Flipay 1:21 - Udél Dwata: Gna Kesfasad ne Lomi Kesfasad

²¹ Abay se béléu do, yó gónóhu mowil anì megdóyón béléu Krays. Okóm mom hyu se ke mataye senta ke mowile.

Flipay 1:21 Referans Kwoze

Glasya 2:20

Yó gónóm mon, là kô ou du ne nim mowil ni, kaem Krays, yóm nô béléu. Són yóm kehtahuhu tendo gentud nawahu abay se tey kbong nawan dou, gloken fen hamà béléu yóm kun klowil.

2 Kurin 5:8

Tey tendo gel kgel nawa me. Mom hyu dé ke géhél tebel me nim lówó me ni anì géhél me nô ditu bè kun gónô yóm gónó tekuy mogot.

2 Kurin 5:1

Nim lówó tekuy ni, hol lómón ke slung. Ke deng bangen gbà nim slung ni, eles tngón tekuy se angat wen tahu gónó tles Dwata du ditu bè longit, yóm gónó kun nmò Dwata, yóm laen dù tul sónen.

Flipay 1:23

Tey mgel béléu hemdem du. Móyóe ke mataye anì géhéle nô bè Krays, abay se tey bong hyu béléu yó.

Kulasi 3:4

Yóm lomi klowil tekuy yó, lemwót bè Krays. Ke bud semfulék edini, angat tekuy gmung béléen bè yóm alì kegetahen bè yóm kdaw yó.

2 Kurin 5:6

Ni se tendo gónón mgel nawa tekuy. Tngón tekuy se ke tolo tekuy nô bè nim sana lówó tekuy ni, là deng tekuy gefet du he yóm kun gónô nô yóm gónó tekuy mogot.

Flipay 1:20

Yó hol nô lem nawahu, ne hol sen-galuhu ke senflósu mò du yóm deng sigang Dwata tahu. Kóyóu ke laen dù tul klikou tmulón ke Krays, sélét ne nim kmoen ni, anì hol megdóyón béléu Krays, kihu ke mlan bè dou klowil duhen ke mlan bè katayu.

Deng Hegfan 14:13

Ne bud gungolu se yóm mudél gu bè longit, monen, “Ni snulatem. Hligal yó kem tau ke matay le bè yóm igò le lemolò yóm gónó le mogot.” Ne ominen mudél se yóm Tulus Dwata, monen, “Tahu se yó. Tey kehligal le kul, abay se deng le gehegnô bè yó kem blat tehe gel nmò le. Yakà dengen eles nô bélê le yóm ulék yóm hyu tehe gel nmò le yó.”

Glasya 6:14

Okóm béléu dou, tek sotu yóm saluu, són yóm katay Jisas Krays bè kros yóm gónó tekuy mogot. Lemwót bè yóm katayen yó, là kô bud gwiten dou ne yóm dê kenbeyen talak tonok ne là kóe bud gfét du snéen.

1 Kurin 1:30

Okóm deng sensotu Dwata tekuy bè Krays Jisas, ne bud benlayen tekuy ketngón snéen hlanen bè Krays. Ne lemwót bè Krays gónón tedeng kton Dwata tekuy, ne gónó tekuy baling kun tau laen dù belenen. Bud Krays se fen lemwà tekuy gu lem hatay.

Flipay 2:21

Tódô kdê yó kem dumu tau, sal gel hegna le yóm kul knóyô nmò, fen hfuli le yóm kun nmò Jisas Krays.

Flipay 1:22

Bede hyu snéen ke mowile, abay se temnù yóm gendengu bè Krays. Yó gónóm mon, là tngónu du ke mahi du yóm hyu.