Dwata 9:22 - Udél Dwata: Gna Kesfasad ne Lomi Kesfasad

²² Sotuhen, bè yóm tehe knô ye bè Tabira ne bè Masa ne bè Kibrut-hataba, bud tey kehebut ye ke Dwata.

Dwata 9:22 Referans Kwoze

Lista 11:34

Ne yó gónó le moluy du Kibrut Hataba yóm benwu yó. Yó lanen yóm udél yó, “Gónó lembeng yó kem tau mélék lihol le,” abay se bè yó gónó le lembeng kul yó kem tau alì mélék lihol le.

Kehewà 17:7

Yó hlós boluy le du yóm benwu yó Masa ne Miriba abay se sónmò le tmalaw yó kem tau ne tnilów le Dwata yóm kmon le du, “Nô bélê tekuy Dwata kô ni, duhen ke là?”

Lista 16:46

Ne yó mon Musis mò ke Aron, “Nahem yóm gónóm gel hemsù ofi, suem lemen yóm bala ofi lemwót bè yóm gónó le gel demsù ne bnulusem insinsu. Géhél hetlasik nwitem elem blóng yó kem tau ne nmoem lem blóng le yóm sana gel nmoem bè khólós tau anì mólós le bè kton Dwata kul. Hetlasiki, abay se deng sut yóm lebut Dwata ne deng wen des mekto sut lem blóng le.”

Kem Lingón 78:17

Okóm yó kem fù tekuy, mom henlós le mò salà, là kô nimón le du yóm Hol Dandónen Geta bè yóm benwu laen hol wen tauhen.

Kehewà 17:2

Gotu le tmalaw ebè Musis yó kem tau, mon le mò du, “Hol benlayem mi él mò ninum me.” Mon Musis se mò kul, “Moen de ke sónmò ye tmalaw? Moen de ke mom tô tnilów ye Dwata?”

Dwata 33:8

Yó udél Musis gbak ebè yó kem sfu Libay, monen, “Ó Dwata, deng gel hegfanem yóm kóm kóyô bè yó kem sfu Libay mlan bè yóm atù boluyen Urim ne Tumim. Lu se yó kem tóbóng lówóhem là monol nawa le ebéléem. Deng tehe tnilówem lu ditu bè Masa ne bud tonem se yóm tey kgulit le ditu bè yó kem él bè Miriba.