Flipay 1:17 - Udél Dwata: Gna Kesfasad ne Lomi Kesfasad

¹⁷ Yó kem dumu tau monu yó koni, là kóen lemwót bè but blutut le yóm kehból le du yóm boluy Krays, són olo tô ktes le yóm kegeta le. Ofo kul mon du ke bè yó gónóhen temnù ksidek kegnómu du bè nim knóu lem blanggù.

Flipay 1:17 Referans Kwoze

Flipay 2:3

Béen abay wen nmò ye ke mlan bè kehegeta knô, duhen ke mlan bè kehton dóyón. Okóm yó dé hyu ke heglaan ye bè kem dumu ye. Yó dé kmò kehedem ye kul, lu geta senta ye.

Flipay 1:7

Là kóen mkó bè nawahu yóm gel kehedemu kuy. Tey knóón ke lómón ni yóm kehedemu ebélê ye, yakà deng tendo gel tnóbóng ye o bè yóm tey kehyu deng hmò Dwata do. Balù nim knóu lem blanggù ni, ne bè yóm tehe gel kógówu mò mfi du yóm Tulón Hyu, ne mò tmolok du snéen, sana kem yó ne yóm gel któbóng ye dou.

2 Timuti 4:16

Bè yóm tanay kbalau yó kem tau kmukum dou, balù sotu ke wen mfi do, deng mom gotu sentagak le ou. Deng hnihu bè Dwata anì là snoloen du bélê le.

1 Timuti 2:7

Ni se gónó Dwata hógów dou mò tmolok yó kem dumu tau là Ju le anì hentahu le yóm ktahuhen. Hol tahu nim monu ni, là kô kéngu du.

Kul Nmò 26:24

Yóm igò Pol tolo mudél, tódô hetê Fistus, monen, “Lengel matahem yóm uu, Pol, abay se gedlug hennagiem.”

Kul Nmò 26:1

Omin Agripa mon du mò ke Pol, “Yó kun, bnalaem yóm tifù le kóm.” Tahu se, mdà Pol, bnalaen lu, monen,

Kul Nmò 22:1

“Yu kem dumuhu setwoli ne kem mau,” mon Pol, “hol hnungol ye balau du yóm tô nmò ye béléu ni.”

Kun Snulat Luk 21:14

Ne yó eles sù ye bè nawa ye,” monen, “bê ye tnafa nawa yóm angat kmò kbalà ye kul.

Sulat Pol Ebè Yó Kem Tau Hemtahu Bè Rom 2:8

Okóm yó kem tau són ktes le kul knóyô, kenbê le yóm hyu ne són nmò le yóm sidek, angat hotu Dwata eta le yóm tey sidek kebuten kul.

Flipay 1:18

Okóm là, mom hnigalu he yóm nmò le yó, syan dé ke hlós kehból le du yóm kun boluy Krays, kihu ke là hyu buten yóm kmò le du, duhen ke hyu. Ne là kóen mkó yóm kligalu

2 Timuti 2:9

Ne yó se lewóten nim gfau ni. Lómón kfét le dou tau monok. Ya mo kegfét le dou du, okóm là kô gfét le du kun yóm Udél Dwata.