Dwata 9:15 - Udél Dwata: Gna Kesfasad ne Lomi Kesfasad

¹⁵ Tahu se, mosole, nwitu yóm lewu botu kufil gónóhen nô yóm deng senfasad tekuy Dwata. Lel yóm tey dilóf ofi mkal ta yóm bulul yó.

Dwata 9:15 Referans Kwoze

Kehewà 19:18

Yóm Bulul Sinay, tódô tfeng kebel abay se mnaul elaan Dwata mung bè ofi. Yóm kebel yó, hol lómón ke kebel ofi alì hitem kmò kboben etta ne ya tey sidek kegsinsigen yóm bulul yó.

Dwata 5:23

Bè yóm tehe tódô ketfengen ofi yóm Bulul Sinay, tódô gungol ye yóm udél Dwata gu lem yóm tey mget kifu, lemwót yó kem tau malak kuy bè ket ból ye mógów ebéléu

Dwata 4:11

“Hol tulón ye yó kem ngà ye,” mon Musis, “yóm tehe kdà ye bè but Bulul Sinay, yóm bulul lenambung yóm tey lobun mget hitem lel yóm tey dilóf ofi lemayul etta bè longit.

Hibru 12:18

Bè yóm kehloni tekuy ebè Dwata, là kô gnóm tekuy du kut yóm tehe gnóm yó kem tau Israél ekni. Tey sidek klikò le bè yóm kton le du yóm tey dilóf ofi ta bulul Sinay, ne yóm tey sidek kkifuhen, lel nim tey lenos bong.

Kehewà 9:23

Tahu se, tayal Musis eta bè longit tugeden ne sen-geng Dwata se heték du ne hetbóhen yóm hol tey bulók kulón ne tey leték kemfô gu talak tonok.

Dwata 9:16

Bè yóm kkólu bè kamfù tódô tonu yóm là bud kimón ye du yó kem hlau deng hlolò Dwata kuy yóm sana Dwata hol gónó kuy mogot. Deng ye gemsalà béléen lemwót bè yóm kmò ye ngà safì tudu tenwél mò gónó ye tmaba.