Dwata 9:9 - Udél Dwata: Gna Kesfasad ne Lomi Kesfasad

⁹ Yó se yóm kdaw tehe knóu ta Bulul Sinay bè yóm naw e kangay yó kem botu kufil gónó Dwata smulat yó kem hlauhen kuy, yóm deng senfasad ye Dwata. Botong fat folò butengu nô bè yó, balù udì ke mkene duhen ke minume.

Dwata 9:9 Referans Kwoze

Kehewà 34:28

Botong fat folò buteng yóm knô Musis bè yó bè Dwata ne là kóen mken bè yóm knóen bè yó ne là se kóen minum. Gotu snulaten bè yó kem botu kufil yó kem sfolò hlau Dwata kul bè yóm kesfasad le. Yó kem hlau yó, deng fasad yó kem tau Israél ke Dwata yóm kimón le du.

Kehewà 24:18

Omin Musis bud mneged ne tódô husek elem yóm lobun. Botong fat folò butengen nô ditu lemen. Là gomongen bè nili tsaptér 25 efet kól bè tsaptér 30. Hono hlolò Dwata ke Musis bè yóm tehe khuseken elem tum lobun ditu ta tfusù bulul gónó Dwata nô. Yó hlolò Dwata du, yóm kmò kehdà le du yóm kun Gónô ne mò kmò le du yó kem ngom nô lemen. Tulónen snéen yóm kul kmò knes yó kem tau gel blóng le ebè Dwata ne yóm kmò kehetfing le kul ebè Dwata.

1 Bok Kem Tau Hol Geta 19:8

Tahu se, btik Ilaydya, bud mken ne minum. Lemwót bè yóm deng kkenen gónón kemgis mógów lem yóm fat folò butengen etu bè Bulul Sinay yóm bulul Dwata.

Kehewà 24:15

Omin le Musis mneged eta yóm Bulul Sinay ne wen lobun lememek eta tfusuen.

Kehewà 24:12

Sotu kdaw, yó bud mon Dwata mò ke Musis, “Budi mneged edini béléu ta bulul, nahem na legen bè ni. Bè yóm igoem nô bè ni wen lewu botu kufil blayu kóm, botu gónóhu deng smulat yó kem hlolou yó kem tau Israél.”

Matyu 4:2

Botong fat folò buteng Jisas là mken, ya tey sidek kbitilen.

Dwata 9:18

Ominen yó, bude mneged ebè Dwata ne fat folò butengu lemfen bè soluhen, balù udì ke mkene duhen ke minume. Yó gónóhu mò du yóm yó lemwót bè yóm deng kegsalà ye bè yóm kmò ye du yóm kenbê Dwata ne deng mom hebut ye Dwata.

Glasya 4:24

Ni kem lewu libun ni, sal wen henléden. Yó henléden, duhen yóm lewu kesfasad nmò Dwata mò lan tau hloni ebéléen. Yóm libun hesek boluyen Hagar, hono hesek yó kem kun ngà. Yó henléden yóm Hagar, duhen yóm hlau tehe blay Dwata ke Musis bè bulul Sinay.

2 Bok Kem Tau Hol Geta 6:22

Bnalà Ilaysa se, monen, “Bê, béem hnatay lu. Ilóem tô hnatayem yóm tau deng gekfô bè gida? Là gi. Benlay ye lu ken dé, ne hinum ye lu, omin ye hulék kul ebè tum tau hol geta bélê le.”

Dwata 9:15

Tahu se, mosole, nwitu yóm lewu botu kufil gónóhen nô yóm deng senfasad tekuy Dwata. Lel yóm tey dilóf ofi mkal ta yóm bulul yó.

Kehewà 31:18

Timbow deng kudél Dwata ebè Musis ditu ta tfusù yóm Bulul Sinay, ominen bemlay du ke Musis yóm lewu botu kufil gónóhen deng smulat yó kem sfolò hlauhen kul. Tódô Dwata smulat du yó kem hlau yó.

Hibru 9:4

Wen lemisa lenafin blówón nô lemen mò gónó le gel mtem ebè Dwata yóm alì minggel boohen boluyen insinsu. Ne wen slungan bong lenafin blówón nô lemen snéen. Yó boluy le du, slungan gónón nô yóm fasad Dwata. Wen sotu sobuy blówón nô lemen gónó le hemyu du yóm tehe ken le ekni boluyen mana. Ne sotu bud nô lemen, yóm tehe tuged Aron, yóm tuged tehe tódô dmoun. Ne bud nô lemen snéen yóm lewu botu kufil gónó Dwata tehe smulat du yó kem hlauhen kul.

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

Dwata 9:11

Bè hol són yóm fat folò butengu nô ta Bulul Sinay, blay Dwata dou yóm lewu botu kufil deng gónón smulat yó kem hlauhen tekuy, yóm deng senfasad ye Dwata.

Kehewà 32:1

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”