Filimun 1:22 - Udél Dwata: Gna Kesfasad ne Lomi Kesfasad

²² Ne sotuhen, elesi hemtifes do yóm dfél mò angat gónóhu nô béléem dyó, abay se sónmou hemdón du ne yóm kbalà Dwata du yóm gel kni ye béléu anì gewae edyó bélê ye.

Filimun 1:22 Referans Kwoze

Flipay 2:24

Ne lemwót bè yóm ksaligu yóm gónó tekuy mogot, tódô tngónu là legenen bude mógów edyó lem blóng ye se dou.

2 Kurin 1:11

Tey mgel nawa me, abay se deng eles tngón me angat bud lenwaen mi he lemwót bè yóm gel kutóm ye kum bè yóm gel kni ye bè Dwata. Duhen yó, angat bnalà Dwata yóm tey kni ye bélê me yó, ne angat tey któbóngen kum. Ke ni se nmò Dwata, tey wen bélê ye gbót dmóyón du bè yóm któbóngen kum yó.

2 Jan 1:12

Tolo tey wen he duen yóm tô tulónu kuy, okóm là móyóe hemnô du lem sulat. Kóyóu ke géhél wen lan tekuy bud ston anì tódô tekuy stulón, ne anì hol gsengel yóm kligal tekuy.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Flipay 1:19

abay se tngónu angate gewà lan ye gel mutóm do bè kni ye, ne lan yóm Tulus Jisas Krays gel tmóbóng dou.

Kul Nmò 28:23

Tahu se, na le na bnuteng yóm bud kesbung le ebè Pol. Timbow hto yóm buteng le yó, ya tey kwen le bud sbung ebè yóm gónô gónó Pol nô. Tódô sendaw le nô bè yó lemwót hlafus kól kifu. Gotu tulón Pol kul yóm kmò kogot Dwata tau. Ne gel wen nwahen lemwót bè yóm hlau Musis, ne wen se gel nwahen bè udél yó kem gna tugod Dwata ekni mò gónón heglileb du bélê le yóm tulónen gbak ebè Jisas.

3 Jan 1:14

Kóyóu ke géhél wen lan te bud ston anì tódô te stulón.

Hibru 13:23

Sotu bud nóyô hetngónu kuy. Yóm Timuti, dumu tekuy setwoli, lomi hewà gu lem blanggù se kun. Ke géhél kól dini, hlós bud nitu bè yóm kógówu edyó bélê ye.

Hibru 13:19

Bê ye senkas gel mni béléu anì géhél wen lanu bud mulék ebélê ye.

Sulat Pol Ebè Yó Kem Tau Hemtahu Bè Rom 15:24

Tóe hlós ebè Spén, yóm benwu kem Kestilà, okóm naw hlun slob bélê ye bè yó bè Rom. Sok deng malù gsengel kegnómu du bè yóm kesegbótu bélê ye, yó he kehewót ye do.

Kul Nmò 27:24

Yó monen mò dou, monen, ‘Béi hlikò, Pol, nam na gemdà bè solu Sisar he. Lemwót bè yóm kkodu Dwata kóm, tódô gomong mowil béléem yó kem dumuhem nô lem kafal ni.’