Filimun 1:19 - Udél Dwata: Gna Kesfasad ne Lomi Kesfasad

¹⁹ Ngem tódô dou lan tdok smulat du nim nii: Ou Pol fen mayad du. Okóm, Wè, là dog nólómu du béléem yó dum tey kóm bayad béléu duhen yóm klowilem laen dù sónen.

Filimun 1:19 Referans Kwoze

Glasya 6:11

Dou lan tdok smulat du nim sfuhen ni. Hnénég ye dé yóm tey kebang lanu smulat.

Glasya 5:2

Hnungol ye dé, ou se Pol mon du nim ni. Ke htulì ye mò tô lan ye anì tedeng kton Dwata kuy, laen kô dù muhen bélê ye ilóu yóm katay Krays.

1 Kurin 4:15

Baluen ke sfolò libu tau gel tmóbóng kuy bè kehtahu ye, tek sotuhu yóm mà ye. Ou se yóm hol tanay tmulón du kuy yóm Tulón Hyu lemwót bè Dwata. Ne lemwót bè yóm deng kessotu ye bè Krays Jisas, yó gónó ye menmà béléu.

Taytus 1:4

Smulate ebéléem, Taytus, yóm hol ngau lemwót bè yóm kessotu nawa te bè kehtahu te. Yó hem Dwata yóm Mà tekuy, ne Krays Jisas yóm deng lemwà kut gu lem hatay, hol tendo tmóbóng kóm, ne tendo henek nawam.

1 Timuti 1:2

Smulate ebéléem, Timuti. Lómón ke deng hol ngau uu lemwót bè yóm kehtahu te. Yó hem Dwata, yóm Mà tekuy, dalang se yóm gónó tekuy mogot Jisas Krays tendo tmóbóng kóm, ne tendo kmodu kóm, ne tendo henek nawahem.

2 Kurin 3:2

Deng duhen yu se henged sulat deng hol nô bè nawa me mò gónó le dmilô kum yóm kdéen tau.

Tekang Kbuten 43:9

Tódô blayu klowilu béléen nim twolihu ni, ou gónóm smalig du. Ke wen gfaen ne ke là bud nwitu du ebéléem, ou dnuónem.

Sulat Pol Ebè Yó Kem Tau Hemtahu Bè Rom 16:22

Ou se Tértyus, yóm fen smulat du nim sulat Pol ni. Tey gel kólómu kuy se do, abay se ou sotu dumu ye setwoli bè kehtahu tekuy.

2 Kurin 9:4

Okóm ke wen tau mung dou gu dini bè prubinsya Masdunya bè yóm kógówu edyó, ne ke là deng wen hentifes ye, tey sidek kyak me bè yóm kegna kdóyónu kuy. Sotuhen, sidek kyak ye bélê le se kuy.

2 Kurin 10:1

Ou se Pol yóm mudél ebélê ye ni. Deng gungolu wen se bélê ye mon du kun, “Tey yóm Pol, gel mudél hdana ke nô bè ni. Kulel kehwiten udél des ke nô bè benwu mayuk.” Okóm bè nim gna udél hwitu ebélê ye ni, là desen, mom hlanu bè yóm tey kganag nawa Krays.

Filimun 1:18

Ke deng tehe wen sidek nmoen béléem, duhen ke wen utóngen béléem, ou he fen mayad du béléem.