du tódô kendel henmóyô ye, ne tódô dilô ye hol tahu kun udél Dwata, là kô olo udél tau du. Ne tahu se yó. Ne lemwót bè udélen wen gel nmò Dwata bélê ye yu kem tau deng hemtahu.

Kun Snulat Jan 13:1

Tek sendaw ne dù kehtohen yóm mò ken bè yóm Kdaw Khius. Tódô tngón Jisas yóm móyón ktebelen yóm benwu ni, ne bud mulék ebè Maen. Tey tendo gel kbong nawahen kul yó kem tau gel lemolò du, ne là kóen monol nawahen ebélê le efet kól bè yóm ktagaken kul.

Kun Snulat Luk 8:38

Yóm tau tehe nalak busaw yó koni, tey kehkoduhen bè Jisas anì mung du. Okóm mom mon Jisas mò du,

1 Tisalunika 2:1

Yu kem dumu me setwoli, deng tngón ye ne kuy yóm là kkafahen yóm tehe nógów me edyó.

2 Kurin 6:12

Là kô knogol nawa me kuy, mom yu ne kmogol nawa kum.

2 Samwél 24:14

Omin Dabid mon du mò ke Gad, “Tey sidek kgelen béléu se nim ni. Mom hyu ne ke Dwata tmafak kum, abay se hulung kmodu. Bée dou ke tau tmafak do.”

Flipay 1:24

Okóm bélê ye kuy, hyu ke tolohe mowil anì naw na hol tnóbóng yu.