Flipay 1:13 - Udél Dwata: Gna Kesfasad ne Lomi Kesfasad

¹³ Balù yóm kdéen sendalù yóm tau hol geta bè ni, dalang se yó kem dumu tau bè ni, gotu tngón le ou se sotu tóbóng lówó Krays, yó se but yóm gónóhu geblanggù.

Flipay 1:13 Referans Kwoze

2 Timuti 2:9

Ne yó se lewóten nim gfau ni. Lómón kfét le dou tau monok. Ya mo kegfét le dou du, okóm là kô gfét le du kun yóm Udél Dwata.

Ifisus 3:1

Yó gónóm mon, tey gel knihu bélê ye bè Dwata. Ou se Pol, yóm tau geblanggù lanu gel lemolò ke Krays Jisas, ne lanu gel tmolok lem blóng ye yu kem tau là Ju le.

Flipay 1:7

Là kóen mkó bè nawahu yóm gel kehedemu kuy. Tey knóón ke lómón ni yóm kehedemu ebélê ye, yakà deng tendo gel tnóbóng ye o bè yóm tey kehyu deng hmò Dwata do. Balù nim knóu lem blanggù ni, ne bè yóm tehe gel kógówu mò mfi du yóm Tulón Hyu, ne mò tmolok du snéen, sana kem yó ne yóm gel któbóng ye dou.

Ifisus 6:20

Yakà ni du gónó Dwata hógów dou, ne ni se yóm lewót gónóhu geblanggù. Hol hni ye ou anì là likoe mit du yóm Tulón Hyu deng sigang Dwata tahu.

Kul Nmò 26:29

Bud mon Pol se, “Kihu ke kendeli hemtahu ni, duhen ke nan legen he, hol hnihu uu bè Dwata, Sér, senged se ni kem dumu tau hmungol do ni, anì mkél ye béléu bè yóm dou kehtahu bè Jisas, syan ke là gbunù ye du ni dum kfét le dou kdina ni.”

Flipay 4:22

Tódô kdê ni kem tau Dwata bè ni, tey kul kólóm kuy snéen, hol néen ni kem tau mò nmò bè yóm gónô bong yóm tau hol geta bè klamangen.

Kul Nmò 28:30

Lewu halay Pol nô bè yóm gónô gónóhen nô, okóm gel bnayaden yóm knóen bè yó. Tey gel khódóhen yó kem tau mauy du.

Kul Nmò 28:20

Ni se gónóhu tminok kuy ni,” mon Pol, “anì hol tulónu kuy yóm ni. Bè ktahuhen, yó gónó le kemdina do lanu alì kemgel nawa yóm tau hendón nefet nawa yó kem tau Israél.”

Kul Nmò 28:17

Timbow deng tlu kdaw me bè yó, gotu tinok Pol yó kem Ju gel malak yó kem dumu le Ju bè Rom. Tikóng le gotu sbung, mon Pol mò kul, “Kem dou dumu tau Israél, balù yóm klaen dù salau bè yó kem dumu tekuy Ju, ne là se kô glafangu du yó kem adat lemwót bè yó kem tehe fù tekuy, tódô bnanggù le ou bè Jirusalim, tódô eted le o elem tdok yó kem tau Rom.

Kul Nmò 26:31

Timbow le kól bè lewà, stulón yó kem tau, mon le, “Laen kô duón gónón matay tau tu, duhen ke gónón geblanggù.”

Ifisus 4:1

Duhen ni, wen hlolou kuy, ou se yóm tau deng geblanggù lanu mò du yóm hmoen dou yóm gónó tekuy mogot. Bê kwit ye ktau ye, hol nmò ye sen yóm nmò seklóón ebè yó kem tau deng tnaba Dwata.

Flipay 1:30

Deng senged tekuy gemnóm du ne ni kmoen ni yóm keglayam lemwót bè kfi tekuy du. Deng tehe gel ton ye se yóm tehe keglayamu gna, ne efet ni là dengen mkó he, hol lómón se yóm gel gungol ye.