Filimun 1:21 - Udél Dwata: Gna Kesfasad ne Lomi Kesfasad

²¹ Bè yóm kehwitu du ebéléem nim sulat ni, là kóen megewu nawahu du yóm kimónem do. Tódô tngónu msud senta yó hem hnihu yóm kóm kmò du dyó.

Filimun 1:21 Referans Kwoze

2 Tisalunika 3:4

Lemwót bè yóm gel któbóngen kuy, yó gónón mgel nawa me kuy. Tngón me deng nimón ye yó kem tehe hlolò me kuy, ne tngón me se tódô hlós yóm kimón ye yó.

2 Kurin 2:3

Yó se gónóhu tehe smulat du yóm gna sulatu ebélê ye, abay se kóyóu ke eles kó ye yóm sidek nmò ye anì là sidek kegnómu du sok bud nauyu yu. Abay se bélê ye gónón wen kligalu. Deng eles tódô tngónu ke hligale lem blóng ye, hligal ye snéen kuy.

2 Kurin 7:16

Béléu do, tey kligalu nim kmoen ni, abay se deng baling bud mgel nawahu kuy ne bè yóm kehtahu ye.

Glasya 5:10

Okóm bélê ye kuy, tolo mgel nawahu kuy. Lemwót bè yóm deng kessotu tekuy bè yóm gónó tekuy mogot, tódô tngónu là kô glolò ye du yóm tolok sekban yó. Nô kihu ne yóm tau sembeweg kuy bè yó, Dwata he tmafak du.

2 Kurin 8:22

Bè yóm kógów le Taytus edyó, bud wen hmung me kul, yóm sotu dumu tekuy hemtahu. Deng hónô gtanud me ne nim tau ni, ne són nawa tmóbóng ton me béléen. Milud he kóyóen tmóbóng nim kmoen ni abay se tey mgel nawahen kuy.

Sulat Pol Ebè Yó Kem Tau Hemtahu Bè Rom 2:19

Bè kuy kehedem du, yu fen malak yó kem tau butô ne yu henged layag yó kem tau tolo nô lem gónón kmifu,