Dwata 9:6 - Udél Dwata: Gna Kesfasad ne Lomi Kesfasad

⁶ Ni mò hol hendem ye, là kô yó du gónó Dwata bemlay du kuy yóm tonok yó ke mlan bè ktedeng nmò ye. Bè ktahuhen, yu se yó kem tau alì mgel kuluhen.

Dwata 9:6 Referans Kwoze

Dwata 10:16

Yó gónóm mon, hol hfun ye ke Dwata klowil ye, bê ye abay bud hgel kulu ye.

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Dwata 31:27

Deng eles tngónu yóm tey kgel kulu ye ne yóm là kimón ye ke Dwata. Balù ni hem tolo knóu lem blóng ye, sana là kimón ye ke Dwata. Ne milud he kmò ye du ke denge matay.

Dwata 9:13

Ne yó bud udél Dwata ebéléu, monen, ‘Deng eles tngónu yóm alì kgel kulu le ni kem tau ni.

Kehewà 32:9

Deng tngónu tey mgel kulu le ni kem tau ni.

Isikél 2:4

Hono kem tau mgel kulu. Okóm hógówu uu ebélê le nam e tulón kul, monem, ‘Ni se udélen ebélê ye yóm sana Dwata hol dandónen geta.’

Kem Lingón 78:8

Ke lómón ni, là mkél le bè yó kem fù le, kem tau mgel kulu, ne là nimón le ke Dwata, là mbegelen yóm klolò le ke Dwata, ne là kô le teneb béléen.

2 Tutul Israél 36:13

Sotuhen, mom natuen Nibukadnisar yóm tau hol geta bè Babilun, igoen tehe hsafà du hlanen bè boluy Dwata anì là smonolen. Tey mgel kuluhen nim Sidikaya ni, là kóen móyô semfulék ebè Dwata yóm sana kul Dwata hol gónó mogot yó kem tau Israél.

2 Tutul Israél 30:8

Bê ye hgel kulu ye, lómón yóm tehe kul kgel kulu, okóm nimón ye Dwata. Mógów ye ebè kun Gónô yóm deng hetfingen, ne deng hólósen laen kô dù tul sónen. Tmaba ye ebè yóm sana kuy Dwata hol gónó mogot anì mkó ta ye yóm tey kebuten kuy.

Kehewà 34:9

Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”

Kehewà 33:3

Yóm benwu gónó ye e solu ni, tey hyu tonoken ne tey mabù huluhen. Okóm là munge kuy dou, abay se tey mgel kulu ye ne déke mom genlau yu bè lan.”

Isikél 36:22

Yó gónóm mon, hol tulónem bè yó kem tau Israél yóm udél yóm sana Dwata hol dandónen geta, yó monen, Angat bud nitu yu semfulék ebè yóm kuy benwu, okóm là lemwóten bè yóm hyu gel nmò ye. Yó gónóhu bud mit kuy semfulék, abay se là móyóe du ke gbà yóm dou boluy, yóm boluy deng gomong myak bélê ye bè yó kem benwu deng gónó ye e sekla.

Dwata 9:24

Tódô lenwóten bè yóm hol kbut kdilóu kuy yóm ksonol ye ke Dwata.