Biblia Todo Logo
Bib sou entènèt

- Piblisite -




Dwata 9:2 - Udél Dwata: Gna Kesfasad ne Lomi Kesfasad

2 Yó kem tauhen, tey le tahà ne tey le kemgis, hono kem tau lembang. Ne deng gel gungol ye se yóm gel mon le, laen kô na a gembek kul.

Gade chapit la Kopi




Dwata 9:2
16 Referans Kwoze  

Lolò le e mool mius le bè yóm benwu boluyen Négéb efet le kól bè Hibron, yóm benwu gónó le menwu yó kem sfu Anak, le Ahiman ne Sisay ne Talmay. (Yóm benwu Hibron yó, deng hitu halayen ne mdà gu laanen là deng mdà yóm syudad Suan yóm syudad yó kem tau Idyip.)


Ke wen lenbuten, tau du de gembek mdà bè soluhen? Tau du de bud mowil bè yóm tey kebuten? Yóm kebuten yó, hol lómón ke mkal yóm tey dilóf ofi, botong lemusok bè soluhen yó kem léhék.


Yóm ubiha tonu yó, kihu glebeten gotu snukóten. Tódô lemwót mlóy smoduk nan e mundug etu fi desdef, ominen bud smoduk nan e mundug etu mool, ominen bud smoduk nan e mundug e subô. Yó kem nundugen yó, là kô le gemmò béléen ne là kô wen tô mlos tmóbóng kul yó kem hensideken. Tódô beyen mò du yóm kun knóyô, mom temnù kfasangen.


Balù yó kem tau hol geta bélê le, bud gotu hnatay ye lu ne laen dù bud hemtulón kul nawa. Laen kô dù tau gembek hemseng kuy, gotu himot hnatay ye lu yóm kdê le.


Gotu ton me snéen yó kem ból Anak, yó kem tau alì lembang lel le tahà. Bè yóm kton me kul, lómón kegnóm me du lómón ke tek kebang me kfadang. Ne déke lómón yó se yóm kul kton kum.”


Okóm yó kem tau menwu ditu, tey le setgel ne tey lamang yó kem syudad le ne hono mbegel yó kem beng hilol le. Yó alì sidek du yóm ton me duhen yó kem ból Anak, hono kem tau alì lembang lel le tahà.


Yó kem tau demwata, là kô le bud hegfan ebè le Musis, bà mon tódô tfeng lówó le hisa lómón yóm kul hisa yó kem dumu tau Idyip.


Lómón yó se yóm là kimón le do yó kem dou tau, igoen ou yóm tehe tmóbóng kul. Gu laan le là deng kól bè yóm benwu blayu kul yó kem dou tau, ou se tehe gemlà kul yó kem tau Amurayt nô bè yó, kem tau alì tahà lómó ktahà le koyu sidar ne lómón ke lu yóm koyu alì mtétél bè kdéen. Okóm sulék genlau lu.


Swiv nou:

Piblisite


Piblisite