Dwata 9:7 - Udél Dwata: Gna Kesfasad ne Lomi Kesfasad

⁷ Bê ye abay klifót yóm tehe kehefebut ye ke Dwata yóm kuy Dwata hol gónó mogot, ditu bè yóm benwu laen hol wen tauhen. Tódô lenwóten bè yóm kdaw ktebel ye yóm benwu Idyip efet ye gefet dini, yó ne yóm tendo ksonol ye ke Dwata.

Dwata 9:7 Referans Kwoze

Lista 21:5

ne wen udél le eta Dwata ne eta Musis. “Moen du ke tehe nwitem mi hewà gu bè Idyip anì matay me bè nim benwu laen hol wen tauhen ni, benwu laen dù kenen ne laen dù élen? Là bud gehlo me du ne nim ken mana là mnóm ni.”

Kehewà 16:2

Bè yó bè yóm benwu laen hol wen tauhen gotu le tmalaw ebè le Musis ne Aron yó kem tau,

Kehewà 14:11

Yó mon le mò ke Musis, “Ni kô gónóm mit kum ebè nim benwu laen hol wen tauhen anì bè ni gónó me matay abay se laen dù gónó me lebeng bè Idyip? Hnénégem dé yóm nmoem bélê me bè yóm deng kwitem kum hewà gu bè Idyip.

Lista 25:2

Yó nmò yó kem libun Muab yó, tinok le yó kem logi Israél anì gbót le mken bélê le bè yóm ken dsù le ebè yó kem kul dwata lennged kem tau Muab. Tahu se, gbót le mken yó kem tau Israél ne mung le tmaba ebè kul dwata lennged boluyen Baal bè yó bè Piyor.

Lista 11:4

Bè yóm kehewà le gu bè Idyip yó kem tau Israél, wen kem tólóng tau mung kul. Tey sidek kélék lihol le. Ne balù yó kem tau Israél gbót le tmalaw se kul, yó mon le, “Yake wen utón tekuy dé ni.

Ifisus 2:11

Yu kem tau là Ju le, bê ye klifót yóm tehe kuy kmò ekni. Là kô ye semfu bè kem tau Ju se kuy, ne gel taba le kuy kem tau là tnulì. Tey kehegmón le du yóm deng ktulì le yó, igoen tek olon mlan te kulit kmò le du, là kóen mlan bè but blutut le.

1 Kurin 15:9

Yakà ou du yóm alì glaan bè yó kem tau gel hógów Krays. Là kóen knóón béléu ke tnaba le o sotu bè yó kem gel hógówen, bà mon se yóm tey tehe alì gel kehsideku yó kem tau hemtahu bè Dwata.

Isikél 36:31

Omin ye yó he hemdem du yóm tehe salà ye ne botong nsel ye knô ye bè kdê yó kem sidek deng gel nmò ye.

Dwata 31:27

Deng eles tngónu yóm tey kgel kulu ye ne yóm là kimón ye ke Dwata. Balù ni hem tolo knóu lem blóng ye, sana là kimón ye ke Dwata. Ne milud he kmò ye du ke denge matay.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Kehewà 17:2

Gotu le tmalaw ebè Musis yó kem tau, mon le mò du, “Hol benlayem mi él mò ninum me.” Mon Musis se mò kul, “Moen de ke sónmò ye tmalaw? Moen de ke mom tô tnilów ye Dwata?”

Kehewà 14:10

Timbow le temngel semfulék yó kem tau Israél, tódô ton le Faro ne yó kem tey sendaluen móyón gdofì bélê le. Ya tey sidek klikò le ne tey ktaba le ebè DWATA mni le tóbóng béléen.

Kehewà 23:21

Hol hnungol ye yóm hógówu tukô gna kuy yó ne hol nimón ye. Hol bê ye abay tô natù, yakà dou boluy du yóm nwiten. Là kô hnifóten du yóm tau tô matù du.

Lista 14:22

Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do.

Lista 17:10

Mon Dwata mò ke Musis, “Bud hulékem bè solu yóm Slungan Fasad yóm kun tuged Aron. Yó se hlós mò eles gónó le temgama yó kem tau Israél alì smonol do. Song gónó le là matay ke tenflok le yóm alì ktalaw le.”

Dwata 9:4

Ke deng gotu lo Dwata lu bélê ye yó kem tau yó, hol bê ye abay tô hendem ke yó gónó Dwata mit kuy ebè yóm tonok yó nan e hfun kuy lemwót bè yóm tey ktedeng nmò ye. Là kô yó du. Kaem yó gónó Dwata mlo kul yó kem tau yó abay se hono kem tau mò sidek.

Dwata 9:24

Tódô lenwóten bè yóm hol kbut kdilóu kuy yóm ksonol ye ke Dwata.

Jirimaya 32:30

Yó kem tau bè Israél ne tau bè Juda tódô lemwót bè kbuten laen kô dù dumu nmò le són sidek. Deng hebut le ou bè yó kem sidek gel nmò le,” mon Dwata.