Dwata 9:3 - Udél Dwata: Gna Kesfasad ne Lomi Kesfasad

³ Okóm ni deng tódô ton mata ye, fen tukô gna kuy yóm sana kuy Dwata hol gónó mogot. Hol lómón kmoen ke dmilóf ofi, gotu himoten kdéen. Laen kô dù gmò le. Duhen yó bè yóm kógów ye, mahil bélê ye mlo kul ne kendel gemlà kul lómón yóm deng fasad Dwata kuy.

Dwata 9:3 Referans Kwoze

Dwata 4:24

abay se yóm sana kuy Dwata hol gónó mogot, tey sidek kélés nawahen du ke tólóng dwata tnaba ye. Yóm kebuten hol lómón ke dilóf ofi, tódô himoten kdéen.

Hibru 12:29

abay se yóm Dwata tekuy, ke wen tnafaken, hol lómón ke mken yóm tey ofi.

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Juswa 3:11

Ngem bè yóm kifal ye Él Jurdan eles tukô gna kuy yóm Slungan Fasad yóm Slungan yóm sana kuy Dwata hol gónó mogot mfun yóm klamangen.

Mika 2:13

Angat hennas Dwata yóm lanen mit kul hewà gu bè yó kem benwu gónó le tehe e megef kul. Angat nwiten lu hewà gu bè yóm bak tikeb yóm syudad yó anì mulék le ebè yóm hol kul benwu. Yóm geta bélê le, duhen yóm sana Dwata hol gónó mogot, du se yóm tukô gna kul.

2 Tisalunika 1:8

Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.

Juswa 3:14

Uma kóm bè yóm kdaw yó, kdaw muta ne tolo dmunuk yóm él. Bè yóm ktagak le kamfù le yó kem tau Israél anì na le e nifal yóm Él Jurdan, fen le tukô gna kul yó kem tau gel blóng ebè Dwata fen mit yóm Slungan Fasad. Hol le se mdà lem él yó kem tau fen mit yóm Slungan Fasad,

Ifisus 5:17

Bê ye hungel dé. Hol hnebel ye yóm kóyóen bélê ye yóm gónó ye mogot.

Mark 7:14

Ne bud senbung Jisas ebéléen yó kem tey tau wen, ne monen mò kul, “Hol hnungol ye nim monu ni, yóm kdê ye, anì tngón ye.

Matyu 15:10

Ne bud senbung Jisas ebéléen yó kem tey tau wen, monen mò kul, “Ni hol hnungol ye anì tngón ye.

Isaya 33:14

Yó kem tau gel mò sidek bè Sayun, tey sidek kesetbol kkel le lemwót bè yóm tey alì klikò le. Yó udél le, “Yóm kkukum Dwata tekuy hol lómón ke dilóf ofi laen dù tul katayen. Laen kô dù bélê tekuy bud mowil du yóm ofi lómónen yó.”

Isaya 27:4

Là bud lenbutu du yó kem huluhu. Ke wen tonu ngà koyu semnual duhen ke wen kluon semnual tô hemsidek du, tódô gotu ntemu lu he.

Dwata 9:6

Ni mò hol hendem ye, là kô yó du gónó Dwata bemlay du kuy yóm tonok yó ke mlan bè ktedeng nmò ye. Bè ktahuhen, yu se yó kem tau alì mgel kuluhen.

Dwata 7:16

Gotu genlà ye lu yó kem but tau deng sù Dwata lem tdok ye ne hol bê ye abay knodu lu. Ne hol bê ye abay tmaba ebè yó kem dwata le abay se bè yó gónó ye gholot.

Kmukum 4:14

Yó udél Dibura ebè Barak, monen, “Lemwóti ne. Deng eles tukô gna kóm yóm sana Dwata hol gónó tekuy mogot. Kemdaw ni hegmoen uu bè Sisira.” Tahu se, mosol gu ta Bulul Tabur Barak ebè yóm gónó le sfatay, mung du yóm sfolò libu kem sendaluen.

Kehewà 23:23

Yóm hógówu gu bè longit eles tukô gna kuy ne nwiten yu ebè yóm benwu gónó le nô yó kem tau Amurayt ne yó kem tau Hitayt ne yó kem tau Pirisayt ne yó kem tau Kananayt ne yó kem tau Hibayt ne yó kem tau Jibusayt. Ne yó angat nmou bélê le ni kem tau ni angat gotu genlau lu.

Dwata 7:22

Ke deng ye kól ta yóm tonok blayen kuy, angat fen ninut lohen lu bélê ye yó kem tau gel knikò ye. Là hyuhen ke tódô sulék genlà ye lu abay se ke sulék genlà ye lu, ngem, gotu le mból yó kem ógóf lóbô lem bnes ne bè yó se gónó ye glayam.