Flipay 1:19 - Udél Dwata: Gna Kesfasad ne Lomi Kesfasad

¹⁹ abay se tngónu angate gewà lan ye gel mutóm do bè kni ye, ne lan yóm Tulus Jisas Krays gel tmóbóng dou.

Flipay 1:19 Referans Kwoze

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Kul Nmò 16:7

Tikóng le kól bè kilil yóm prubinsya Misya, bud le tô móyô hlós subô ebè prubinsya Bitinya, bud là bayaen kul yóm Tulus Jisas.

2 Kurin 1:11

Tey mgel nawa me, abay se deng eles tngón me angat bud lenwaen mi he lemwót bè yóm gel kutóm ye kum bè yóm gel kni ye bè Dwata. Duhen yó, angat bnalà Dwata yóm tey kni ye bélê me yó, ne angat tey któbóngen kum. Ke ni se nmò Dwata, tey wen bélê ye gbót dmóyón du bè yóm któbóngen kum yó.

Glasya 4:6

Wen lan Dwata hdilô du bélê tekuy yóm kngaen tekuy, duhen yóm ksuen du bélê tekuy yóm Tulus yóm Ngaen. Lemwót bè yóm knóen bélê tekuy yóm Tulusen yó, yó se gónó tekuy là bud lengayà tmaba du, “Mà.”

Sulat Pol Ebè Yó Kem Tau Hemtahu Bè Rom 8:9

Okóm kuy, là bud ye galak du ne yóm kuy knóyô ke deng nô bélê ye yóm Tulus Dwata tendo gónó ye galak. Okóm ke là nóen béléen yóm kun Tulus Krays yóm tau, là dengen kun tau Krays he yóm tau yó.

1 Kurin 4:17

Yó se gónóhu hógów ke Timuti edyó bélê ye anì hegtulónen bè nawa ye yóm kmò kekdolu bè nim lomi klowilu lemwót bè yóm deng kessotu nawahu bè Krays Jisas. Duhen ni se yóm alì gel toloku bè yó kem tau hemtahu bè ket benwu gel lanu. Nim Timuti monu ni, lómón ke du yóm hol ngau dumuhu sogot nawa lemwót bè kehtahu me, ne tey teneb nawahen.

1 Pitér 1:11

Bè yóm kehnagì le du, hnebel le ke kilón yóm angat kmò Dwata du, ne yóm mò angat kmoen du. Hol ni sem kmoen ni yóm tehe hetngónen kul yóm Tulus Krays nô bélê le. Eles hetngónen kul yóm keglayam yóm Krays, ne yóm kehegeta Dwata du bè kogolen.

Glasya 3:5

Deng tehe sù Dwata bélê ye yóm Tulusen, ne wen se yó kem hentaw ton gel nmoen lem blóng ye. Bè yóm kmoen du bélê ye ni kem ni, lemwót bè yóm klolò ye du yóm hlau kô? Là kô yó du. Kaem yó dé gónón lemwót bè yóm deng kungol ye du yóm Tulón Hyu ne yóm deng kehtahu ye du.

Flipay 1:18

Okóm là, mom hnigalu he yóm nmò le yó, syan dé ke hlós kehból le du yóm kun boluy Krays, kihu ke là hyu buten yóm kmò le du, duhen ke hyu. Ne là kóen mkó yóm kligalu