Filimun 1:8 - Udél Dwata: Gna Kesfasad ne Lomi Kesfasad

⁸ Yó gónóm mon, wen hol henkoduhu béléem. Bè nim henkoduhu béléem ni, gbeku tódô mdók kóm mò du lemwót bè yóm kesdumu te bè Krays.

Filimun 1:8 Referans Kwoze

1 Tisalunika 2:6

Là kô hendeen me du ke wen tau dmóyón kum, senged se ke yu duhen ke tau eddoli.

2 Kurin 10:8

Balù yóm deng tô kegedlug ktulónu du yóm kwen kwalis me lemwót bè yóm gónó tekuy mogot, laen kô gónóhu myak du se. Abay se nim kwalis me ni, yó muhen mò lan me hbegel kuy bè kehtahu ye. Là kô yó du muhen ke gónó me gembà kuy.

2 Kurin 3:12

Lemwót bè nim ken-gel nawa me ni, yó gónó me là lengayà bemkas du bélê ye yóm tulón nwit me.

1 Tisalunika 2:2

Ne tngón ye se yóm tehe kehsidek le kum ne kesedekà le kum yó kem tau bè Flipay gu laan me là deng kól bélê ye bè yó bè Tisalunika. Okóm baluen se yóm alì kwen fen tô hemseng kum, tey ketgel Dwata nawa me anì tulón me kuy yóm Tulón Hyu lemwót béléen.

Ifisus 5:4

Ne là kóen knóón bè kun tau Dwata ke là mólós ksumóngen. Bê tekuy nmò yóm kudél là madat, ne yóm hlowon sidek. Yake yóm udél gónón megdóyón Dwata yóm gel btang bè sumóng tekuy.

2 Kurin 11:21

Yó se gónó me myak bélê ye ni, abay se là mlos me mò du kum yóm kul nmò yó bè yóm tehe knô me lem blóng ye. Okóm ke sok wen gónó le heklabak yó kem tau yó, wen se gónóhu heklabak se dou. Hol kudél tau nungel nim kudélu ni.