Filimun 1:11 - Udél Dwata: Gna Kesfasad ne Lomi Kesfasad

¹¹ Yóm tehe knóen béléem ekni, lómón tô laen dù muhem du. Okóm ni kmoen ni, deng baling wen muhem du, ne dalang se do, wen muhu du snéen.

Filimun 1:11 Referans Kwoze

2 Timuti 4:11

Tek són Luk yóm gel dumuhu bè ni. Soki mógów edini, hol slobem dou Mark, wen tey gónón gemtóbóng dou bè ni.

1 Pitér 2:10

Tehe yu ekni, là kô ye tau Dwata se kuy, okóm ni kmoen ni, deng ye baling kun tau ne. Tehe là tngón ye du yóm kkoduhen kuy, okóm ni kmoen ni deng tngón ye ne.

Kun Snulat Luk 15:32

Bê tekuy tô là hligal, abay se yóm twolihem, lómón ke deng matay, okóm deng bud mowil. Deng tehe hlana, okóm deng bud hton.’ ”

Sulat Pol Ebè Yó Kem Tau Hemtahu Bè Rom 3:12

Deng gotu knogol le Dwata. Deng le gotu hetlas. Laen kô dù tau ke tedeng kmoen, balù sotu.

Kun Snulat Luk 17:10

Lómón se yó néen yóm kuy,” monen. “Ke sok deng gotu gdeng ye yóm deng hmò Dwata kuy, tódô mon ye, ‘Olo me kem tau hkawang gel dóken ni dum kum. Tódô nmò me yóm gel hmoen kum.’ ”

Kun Snulat Luk 15:24

Abay se nim ngau ni, lómón ke deng matay, okóm deng bud mowil. Deng tehe hlana, okóm deng bud hton.’ Ne tahu se, nbut le bè yó ne hligal.

Matyu 25:30

Bong yóm tau laen dù mu yó, tódô tudà ye etu bè lewà bè gónón alì kmifu, ne bè yó tendo gónón heslaf ne dmumu mkik sembéhé kakim.’ ”

Filimun 1:10

Ni se hol henkoduhu béléem, Wè, hol hnifótem Unisimus. Lemwót bè yóm deng kehtahuhen bè Krays, lómón ke hol ngau, yakà mlanen béléu yóm kehtahuhen bè yóm igou nô lem blanggù.

Filimun 1:12

Ne ni bud huléku edyó ebéléem, ne tey gmung nawahu du.