Flipay 1:20 - Udél Dwata: Gna Kesfasad ne Lomi Kesfasad

²⁰ Yó hol nô lem nawahu, ne hol sen-galuhu ke senflósu mò du yóm deng sigang Dwata tahu. Kóyóu ke laen dù tul klikou tmulón ke Krays, sélét ne nim kmoen ni, anì hol megdóyón béléu Krays, kihu ke mlan bè dou klowil duhen ke mlan bè katayu.

Flipay 1:20 Referans Kwoze

1 Pitér 4:16

Bede ke wen hmayam kuy lemwót bè yóm deng kehtahu ye ke Krays, bê ye abay kenyak. Hol dóyón ye Dwata dé, abay se yu mit du yóm kun boluy Krays.

1 Kurin 6:20

Yakà deng tehe benlihen tekuy, ne tey mebtes yóm keblihen tekuy. Duhen yó, bè kmò kwit tekuy yóm lówó tekuy, hol nmò tekuy yóm gónó Dwata megdóyón.

Isaya 54:4

Hol béi abay bud hlikò, laen kô dù gónóm myak. Ne laen kô dù tau hemyak kóm. Tódô klifótem yóm tehe là kgulitem bè yóm hanà tolo klomihem tau. Ne bud klifótem snéen yóm alì sidek keblat nawahem bè yóm klibunem bolu.

1 Tisalunika 5:23

Yó hem Dwata gónón lemwót yóm kenek nawa tekuy. Du se hol hólós kuy anì laen dù belenen sidek yóm knawa ye ne yóm kehedem ye ne yóm klówó ye bè yóm kdaw kkól Jisas Krays yóm gónó tekuy mogot.

1 Jan 2:28

Tahu se, kem ngà, hol henlós ye sen yóm kessotu ye bè Krays anì laen dù gónó tekuy likò sok semfulék edini, ne laen dù gónó tekuy myak béléen snéen bè yóm kdaw kesfuléken yó.

Flipay 2:17

Yóm kehtahu ye bè Dwata, lómón ke yó yóm dsù gel blay ye ke Dwata. Bè yóm dsù ye yó, déke kóyô Dwata ke dou litô mung du mò twél ye tahen. Ke yó se kmoen, teye hligal du, gbóte hligal bélê ye bè yóm dsù gel blay ye.

Sulat Pol Ebè Yó Kem Tau Hemtahu Bè Rom 8:19

Tódô kdê yó kem deng dlimun Dwata, tey kessangat le du se kul yóm kdaw angat kehegfan Dwata du yóm deng kngaen tekuy.

2 Kurin 10:8

Balù yóm deng tô kegedlug ktulónu du yóm kwen kwalis me lemwót bè yóm gónó tekuy mogot, laen kô gónóhu myak du se. Abay se nim kwalis me ni, yó muhen mò lan me hbegel kuy bè kehtahu ye. Là kô yó du muhen ke gónó me gembà kuy.

2 Kurin 4:10

Sal gel gnóm me bè lówó me yóm tehe khatay le ke Jisas ekni anì hol gfan bélê me snéen yóm bud klowilen bè yóm gel któbóngen kum.

1 Kurin 7:34

Yó gónón seblangan nawan, lelen tô hefligal yóm gónón mogot ne lelen tô hefligal ke tuha libunen. Dalang se yóm libun là myehenen, kaem gbeken hmotu nawan hemdem du se kun yóm hmoen du yóm gónón mogot. Hotuhen nawahen ebè yóm gónón mogot, ne hotuhen gelen mò nmò béléen. Okóm yóm libun wen yehenen, dê dumu hendemen mò gónón hefligal ke tuha logihen.

Isaya 50:7

Okóm yóm kehnê le dou, là kô gehsideken do, abay se gel tnóbóngen ou yóm Dwata hol dandónen geta gónóhu mogot. Tódô henbalahu yóm nmò le béléu. Tngónu là kô wen gónóhu myak,

Kem Lingón 119:116

Ten-gelem ou, Dwata, lemwót bè yóm deng fasadem do, anì mowile. Blayem do yóm nefet nawahu anì laen dù gónóhu myak.

Sulat Pol Ebè Yó Kem Tau Hemtahu Bè Rom 5:5

Angat dohò kguta tekuy du yóm hendón tekuy yó, abay se deng gotu gnóm tekuy ne yóm kbong nawa Dwata tekuy, hlanen bè yóm Tulusen deng basahen tekuy.

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Kulasi 1:24

Ni kmoen ni, hligale du nim gónóhu glayam ni mò lanu tmóbóng kuy. Nim keglayamu ni, deng tehe olu Dwata do, ne tódô henlelu ne gemnóm du efet kdengen mò lanu tmóbóng yó kem tau hemtahu béléen, yó se kem tau mò henged lówóhen.

Sulat Pol Ebè Yó Kem Tau Hemtahu Bè Rom 12:1

Duhen yó, kem dumuhu setwoli, ni alì nalu nawahu bélê ye lemwót bè yóm tey kkodu Dwata tekuy. Hol blay ye ke Dwata dé lówó ye mò henged dsù ye ebéléen, yóm dsù tolo mowil ne tendo gel nmò ye yóm hyu. Ne tey kehyu nawa Dwata du yóm keblay ye du yó. Ke hendem ye yóm kdê deng nmoen bélê ye, tey knóón ke ni se yóm kut nmò.

Flipay 1:14

Ne sotuhen, tey wen bè yó kem dumu tekuy deng hemtahu, deng temnù yóm kgel nawa le yóm gónó tekuy mogot lemwót bè yóm deng kegkukubu. Deng mom temnù yóm là klikò le hból du yóm Udél Dwata.

2 Kurin 7:14

Deng tehe gel dóyónu yu béléen snéen dou ekni, ne tahu se, bud tonen bélê ye se kun. Hono tahu se yóm tehe gel tulón me kuy ekni, ne hol lómón yó se yóm deng tulónu ke Taytus, hono tahu.

2 Kurin 5:15

Du se matay bè kdéen tau anì yó, yóm kdê tekuy hanà tolo mowil, là kô bud lolò tekuy du ne yóm knóyô tekuy, són yóm kun knóyô Krays yóm lolò tekuy. Yakà bélê tekuy du gónón lemwót matay ne gónón bud mowil gu lem hatay.

1 Kurin 15:31

Béléu dou, kem dumuhu setwoli, wen se tendo móló hmatay dou ket kdaw. Yó gónóhu tmulón du kuy nim ni lemwót bè yóm tey kligalu bè yóm deng kessotu tekuy bè Krays Jisas, yóm gónó tekuy mogot.

Sulat Pol Ebè Yó Kem Tau Hemtahu Bè Rom 9:33

yóm tehe tulónen bè sulaten, yóm monen, “Ngem deng wen botu suu lem blóng le bè syudad Sayun. Yó se yóm botu geslob yó kem tau, ne hlós le glokob du. Okóm yóm tau hemtahu béléen, là kô wen gónón gsel du.”

Sulat Pol Ebè Yó Kem Tau Hemtahu Bè Rom 6:19

Yó gónóhu hmingón du bè keghesek nim toloku kuy ni anì mahil ketngón ye du lanen. Tehe yu ekni, ghesek ye bè yóm óyô ye mò sidek, abay se tódô bayà ye lówó ye mò du, ne sónmoen minut temnù yóm ksidek nmò ye. Okóm ni yake hol hogot ye ke Dwata yóm lówó ye anì ghesek ye bè yóm tedeng, ne anì laen dù belenen yóm kmò ye.

Sulat Pol Ebè Yó Kem Tau Hemtahu Bè Rom 6:13

Hol béen wen bè yó kem nô bè lówó ye mit kuy mò sidek. Hol hogot ye ke Dwata yóm klowil ye, yakà deng lenwaen kuy gu lem hatay, ne deng blayen kuy yóm klowil lomi, anì hol gmò ye yóm tedeng gónón megdóyón Dwata.

Kul Nmò 21:13

Okóm mom mon Pol, “Moen de ke mkik ye? Ten-geed ye hemblat nawahu nim nmò ye ni. Balù kihu nmò le béléu ditu bè Jirusalim, kihu ke nfét le ou duhen ke hnatay le ou, syan ke lolou yóm kun kóyô Jisas.”

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

Kun Snulat Jan 21:19

Yó lanen yóm mon Jisas ni, tulónen yóm kmò angat katay Pitér, ne yóm kegdóyón Dwata béléen bè yóm katayen yó. Ne omin Jisas bud mon du mò du, “Loloem o.”

Kem Udél Hlalak Tehe Selumun 23:18

Ke lómón ni kmoem du dohò ktonem kehyuhen ne yóm hyu nefet nawahem là kóen hotok.

Kem Udél Hlalak Tehe Selumun 10:28

Yóm nefet nawa yóm tau tedeng kmoen duhen yóm kligalen, okóm yóm tau gel mò sidek yóm kun hendeen laen kô tul kesuten béléen.

Kem Lingón 119:80

Hyu ke laen dù belenen bè yóm kimónu yó kem hlauhem anì laen dù gónów myak.

Kem Lingón 62:5

Tódóe htinof mangat ke Dwata, abay se són du dou nefet nawa.

Kem Lingón 25:2

Tey ksaligu kóm, Dwata. Béem abay henyak ou, duhen ke hefligalem yó kem hohonu bè yóm là kegmou.

Kul Nmò 4:31

Kogol yóm kni le, tódô hsinsig Dwata yóm gónô gónó le nô, ne ominen bud hemsù du bè kdê le yóm Tulusen. Ne tódô nbut le bè yó tmulón du yóm deng tulón Dwata kul, ne laen dù bud klikò le mò du.

2 Kurin 3:12

Lemwót bè nim ken-gel nawa me ni, yó gónó me là lengayà bemkas du bélê ye yóm tulón nwit me.

2 Kurin 7:4

Tey deng mgel nawahu du yóm kehtahu ye, botong gel dóyónu yu bè kem dumu tau. Baluen he ke wen gónó me gel glayam, sana tey kgel nawahu. Là kô gbeku hmingón du yóm tey kligalu.