Dwata 9:27 - Udél Dwata: Gna Kesfasad ne Lomi Kesfasad

²⁷ Béem abay bud hendem bélê le ne yóm alì kgel kulu le ni kem tau ni ne yóm tey kmò le sidek. Yó dé hendemem yóm le tehe Abraham ne Isak ne Jakub, yó kem tau tóbóng lówóhem.

Dwata 9:27 Referans Kwoze

Jirimaya 14:21

Béem tódô bayà mi, Dwata, anì là myaken yóm kóm boluy. Béem mom kenbê mi, Dwata. Béem abay henyak yóm benwu Jirusalim, yóm benwu gónón nô yóm hol gónóm myón kmamal. Béem abay genbà yóm deng tehe senfasad tekuy, hol béem abay tódô bayà mi.

Kem Udél Hlalak Tehe Selumun 21:12

Dwata se yóm temngón du yóm kun gmónô yóm tau gel mò sidek ne bud du se heglà kul.

Kem Lingón 78:8

Ke lómón ni, là mkél le bè yó kem fù le, kem tau mgel kulu, ne là nimón le ke Dwata, là mbegelen yóm klolò le ke Dwata, ne là kô le teneb béléen.

1 Samwél 25:25

Hol béem abay snolò do yóm tey sidek nmò Nabal. Wen ungelen, yó se lan yóm boluyen. Okóm yóm kógów le ebélê me yó kem tau dókem, là kô tonu kul.

Kehewà 32:13

Hendemem dé yóm tehe fasad mget nmoem bè yó kem tau tehe tóbóng lówóhem ekni le Abraham ne Isak ne Jakub. Yó tehe fasadem kul, laen dù tul sónen yóm keblayem kul ból lómó kwen le blotik bè longit ne yóm angat keblayem du bè yó kem ból le yóm tonok mò hlós nfun le.”

Kehewà 3:16

Lemwóti ne, nam e sentifun yó kem tau gónó le mogot yó kem tau Israél ne tulónem kul yóm deng kehegfanu béléem, yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Tulónem kul yóm deng knaulu edini ne yóm deng ktonu du yóm nmò le bélê le yó kem tau Idyip.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Tekang Kbuten 19:29

Okóm bè yóm keglà Dwata yó kem syudad nô bè yóm datal gónón menwu Lat, là homongen ke Lat abay se là klifóten du yóm hni Abraham béléen.

Dwata 9:26

Yó nmou, mnihe bè Dwata, monu, ‘Ó Dwata, yóm hol dandónen geta mogot yóm klamangen, hol béem abay genlà lu yó kem kóm tau, yó kem tau deng hewaem gu bè Idyip mlan bè yóm tey kgisem ne bè yóm tey kegbekem.

Dwata 9:28

Ke genlaem lu, ngem kà mon le du yó kem tau Idyip, là gbek Dwata mit kul ebè yóm tonok deng fasaden kul yó kem kun tau. Duhen ke mon le, yó gónó Dwata mit kul ebè yóm benwu laen hol wen tauhen yó kem kun tau anì gotu hnatayen lu bè yó abay se tey kutó nawahen kul.

Kem Lingón 130:3

Ke nawam smolò du yó kem salà nmò me, balù sotu bélê me ke gewà gu lem tafakem.