Dwata 8:8 - Udél Dwata: Gna Kesfasad ne Lomi Kesfasad

⁸ Tonok angat hmalay ne wen kem bungu grépen ne figen ne wen pumigriniten. Ne wen koyu uliben ne wen nuhag temneb bè yó snéen.

Dwata 8:8 Referans Kwoze

Kun Snulat Jan 6:13

Tahu se, gotu sentifun le. Botong sfolò lewu abì henok lukasen yóm tehe tek limu botù mambang yó.

Kem Lingón 147:14

Deng heneken klamang benwu ye, ne deng hegsengelen nawa ye bè yóm kehyu yóm tbas ye.

Dwata 32:14

Yó kem safì le ne yó kem kambing le, tey wen gatas nwa le bélê le. Hono hyu yó kem ubiha le ne kem kambing le ne kem safì le. Alì hyu yóm halay le ne tey mgélék yóm tifas grép gel ninum le.

Kun Snulat Jan 6:9

“Wen ngà mit bnotu bè ni, limu botù mambang ne lewu tedek utón él. Okóm tô kmò le kul du ni kem tey tau wen nii?”

Hbakuk 3:17

Baluen he ke là bud le mulók yó kem koyu fig ne là bud le mungu yó kem grép ne baluen ke là bud le mungu yó kem koyu ulib ne là bud wen hulu yó kem dnadu ne baluen ke gotu le matay yó kem ubiha ne laen dù bud safì tonem bè yóm gónó le hemsù kul,

Mika 4:4

Tódô sotu kun htinof bè yóm kun gónó hmulu grép ne kun gónó mulu koyu fig ne laen kô dù bud knikò le. Ni se deng fasad yóm sana Dwata laen dù là gbeken du.

Husiya 2:22

Ne yóm tonok, hnéféen yó kem halay ne yó kem grép ne yó kem koyu ulib alì sidek kékéngen mò balaen yóm kni le béléen. Tódô gungolem yóm tey kesegeng le semngal, yó utóm le, ‘Jisriil.’ Yó lanen, ‘Kun hulu Dwata.’

Husiya 2:8

Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.

Isaya 7:23

Bè yóm kdaw yó, yó kem tonok hyu gónó le tehe gel mulu grép tehe ket lemibu but hulu le du ne ket tonoken sal bentes lemibu botù blówón bukay, angat gotu limes bè yó kem tey ngà koyu semnual ne kem sual lemfà.

1 Bok Kem Tau Hol Geta 5:11

Yó kun balà du Selumun tódô ket halayen bemlay ke Hiram lematu libu abì bong hnok halay ne lematu bud sfolò libu galun hnok hnolo ulib mò hkenen yó kem tauhen.

Kem Lingón 81:16

Okóm kuy, hkenu kuy yóm ken ali hyu. Hebsowu yu bè yóm tneb lemwót lem sol botu.”

Tekang Kbuten 49:11

Lemwót bè yóm alì kwen yó kem grép hulu Juda, anien he ke féten lemen yóm ngà kudà asnuhen bè yóm alì gónón mabù grépen, là kem hendemen du ke wen gamà du. Lemwót bè yóm alì keél yóm tifas grépen, anien he ke nfuken lemen nesen, là kem hendemen du ke wen gamà du.

Dwata 8:7

Yóm sana kuy Dwata hol gónó mogot, du se mit kuy ebè yóm tey tonok hyu ne wen kem él mlel lemen ne wen kem sfuten ne wen tbul él mlel ebè yó kem datalen ne ebè yó kem bulul lemneken.

Dwata 8:9

Bè yóm tonok yó, là kô ye na e bitil du ne là se kô ye na a élél du. Yó kem botuhen nim benwu ni, wen kem bala tók nô lemen. Ne bè yó kem bulul lemneken, gbek ye mokol bè yó yóm mò gel tenwél ye.Laen kô dù gónó ye élél bè ken ye ne angat dóyón ye Dwata yóm sana kuy Dwata hol gónó mogot, bè yóm tey tonok wen tebasen deng blayen kuy.

Dwata 32:13

Hogoten yó kem tauhen yó kem benwu gu lem bulul ne yó lowil le yó kem hulu nmò le bè yó kem tniba le. Wen tneb hkenen kul nwa le lem blóng yó kem botu lembang. Ne yó kem koyu ulib le tódô le tmowok bè yó kem lusok botu.

Lista 13:23

Tikóng le kól bè Datal Iskol, senfék le sotu kanguy grép. Tódô sfungu bunguhen nô du ne tey bong, botong le lewu semtihang du. Bud wen se kem dumu bungu koyu boluyen pumigrinit ne fig nwit le mulék.

Dwata 6:3

Yó gónóm mon, yu kem tau Israél, hol gel hnungol ye yó kem hlau Dwata kuy ne hol nimón ye. Ke ni se nmò ye angat hyu kógów klowil ye ne angat tey kból ye bè yóm knô ye ta yóm tonok alì hyu ne wen tey tebasen lómón yóm deng fasad Dwata kuy, yóm sana Dwata yó kem tehe fù tekuy.

2 Bok Kem Tau Hol Geta 18:32

efet nwitu yu mayuk ebè yóm benwu angat gónó ye henek nô, benwu hol skél bè nim kuy benwu ni, benwu alì hmalay ne tmifas, alì wen mambangen ne grépen, benwu wen koyu uliben, ne wen tneben, benwu gónó ye mowil. Hol bê ye abay hnungol yóm ksukat Hisikaya kuy ke monen, ‘Angat lenwà Dwata tekuy.’

Jirimaya 2:7

Bè yóm tehe kwitu kuy eta yóm tey tonok tembas gónó ye hligal mken du yó kem hyu tmowok tahen, deng mom nmò ye yóm sidek ta nim tonok ni, yóm tonok deng tehe fasadu kuy.