Dwata 8:9 - Udél Dwata: Gna Kesfasad ne Lomi Kesfasad

⁹ Bè yóm tonok yó, là kô ye na e bitil du ne là se kô ye na a élél du. Yó kem botuhen nim benwu ni, wen kem bala tók nô lemen. Ne bè yó kem bulul lemneken, gbek ye mokol bè yó yóm mò gel tenwél ye.Laen kô dù gónó ye élél bè ken ye ne angat dóyón ye Dwata yóm sana kuy Dwata hol gónó mogot, bè yóm tey tonok wen tebasen deng blayen kuy.

Dwata 8:9 Referans Kwoze

1 Tutul Israél 22:14

Deng tey khotuhu gelu semtifun kul yó kem ngom bè kehefdaem yóm Gónô Dwata. Botong tô fat libu kilu tahu blówón, ne tô fat folò libu kilu se blówón bukay deng sentifunu, ne tey wen he kem bala tók ne kem tembaga deng sentifunu, là kô bud gbekem tmimbang kul. Denge se semtifun kfal ne kem botu mò bengen, bede uu he bud temnù kul.

Dwata 33:25

Yó kem benwu le, hol hono bala tók he yóm bak tikeb le anì laen dù gembek husek elemen. Ne tendo menek he yóm kbenwu le.

Dwata 8:8

Tonok angat hmalay ne wen kem bungu grépen ne figen ne wen pumigriniten. Ne wen koyu uliben ne wen nuhag temneb bè yó snéen.

Dwata 8:10

Laen kô dù gónó ye élél bè ken ye ne angat dóyón ye Dwata yóm sana kuy Dwata hol gónó mogot, bè yóm tey tonok wen tebasen deng blayen kuy.

1 Tutul Israél 22:3

Wen tey kem bala tók blay Dabid mò nmò le tutuk yó kem tikeb beng hmilol, ne mò nmò le gónón sékét yó kem tikeb beng yó. Bud wen he kem tey tembaga blayen, là kô gbek tmimbang du.