Dwata 9:13 - Udél Dwata: Gna Kesfasad ne Lomi Kesfasad

¹³ Ne yó bud udél Dwata ebéléu, monen, ‘Deng eles tngónu yóm alì kgel kulu le ni kem tau ni.

Dwata 9:13 Referans Kwoze

Dwata 10:16

Yó gónóm mon, hol hfun ye ke Dwata klowil ye, bê ye abay bud hgel kulu ye.

Dwata 9:6

Ni mò hol hendem ye, là kô yó du gónó Dwata bemlay du kuy yóm tonok yó ke mlan bè ktedeng nmò ye. Bè ktahuhen, yu se yó kem tau alì mgel kuluhen.

2 Bok Kem Tau Hol Geta 17:14

Okóm là kô hnungol le du, tey mgel kulu le lómón yóm tehe nmò yó kem tehe fù le, là kô hentahu le du yóm sana kul Dwata hol gónó mogot.

Dwata 31:27

Deng eles tngónu yóm tey kgel kulu ye ne yóm là kimón ye ke Dwata. Balù ni hem tolo knóu lem blóng ye, sana là kimón ye ke Dwata. Ne milud he kmò ye du ke denge matay.

Malakay 3:5

Yó udél yóm Dwata laen dù là gbeken du, monen, “Angate sut elem blóng ye naw e knukum yu. Ne henmung tenksiu yó kem tau demwata ne yó kem tau mdà yehen ne yó kem tau tmifù kéng ne yó kem tau là tedeng ksukéy le yó kem tau mò nmò bélê le, ne yó kem tau hen-gnok le yó kem libun bolu ne yó kem ngà hikit ne yó kem tólóng tau menwu lem blóng ye. Tenksiu yó kem tau mò du yóm yó abay se hono tau laen dù klikò le dou,” udél yóm Dwata laen dù là gbeken du.

Husiya 6:10

Deng tonu bè Israél yóm alì sidek, duhen yóm gel ktaba le ebè yó kem dwata lennged deng nmò le.

Jirimaya 7:11

Ilóem yó kô kehedem ye du yóm dou Gónô, yóm hol gónóhen nô yóm dou boluy mò gónó le hebnos yó kem tau mnagaw? Deng gotu tonu se yóm sidek gel nmò ye bè yó, mon Dwata.

Kem Lingón 50:7

Yó udél Dwata, monen, “Hol hnungol ye ou, kem dou tau, wen udélu ebélê ye. Ou se Dwata yóm hol kuy Dwata. Ni se yó kem duónu kuy, kem tau Israél.

Tekang Kbuten 18:21

Na mosol etu dé na hnénég ke tahu yó kem tifù le kul yó.”

Tekang Kbuten 11:5

Omin Dwata yó mnaul elaan nan e hnénég yóm syudad ne yóm gónô geta nbut hdà yó kem tau.