Dwata 8:6 - Udél Dwata: Gna Kesfasad ne Lomi Kesfasad

⁶ Yó gónóm mon, hol nmò ye yóm deng hlau Dwata kuy. Bè yóm klawi ye mowil, hol lolò ye yó kem kun hlau kuy mung du yóm klikò ye du.

Dwata 8:6 Referans Kwoze

Dwata 5:33

Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Kem Lingón 128:1

Hligal le kul yó kem tau wen klikò le ke Dwata, yó kem tau gel mò du yó kem hloloen kul.

2 Tutul Israél 6:31

Ke yó nmoem, angat wen klikò le kóm yó kem kóm tau ne lolò le yóm kóm klan bè yóm igò le mowil ta yóm tonok deng tehe blayem yó kem tehe fù me.

1 Samwél 12:24

Okóm yake hol wen klikò ye ke Dwata ne hol ye hteneb lemolò du. Hol hendem ye yó kem tey hyu deng nmoen bélê ye.

Kehewà 18:20

Tey hyu yóm ktolokem du kul yó kem hlau Dwata ne yó kem dumu hloloen kul. Tey hyu snéen yóm kehlanem du bélê le yóm kmò kwit le ktau le ne yóm ktolokem du kul yóm hyu bang nmò le.

Dwata 8:5

Ni mò hendem ye, yó gel nmò yóm sana kuy Dwata hol gónó mogot wen gónón gel hemtedeng kuy ne wen gónón gel tmafak kuy lómón se yóm mà gel tnafaken yóm ngaen.

Dwata 8:7

Yóm sana kuy Dwata hol gónó mogot, du se mit kuy ebè yóm tey tonok hyu ne wen kem él mlel lemen ne wen kem sfuten ne wen tbul él mlel ebè yó kem datalen ne ebè yó kem bulul lemneken.

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.