Dwata 9:1 - Udél Dwata: Gna Kesfasad ne Lomi Kesfasad

¹ Ó kem tau Israél, ni hol hnungol ye. Kemdaw ni ne bang kifal ye du yóm Él Jurdan ne bang knô ye ta yóm tonok nfun yó kem tau alì wen ne wen genbek le senta ye. Tey lamang yó kem syudad le ne yó kem beng hmilol kul botong tô gefet bè longit.

Dwata 9:1 Referans Kwoze

Dwata 4:38

Bè yóm gel kógów ye tendo eles tukô gna kuy Dwata, gotu lohen yó kem tau nô lem yó kem benwu gónó ye e mlan, kem tau alì mfasang ne kemgis senta ye anì niten yu husek elem benwu le ne blayen kuy yóm tonok le, yóm tonok mò hlós nfun ye.

Dwata 7:1

Yó bud mon Musis, “Ke deng nwiten yu yóm sana kuy Dwata hol gónó mogot ebè yóm tonok hfunen kuy mò gónó ye henek nô, tey angat dê but tau lohen gu tahen, yó kem tau Hitayt ne yó kem tau Girgasayt ne yó kem tau Amurayt ne yó kem tau Kanan ne yó kem tau Pirisayt ne yó kem tau Hibayt ne yó kem tau Jibusayt. Nim hitu kem but tau lohen gu tahen ni, hono kem but tau alì wen ne tey le gembek senta ye.

Juswa 4:19

Yóm kifal le Él Jurdan yó kem tau Israél, deng bè gesfoloen kdaw bè yóm tanay bulón. Bè Gilgal gónó le kmamfù fi dmata kdaw Jiriku.

Juswa 4:5

ne monen mò kul, “Mógów ye ebè gónón sóól lel yóm Él Jurdan bè solu yóm Slungan Fasad yóm Slungan yóm sana Dwata hol gónó mogot. Ket sotu bélê ye tmihang sotu botu ete kembu, ket sotu botu bè ket ból yóm sfolò lewu kem ngà Jakub.

Juswa 3:16

tódô teflok se lel yóm él yó ne tódô segbusung eta ditu fi leged yóm syudad boluyen Adam yóm syudad klohok Saritan. Bong yó dum lelen e mool ebè Mohin Héét, gotu kti ne gbek le mifal moni bè Jiriku yó kem tau Israél.

Juswa 3:14

Uma kóm bè yóm kdaw yó, kdaw muta ne tolo dmunuk yóm él. Bè yóm ktagak le kamfù le yó kem tau Israél anì na le e nifal yóm Él Jurdan, fen le tukô gna kul yó kem tau gel blóng ebè Dwata fen mit yóm Slungan Fasad. Hol le se mdà lem él yó kem tau fen mit yóm Slungan Fasad,

Juswa 3:6

Tikóng hayahen bè yó, yó udél Juswa ebè yó kem tau gel blóng ebè Dwata, monen mò kul, “Sentihang ye yóm Slungan Fasad tukô gna yó kem tau mò malak kul mifal Él Jurdan.” Tahu se, nmò le yóm monen yó.

Dwata 27:2

Bè yóm kdaw kifal ye du yóm Él Jurdan na ye e husek ebè yóm tonok blay Dwata kuy, yóm sana kuy Dwata hol gónó mogot, yó nmò ye, semsodò ye eta yó kem botu lembang ne bnukay ye.

Lista 13:22

Lolò le e mool mius le bè yóm benwu boluyen Négéb efet le kól bè Hibron, yóm benwu gónó le menwu yó kem sfu Anak, le Ahiman ne Sisay ne Talmay. (Yóm benwu Hibron yó, deng hitu halayen ne mdà gu laanen là deng mdà yóm syudad Suan yóm syudad yó kem tau Idyip.)

Tekang Kbuten 11:4

Omin le bud mon du, “Na tekuy hdà yóm tey syudad mung du yóm gónô geta gefet te kmawang anì hol tekuy tótól ne là sekla tekuy ebè klamangen benwu.” Tahu se, nbut le hdà du.

Dwata 6:10

Bè yóm kwit Dwata kuy eta yóm tey tonok deng tehe fasaden yó kem fù ye le Abraham ne Isak ne Jakub, deng eles wen kem syudad glo ye tahen, kem syudad lembang ne mdengen, syudad là tehe kuy hdà du.

Danyél 4:11

Ngangen lemnok yóm koyu yó efet gesduk bè longit ne tey mbegel kdaen. Tódô gfan bè kdéen tau bè klamangen benwu.

Kehewà 32:1

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”

Lista 33:51

wen hlolò Dwata kul hlanen bè Musis, monen, “Ke deng nifal ye yóm Él Jurdan bè yóm kógów ye ebè Kanan

Dwata 4:1

Yó udél Musis ebè yó kem tau Israél, monen, “Hol nimón ye yó kem hlau Dwata toloku kuy ni anì mowil ye ne anì menwu ye ta yóm tonok deng blay Dwata kuy, yóm sana kul Dwata hol gónó mogot yó kem tehe fù ye.

Juswa 1:15

efet le gnô ta yóm tonok deng blay Dwata kul nô fi desdef Él Jurdan. Ke deng tilob kehnô Dwata kul tahen yóm tonok yó, omin ye yó he mulék edini anì na ye e nô ta yóm kuy tonok bè ni fi dmata kdaw Él Jurdan, yóm tonok deng blay Musis kuy yóm tau tóbóng lówó Dwata.”

Amus 2:9

Lómón yó se yóm là kimón le do yó kem dou tau, igoen ou yóm tehe tmóbóng kul. Gu laan le là deng kól bè yóm benwu blayu kul yó kem dou tau, ou se tehe gemlà kul yó kem tau Amurayt nô bè yó, kem tau alì tahà lómó ktahà le koyu sidar ne lómón ke lu yóm koyu alì mtétél bè kdéen. Okóm sulék genlau lu.