Dwata 9:29 - Udél Dwata: Gna Kesfasad ne Lomi Kesfasad

²⁹ Okóm bè ktahuhen, igò sem lu du yó kem tau deng nélékem mò hol kóm tau ne deng hewaem lu gu bè Idyip mlan bè yóm tey kegbekem ne bè yóm tey kgisem.’ ”

Dwata 9:29 Referans Kwoze

Nihimaya 1:10

Ó Dwata, hono kem tau tóbóng lówóhem se yó kem tau Israél monem yó, hono kem kóm tau. Deng tehe hewaem lu mlan bè yóm tey kfasangem ne bè yóm tey kgisem.

1 Bok Kem Tau Hol Geta 8:51

yakà lu du yó kem kóm tau, kóm tau deng nfun, kem tau deng hewaem gu bè Idyip, yóm benwu gónó le alì glayam.

Dwata 9:26

Yó nmou, mnihe bè Dwata, monu, ‘Ó Dwata, yóm hol dandónen geta mogot yóm klamangen, hol béem abay genlà lu yó kem kóm tau, yó kem tau deng hewaem gu bè Idyip mlan bè yóm tey kgisem ne bè yóm tey kegbekem.

Dwata 4:34

Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.

Kem Lingón 95:7

Du se yóm kut Dwata, tekuy se kem tau sen-gyoken, lómón ke ubiha gel hótóben. Hol hnungol tekuy kemdaw ni yóm udél Dwata ebélê tekuy, yó monen,

Dwata 4:20

Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Isaya 63:19

Yóm kmoem ebélê me ni, hol lómón ke là uu du yóm gónó me gel galak lemwót bè kbuten. Hol lómón ke là tauhem kum lemwót bè kbuten.

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

1 Bok Kem Tau Hol Geta 8:15

“Hol dóyón tekuy Dwata, yóm kum Dwata kem tau Israél. Deng dnohoen yóm tehe fasaden ke mau Dabid bè yóm tehe kmonen du mò du,

Kehewà 33:13

Ke hyu se nawam ebéléu tulónem dou sen yóm atulem anì hol temnù yóm ketngónu kóm ne henlósu mò du yóm gónón hyu nawam ebéléu. Béem klifót snéen, deng nélékem ni kem tau ni mò hol kóm.”

Kehewà 34:9

Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”

Kem Lingón 28:9

Ó Dwata, hol hewaem yó kem kóm tau. Tnóbóngem yó kem tau Israél, kem tau deng kóm nfun. Nalakem lu lómón yóm tau semgyok ubiha, ne laen kô dù tul sónen yóm ksiwihem kul yó.

Kem Lingón 77:15

Deng tehe nsokem yó kem kóm tau lemwót bè yóm tey kekgisem, lu se yó kem tau sfu tehe Jakub ne sfu tehe Jusif.

Kem Lingón 106:40

Yó se gónó Dwata alì lembut kul yó kem tauhen, ne tey kutó nawahen kul yó kem kun tau deng nfun.

Kem Lingón 136:12

Hewaen lu lemwót bè yóm tey kgisen. Laen kô dù tul sónen yóm kbong nawahen tekuy là monolen.

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kehewà 19:5

Ne ni ke nimón ye ou yóm sana Dwata hol gónó ye mogot, ne ke là klifót ye du yóm deng senfasad tekuy, baling ye mò dou tau. Yóm klamangen benwu, dou funen okóm yu se yó kem dou tau nélék,

Dwata 9:12

Omin Dwata mon du mò dou, ‘Géhéli mosol abay se yó kem tauhem deng nalakem gu bè Idyip, deng le gotu mò sidek. Deng sana knogol le yóm dou hlau kul ne deng wen dwata lenbù nmò le mò gónó le e tmaba.’

Dwata 32:9

Yakà deng néléken du yó kem sfu Jakub mò kun nfun.

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.