Filimun 1:23 - Udél Dwata: Gna Kesfasad ne Lomi Kesfasad

²³ Ne ke Ipafras kun, yóm dumuhu geblanggù bè ni lanen lemolò ke Krays Jisas, tey gel kólómen kuy.

Filimun 1:23 Referans Kwoze

Kulasi 1:7

Nim tóbóng Dwata ni, deng tehe dnalang ye bè Ipafras yóm sotu tóbóng lówó Krays, kum dumu sogot nawa. Tey gulit bè yóm kmoen nmò bè Krays mò gónón tmóbóng kum bè yóm ktolok me bélê ye.

Sulat Pol Ebè Yó Kem Tau Hemtahu Bè Rom 16:7

Tulón ye do ke Andrunikus ne Juniyas yóm gel kólómu kul. Lu se hol dumuhu Ju. Tehe le mung geblanggù béléu ekni. Gna le se kul he hemtahu bè Krays, hulihe dou. Tey któtól boluy le lem blóng yó kem sfolò lewu deng nélék Jisas mò gel hógówen.

Kulasi 4:12

Tey gel kólóm Ipafras kuy snéen kun sotu tau lemwót dyó bélê ye, yóm sotu tóbóng lówó Krays Jisas. Tey gel knihen bélê ye bè Dwata anì hol hbegelen yóm kehtahu ye, ne anì hol gtukul ye yóm kun kóyô bélê ye Dwata ne anì hol gulit klolò ye du.

Kulasi 4:10

Tey gel kólóm Aristarkus kuy se kun, yóm dumuhu geblanggù bè ni. Dalang se ke Mark, yóm dumuhen setwoli Barnabas, tey gel kólómen kuy se kun. Kesok sut dyó bélê ye, hol hnódó ye, lómón se yóm tehe tulónu kuy.

Filimun 1:1

Ou se Pol gónóhen lemwót nim sulat ni, lewu me Timuti, yóm sotu dumu tekuy setwoli. Tauhe geblanggù se do lemwót bè yóm deng klolou ke Krays Jisas. Smulat me ebéléem, Wè Filimun, yóm sotu dumu me mò nmò bè Dwata.

Filimun 1:9

Okóm lemwót bè yóm kbong nawahu kóm, là kô dóku kóm, olohen wen hnihu béléem dé. Baluen se ke ou Pol, yóm deng hógów Krays Jisas, ne ni kmoen ni, tauhe geblanggù lemwót bè yóm klolou du.