Dwata 9:4 - Udél Dwata: Gna Kesfasad ne Lomi Kesfasad

⁴ Ke deng gotu lo Dwata lu bélê ye yó kem tau yó, hol bê ye abay tô hendem ke yó gónó Dwata mit kuy ebè yóm tonok yó nan e hfun kuy lemwót bè yóm tey ktedeng nmò ye. Là kô yó du. Kaem yó gónó Dwata mlo kul yó kem tau yó abay se hono kem tau mò sidek.

Dwata 9:4 Referans Kwoze

Dwata 8:17

Yó gónóm mon, hol bê ye abay hendem ke deng lemwót bè kfasang ye ne bè kgis ye yóm kwen kendengen ye.

2 Timuti 1:9

Deng lenwà Dwata tu gu lem hatay, ne tnabahen tu anì baling te kun tau. Sundu ke bè yóm hyu deng nmò te gónón lemwà kut, kaem tódô lemwót bè yóm kun kóyô tmóbóng kut. Yóm któbóngen kut yó, hlanen bè Krays Jisas gu laanen là deng dmimun du nim benwu ni.

Dwata 9:5

Là kô yó du gónó Dwata hemlus du kuy nim tonok ni ke mlan bè kehyu kmò ye ne bè kmò ye yóm tedeng. Yó dé gónón mlo kul lemwót bè yóm tendo kmò le sidek ne lemwót bè yóm tehe fasaden yó kem tehe fù ye le Abraham ne Isak ne Jakub.

1 Kurin 4:7

Ilóem kmon ye ke geta ye senta yó kem dumu ye hemtahu. Wen kô tódô kun kenhulung yóm tau ke là lemwóten bè Dwata? Ke lómón yó, moen de ke tô nit ye hegmón yóm deng blay Dwata kuy?

Sulat Pol Ebè Yó Kem Tau Hemtahu Bè Rom 11:6

Tódô lemwót bè kun nawa Dwata gónón mélék kul, là kóen lemwót bè yóm kul gel nmò. Ke yó gónó Dwata mélék kul lemwót bè yóm gel nmò le, là kô gbek tekuy moluy du tóbóng yóm nmò Dwata yó.

Dwata 12:31

Hol bê ye abay heskél bè yóm kul kmò gel ktaba ebè yó kem kul dwata yóm kuy kmò ktaba ebè yóm sana kuy Dwata hol gónó mogot. Yakà yóm kul ktaba ebè yó kem kul dwata, gotu nmò le yó kem sidek alì kenbê Dwata. Balù ngà le, gbek le demsù du ta yóm ofi nô bè yó kem gónó le gel demsù.

Tekang Kbuten 15:16

Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”

1 Kurin 4:4

Bè kehedemu du yóm dou kmò, laen kô dù tngónu ke wen gónóhu là gulit. Okóm bà yó he, là kô tngónu du ke hol gulit ktonen ou yóm gónóhu mogot. Tódô du he yóm angat kmukum dou.

Sulat Pol Ebè Yó Kem Tau Hemtahu Bè Rom 11:20

Tahu se yóm mon ye yó. Yó gónó Dwata mtok kul abay se lemwót bè là kehtahu le. Ne yó gónó ye tles tmowok bè yó se kuy, lan ye hemtahu. Okóm bê ye nit hegmón, eles ye temgama se kuy.

Isikél 36:32

Hol bê ye abay klifót yóm deng tulónu kuy, udél yóm sana Dwata hol dandónen geta. Sundu yó gónóhu mò du nim ni ke lemwót bè yóm hyu deng nmò ye. Ó kem tau Israél, yake hol ye hyak bè yóm gel kmò ye sidek.

Isikél 36:22

Yó gónóm mon, hol tulónem bè yó kem tau Israél yóm udél yóm sana Dwata hol dandónen geta, yó monen, Angat bud nitu yu semfulék ebè yóm kuy benwu, okóm là lemwóten bè yóm hyu gel nmò ye. Yó gónóhu bud mit kuy semfulék, abay se là móyóe du ke gbà yóm dou boluy, yóm boluy deng gomong myak bélê ye bè yó kem benwu deng gónó ye e sekla.

Dwata 9:7

Bê ye abay klifót yóm tehe kehefebut ye ke Dwata yóm kuy Dwata hol gónó mogot, ditu bè yóm benwu laen hol wen tauhen. Tódô lenwóten bè yóm kdaw ktebel ye yóm benwu Idyip efet ye gefet dini, yó ne yóm tendo ksonol ye ke Dwata.

Dwata 9:24

Tódô lenwóten bè yóm hol kbut kdilóu kuy yóm ksonol ye ke Dwata.

Dwata 31:27

Deng eles tngónu yóm tey kgel kulu ye ne yóm là kimón ye ke Dwata. Balù ni hem tolo knóu lem blóng ye, sana là kimón ye ke Dwata. Ne milud he kmò ye du ke denge matay.