Flipay 1:22 - Udél Dwata: Gna Kesfasad ne Lomi Kesfasad

²² Bede hyu snéen ke mowile, abay se temnù yóm gendengu bè Krays. Yó gónóm mon, là tngónu du ke mahi du yóm hyu.

Flipay 1:22 Referans Kwoze

1 Pitér 4:2

Yó gónóm mon, lenwóten ni ne efet kukol towok ye, yake hol nô bè nawa ye mò du yóm kun kóyô bélê ye Dwata. Bê ye abay bud nmung yó kem sidek knóyô lówó tau.

Glasya 2:20

Yó gónóm mon, là kô ou du ne nim mowil ni, kaem Krays, yóm nô béléu. Són yóm kehtahuhu tendo gentud nawahu abay se tey kbong nawan dou, gloken fen hamà béléu yóm kun klowil.

Flipay 1:24

Okóm bélê ye kuy, hyu ke tolohe mowil anì naw na hol tnóbóng yu.

Kul Nmò 3:17

Tngónu se, kem dumuhu setwoli,” mon Pitér, “tódô óyô ye mò du bè Jisas yóm nmò ye béléen, là kô tngón ye du. Dalang se yó kem gónó tekuy galak, là kô tngón le du se kul.

2 Kurin 10:3

Tahu se, tau me te tonok, okóm bè yóm kmò kwit me sfatay bè yó kem tolok sekban nwit le, là lemwóten bè kehedem tau te tonok.

Kem Lingón 71:18

Balù nim deng ktuhahu, ne denge nubón, hol béem bayà ou, Dwata, efet deng gotu bud tulónu bè yó kem lugod todol sut yóm tey genbekem, ne yóm tey hentaw ton gel nmoem bè yó kem tau sut huli dou.

Kulasi 2:1

Kóyóu ke hol tngón ye yóm tey khotuhu gelu bélê ye, dalang se bè yó kem tau bè Ludisya, ne yó kem dumu tau là deng tngón le do he.

Sulat Pol Ebè Yó Kem Tau Hemtahu Bè Rom 11:2

Là kô na a kenbê Dwata kul yó kem kun tau deng eles nélék lemwót bè kbuten. Deng hónô tngón ye ne yóm monen bè sulat Dwata bè yóm tehe keklamo Ilaydya kul bè Dwata yó kem tau Israél,

Kehewà 32:1

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”

Tekang Kbuten 39:8

Okóm là kóen móyô Jusif, monen mò du, “Hendemem dé, là bud wen tnafa nawa amohu du bè ni lem gónóen abay se nóe bè ni. Gotu hogoten dou kdéen.

Tekang Kbuten 21:26

Yó balà Abimélék du, monen, “Là tngónu du ke tau du mò du yóm yó. Moem là géhél tmulón du dou du? Ni he ketngónu du.”

Sulat Pol Ebè Yó Kem Tau Hemtahu Bè Rom 1:13

Là klifót ye du kô, kem dumuhu setwoli, deng hilu duléku ne móló mógów edyó bélê ye, okóm wen gel hemseng dou. Móyóe ke tmoloke lem blóng ye anì wen bélê ye hemtahu snéen, lómón yóm kul kehtahu yó kem dumu tau là Ju le tehe gónóhu gel tmolok.

Flipay 1:23

Tey mgel béléu hemdem du. Móyóe ke mataye anì géhéle nô bè Krays, abay se tey bong hyu béléu yó.